引用:
原帖由 vanvannesasa 於 2017-3-11 12:29 PM 發表
做了父母,一定最緊張仔女。後生時唔怕死,但做左媽媽我就好怕死,因為如果我瓜左,邊個照顧佢地呢?
作為男人保護妻兒係天性,仲好鬼man,唔好話有危險吖,有時見到d爸爸抱住小朋友,都覺得份外有型。
只有自己時,同有妻兒時,就算發生同一件事,都可以講處理手法完全唔同.
即我唔客氣D講句,係街遇上傻佬,我一個人,未必會走開,但有小朋友,我會真係企遠D.
我記得有次去餐廳食野,遇著個傻佬,可能我行得急,有少少截住佢行,係餐晚飯,條友全程怒睥我.睥到我太太都問我點算.
如果得我一個,我會一個方法,
但果時有我同我太太,而且果度又近我住既地方,我果下真係會擔心日後我唔係度而條友又撞上我太太同我小朋友時點算時,我態度都唔同.我就放低野食,望返住佢,佢望到我完全唔避,望返佢時,佢反而又縮下縮下.我敢講除左女人,我未試過同條麻甩佬會對望咁耐,我見佢遲遲唔表態,我就走埋去佢面前.我企佢坐既姿勢下,同佢講:
我:我唔知我有咩野得失左你,如果你有意見既,可以而家出聲.
(佢又低頭唔講野,咁我唯有繼續)
我:如果無咩野既,我而家走,如果你心裡有咩唔舒服既,我同你講聲唔好意思.
(我唔知佢反應點,因為講完呢句,我轉身就拖住我太太走.)
係呢件事,我發覺,我會思考既野多左,一個人既我,可能會衝動些,但而家既我,考慮既多左,其實,成件事更好.