各位師兄都唔洗pm我,原諒我唔夠分覆唔到你地亦都唔會加你地wechat。
因為我呢一刻覺得呢d事真係經歷過玩過就夠,你可能會問我有無後悔過?嗯…或者我會答有呱,但我都好明白其實大家出到黎都係各取所需,大家又真係開心過,最後悔其實係覺得自己背住另一半出去同其他男人一齊好對佢唔住,不過佢當然唔知,我亦唔希望佢會知,因為佢唔會想像到我竟然係呢種人。
我同Mr.L依家仲係朋友,普通朋友,間中傾下閒計,我地雖然仲有見面,但已經變成食飯飲野傾閒計,唔再好似當年談情說性有下文。而N先生如今都有穩定女朋友,我地亦都無再聯絡過。至於我同男朋友既關係雖然唔似得同呢兩位師兄咁刺激咁激烈,但佢對我非常之好,對我無微不至,而我同男朋友都計劃緊進入人生另一個階段啦。
我相信有唔少人都擁有不可告人既心事,而我選擇將我既心事同經歷寫係呢個post入面,當作一個小小的記錄同分享。
將來睇下仲有咩故事可以同大家分享啦。