第三十七章.脫離Newton
被爆竊幾日後,有一晚Newton忽然有興緻,想攞返同啲女拍嘅寫真相同AV片黎睇,就登入佢個雲端戶口,竟然發現戶口入面嘅Folders完全冇晒,心痛自己嘅作品冇晒。
Newton心諗:「大鑊,畀入hack左入黎,偷晒啲Folders。」於是迅速過查晒所有AV網站,好彩都唔見有佢啲女嘅相或者片被放左上去,不過就惹起佢嘅懷疑。
佢自說:「個黑客偷晒我啲相同埋片,唔放上網畀人睇,又唔勒索我,究竟為乜?唔通佢解唔開我加喺Folders嘅密碼?冇理由,佢連我個戶口都可以hack入黎,幾個密碼又點會解唔開。」
Newton諗諗下,想起返之前畀人入室爆竊,個警察話個賊可能係為左某件野,心諗:「唔通個賊係想偷我啲女嘅相同埋啲片?但係除左啲女同我之外,應該冇其他人知道我有呢啲相同埋片,除非...」
過多兩日,Jenny再去搵Newton,同佢講自己已經升為校長,Newton表現得好開心:「我真係冇睇錯人,但係點解唔聽見Annie同我講嘅,等我準備份禮物送畀你呀嗎。」Jenny淺淺一笑:「係我叫佢唔好講,我想親口話你知。」
Newton認真話:「以後成間學校以你為首,你要更加盡心搞好佢。」Jenny又話:「我一定會,係呀,下個月我會搬,學校提供左校長住嘅屋畀我,以後比較少機會見到你。」但係佢冇講個地址畀Newton知,Newton亦都冇問。
兩個人互相攬左一下之後,Jenny好誠懇話「我今日所有嘅一切都係多得你,我一定會好好報答你。」Newton認真話:「唔使啦,呢個成就係你自己努力得返黎,我只係幫你行出第一步。」
冇幾耐Kay放工返黎,見Newton好似有心事,問佢咩事,佢就講畀Kay知Jenny升為校長嘅事,Kay話:「佢似乎想擺脫你喎。」Newton話:「唔係似乎,係肯定,佢依家大權在握,想脫離我都無可厚非。」
Kay唔忿氣:「但係如果唔係你幫佢,佢依家可能重畀Annie恰緊。」Newton話:「算啦,反正女人我大把,佢要走由得佢,而且佢又真係有搞好間學校,不過希望佢唔會對付Annie啦。」
Annie名義上係升左職,不過好多重大政策Jenny都已經唔使佢參與,只係要佢做一般秘書嘅工作,Annie雖然提出過,然而Jenny總係話佢嘅工作都好重要,冇左佢打點一切唔得。
Annie心知Jenny噉做,一來係唔再信佢,二來想迫佢辭職,從而清除Newton嘅人,事實佢都有考慮過辭職,搵Newton商量呢件事,Newton建議佢都係留返喺學校,因為量Jenny都唔敢隨便炒佢。
有一日嘅夜晚,Newton做完野返屋企,喺大廈大堂遇見Jenny未搬之前,住係佢隔離嘅嗰個猥瑣佬一個人等緊電梯,Newton因為之前畀錯Jenny嘅內衣佢,先知佢好猥瑣,所以極之唔鐘意佢,企喺佢旁邊都唔同佢打招呼。
個猥瑣佬轉頭見到Newton,即刻露出緊張嘅表情,引起Newton注意:「你做咩?」個猥瑣佬口窒窒話:「冇野呀。」Newton就問:「做咩慌失失,梗係又唔知對啲女做左啲咩衰野。」
個猥瑣佬猛話:「無呀...」電梯都唔等就跑出大堂,Newton心諗:「點解佢好似好驚我噉嘅。」個年輕大廈管理員行黎Newton身邊:「條友咩事?」Newton話:「唔知呢。」
個管理員話:「不過你係男人就唔使怕。」Newton故意問:「點解噉講?」個管理員話:「條友好猥瑣架,見到女人就想搞,又多手多腳,係女人都怕左佢,除左八樓個大波老師。」
Newton心中一震,又問:「你又知?」個大廈管理員話:「就喺你屋企畀人爆竊前幾日,我巡樓去到八層,咁啱見到大波老師入左佢屋企。」Newton特登話:「可能係同佢搞野喎。」個管理員有啲不滿話:「重使問咩,我貼埋門聽到佢係噉叫,cheap到死,益個猥瑣佬都唔益我。」
Newton返到屋企,坐落梳化,串連返晒幾件事,幾乎可以肯定係Jenny以上床為代價,叫個猥瑣佬入佢屋企,目的係想攞返晒之前畀佢影嘅淫賤相同埋AV片,搵唔到就扮爆竊,而且睇過佢部電腦,知道佢有個雲端戶口,不過一時間開唔到,之後再hack入去偷。