多謝大家一口氣覆我,我又一口氣覆晒大家先,HAHA..........
我估我跑完,都會抖抖才再跑,我有少少愛上左跑步,而bonus既係,佢令我瘦左,呢樣野係我有少少意料之外.
型爸師兄知我心,我係有D好勝,但更自知有D野但求盡力,不可莽為,我女兒問我做咩咁努力,我都只係答佢既然應承左,就認真做.希望到時唔好包尾返黎嘛.佢就係度笑,我又係度笑.我希望俾佢既只係認真做事同動力,自己嘛,少少啦,少少壓力,我家陣飲食同運動都並行,想看看,今天的我,最快還可以跑多少.還希望有型爸師兄既恆心,毅力啦.
其實我懶,每次運動前有,之後就無,我估我要有返先得.我呢兩日都有做,希望將拉緊感覺放鬆點.
啦啦隊,係,我都估唔到,但講真,果日會有超過40個爸爸比賽,而好似每左6定8組,每組各有口號.比賽時會有積分,有總冠軍.我估果日既氣氛會好好.
瑜珈?我無時間做了,而家既有氧無氧運動量排得滿滿了.HAHA,我估啦下,比賽完,我會再調整下個運動list,黎緊夏天希望可以好好睇睇,點解.......?因為.....女兒已去左學游水了,亦即意味,呢個夏天,會同陽光玩遊戲.