散場走人啦,ANNE就叫耀送我.其實我地兩個都係住大西北,安排都合理既.
因為亞耀飲左酒,所以無揸車,我地坐的士.
係的士上面,因為飲左酒我都有少少暈,所以好自然就挨個頭係亞耀膊頭,又有少少凍,我就挨埋多少少.亞耀都感覺到,就伸手攬住我膊頭,而我都再坐埋的,手放係佢心口,而佢應該都感到我對波波都壓住佢.
係車上面我地都無乜講野,就到時我地就坐番好,忽然覺得我額頭濕濕地,一摸有血既??再望下亞耀,原來佢傷口爆開左.
咁我就拎紙巾幫佢抹左血先,叫佢上黎我屋企,同佢消毒止血.入到屋企我叫佢坐低先,我拎清毒藥水膠布D野出黎.過左一陣就搞掂啦.
個時佢坐係疏化,我就坐係高少少既椅.一路整緊個傷口都無留意,整完後見佢望住既?我一睇,又係條高叉裙,我坐係佢前面,佢又坐得低,應該睇晒……
我雙手遮一遮:喂,好啦喎.
耀少有地唔駁咀:唔好意思
DEAD AIR左一陣…..
我:仲痛唔痛呀?
耀:其實唔痛呀.
又再DEAD AIR……
過多一陣,佢輕輕捉住我對手:我係咪要走啦?
我明白依個問題背後係咩意思,個時我唔識答佢.佢見我無答,咁佢就講:明白啦,咁我走啦,妳早D休息.佢摸一摸我塊面就起身走啦.
佢走左之後,我係度諗,其實我將佢當成前一個亞耀.對前一個亞耀其實我都已經要放開,依個我其實係咪更加唔應該咁樣呢?
我打番電話比佢,同佢講聲SORRY,因為我有時將佢當成前一個亞耀.
耀:唔緊要呀,其實ANNE一早講過我知,妳同另一個亞耀既事.
我:死八妹……
耀:佢話妳當一聽到我個名時,應該會呆一呆,點知真係喎.
我:其實唔止名,你同佢都有D地方好似,所以我……
耀:我明白喎,
我:我唔想將你當成另一個亞耀.
耀:不過呢?
我:不過,你所做既我感受到.
耀:我都無做過乜野呀,捱一拳鍚一啖,抵番啦.
我:你仲講笑?你幫我去莎莎買乳貼喎.
耀:換到見妳突點喎,賺晒啦.
我:你幫我捱左一拳喎.
耀:之後比妳鍚番啖喎.
我:唔准再駁我咀呀!
耀:知道.
我:老實答我,你今晚係咪想?
耀:係
我:想咩野?
耀:唔知呀.
我:咁你又答係?
耀:答係有著數呀麻.
我:……
我:限你10分鐘內返上黎,仲要去對面間OK買要買既野,10分鐘唔見你我就關電話.收線!!
(激死我)
竟然要我講到出口……
