HIHI,大家好嘛,有無掛住我呢??HAHA…….好耐無見啊大家.
一個比賽,多個感受。
我終於比賽完了,唔……講真既,比賽帶俾我好多新睇法.亦令我呢個Old cake了解自己多左。
今次比賽前,我由5分多鐘,到3:27秒既成績,及後型爸俾既目標3:10秒,對於好勝既我真係一個幾唔錯既挑戰。我試左幾次都突破唔到(講既係3:27),我就索性用最後2星期,去令自己更集中,係身體既休息作調整,係體重再去修正,係飲食更有力量,而其中一個,就係,唔上黎同大家吹水,嘩,原來唔講笑,鐘意同大家吹水既我。要消失原來都要幾有決心,HAHA………..簡直令我飢渴感爆燈~~~~
尋日終於跑完了,今次去賽場,有我同我女兒仲有褓姆一齊。一開始,我當然好專心為我女兒拍照同拍video,而當到大會召集一班old cake去比賽時,我就真的開始緊張了。由於我女兒係讀女校既,比賽場上,很多都係媽媽帶女兒黎比賽,替女兒來打氣,所以會場男性實在不多。而我到跑道準備時,見到太太為某些老公在打氣,女兒為自己的爸爸哎加油,多多少少忽然有了年青的感覺。在比賽前20秒,我看見了女兒在為我揮手,那一刻,既平靜,又好勝既心情就出現。800米,沒有什麼衝線的激情,反而更要有一份耐性,因為800米大家跑既都好快會集中於同一條跑道,有人會留前,有人會鬥後,一開始我選擇排人群中,看著有些人爬自己頭,心裡不期然緊張起來,是不是慢了呢?今日的狀態比平時好嗎?早知尋晚瞓早一點點啦,等等等等。但呢樣野,對於比賽經驗少既我又好快一掃而空,因為我在想,女兒,應該在看著我,我應該表現得更好一點,後來就隨自己訂下的目標,在最後300米開始加速。
但現實有一點肯定的,比賽中的眾爸爸,我睇得出有好幾個是老手,不似我報了名才臨急練習,最後衝線。在30多人當中,我排第8位衝線,而時間竟然是3:09秒,比我平時怎麼訓練都要來得快。
係呢度,要多謝聲型爸,多謝聲大家。因為佢set既目標,令我突破自己,其實我感覺自己可以再快,更快。但呢個,好可能係出年既事才反映到了,HAHA…….咁我仲會唔會keep住跑。唔…….我估我都幾有可能會.因為為左呢次比賽,我既體型係不知不覺間改變了不少,呢樣野係令我有點點喜出望外。我可能無同大家提起過,我太太的表弟,其實係model黎既,佢間唔史就會係FB去show有佢既最新硬照,果D咩野胸肌腹肌咩肌都會走晒出黎,最新果輯仲要係同班女仔係沙灘玩水添,睇見太太讚佢fit,令我不期然有了新目標,我猜大家也估到什麼了吧~~~~HAHA
希望大家唔介意我一唔講野,一講就水蛇春咁長啦。