前文被刪,簡單補充吓令大家不用一頭霧水.前文係講我30歲前的荒唐事,我點樣識Paula 同Eleni,而Paula 係一個年齡25,但睇樣以為15的妹妹仔型靚女.
返正題,幾日後我同Paula 開波,嬌小玲瓏嘅佢喺性方面唔係好似個樣咁細路女,佢技巧一流同佢做愛真係好開心.
完事後我哋攬實互相愛撫(呢個過程對女方尤其重要),佢伏喺我心口食事後煙,食完之後我哋又打個茄輪.Paula 問我想唔想見吓佢屋企人?(見家長?我同佢拍拖都未夠三個月)我應承咗,Paula 同我簡單講吓屋企,佢十幾歲時父母離婚,佢跟媽咪細佬跟老竇.佢媽咪係一間大型律師樓合夥人,不過已經好少落場打官司(怪唔知Paula 咁富貴啦),父母離婚後關係一直麻麻,有時佢見Daddy媽咪都唔多鐘意,仲叫我到時唔好喺佢媽咪面前提Daddy.
到咗約定日子Paula 帶我去見佢媽咪,張枱有兩個女人一個比較老一個比較後生,後生嗰個竟然係Eleni!?我哋一個愕然後立即回復冷靜扮冇嘢,我心內求神拜彿時Paula 就介紹:[我媽咪同外婆!]老嘅當然係外婆,咁後生即係呀媽啦!我真係可以名正言順同Paula 講:[我X你老母囉]!?
Eleni 唔多講嘢,反而外婆雞啄唔斷.Eleni 今年50咁外婆應該都70幾,但係嗰樣睇落只係50幾,呢家人眞係得天獨厚.過咗陣外婆就拉Eleni 走,Eleni 好似唔多想走,外婆就同佢講:[通氣啦.]走嗰時Eleni 不斷回頭望住我同Paula.Paula 去咗廁所,此時我電話有個短訊係Eleni send 嚟,寫住話[咪攪我個女!]
翌日Eleni 約我喺私人會所見面.我原本諗住下次見Eleni 又可以同佢開波,不過而家就變咗開火.入到間房Eleni 已坐咗喺度,我坐喺佢對面,佢用命令嘅語氣話:[驚呀?坐埋嚟啦!]
我坐咗埋去Eleni 就一巴車落嚟(以我身手絶對可以避得開不過我冇避),然後話:[呢巴代Paula 打你!]沉默一陣後,Eleni 吸啖氣問我:[有冇同Paula 上過床?我答有,跟住佢又一巴車落嚟.呢巴仲勁過投先,我塊面又痛又滚,不過Eleni 亦唔好過,佢雙手掩面成個人喺度震,我知佢唔係怪我同Paula 上床,而係怪自己竟然同個女男朋友上咗床!Eleni 放開對手後同我講:[我要你同Paula 分手!]我應承咗,其實我都决定咁做.我起身走,Eleni 對我話:[如果有第三者知道嗰件事我一定奄咗你!]我串返佢:[咁你而家郁手啦,嗰晚帶我哋入房個呀姐已經係第三者啦.]Eleni 成杯酒潑落我度然後大喝一聲:[躝]!
其實成件事唔係我錯晒,只係陰差陽錯令我同佢兩母女上咗床,兼且當時大家都好開心吖.諗返起佢兩母女好多方面都好似,木瓜型的乳房,對性愛嘅享受,做愛時嘅狂野......
故事在此完結,多謝大家支持.
FIN
