今次出場既主角叫C，係我第二任男朋友，不過都已經係ex lu...
同C既開始係一個美麗既巧合，事緣佢同另一個男性朋友（老死/兄弟之類，絕對唔係hehe）訂晒package去蘇梅島旅行，但係臨出發前半個月，佢朋友屋企有事所以唔去得，為左唔好嘥package，而且C唔想一個人去，就係個whatsapp group度問有無人想去～咁岩果段時間我得閒，而且我一向都鐘意陽光與海灘，所以即刻pm問C係咪真係去...最後搞掂晒轉機票d手續，我同C就出發去蘇梅島！
雖然當時我同C都單身，但係其實大家識左一年，都唔知講唔講得夠廿句野lol，所以大家都無諗過發展，純粹搵個伴一齊去玩，更加無諗過會搞野！
去到酒店check in完入到間房，我已經呆左...除左因為間房都幾大幾靚，最重要係個廁所無門，得塊大玻璃，而且廁所外面對正就有個浴缸，係完全無遮無掩放個浴缸係度！
見到呢個場面，除左o咀都唔知講咩好...咁我就好似講笑既語氣同C講叫佢唔好睇我沖涼，或者我沖涼果陣你落泳池游個夜水啦～
第一晚我沖涼果陣佢真係好乖落左酒店lobby，咁我都唔好意思要佢等咁耐，所以無浸浴，淨係快快手係企缸沖完就whatsapp叫佢返上黎，到佢沖果陣我本身諗住離開間房，但係佢話廢是我走黎走去，叫我專心吹頭睇電視啦，佢好快沖完..最後佢沖完我個頭仲未吹乾lol
各自沖完涼就一人訓上一張床，然後又禁下電視有咩睇，禁過晒d台個個都講泰文，得一個電影台係講英文，咁就話睇戲啦..點知個台播緊果套戲係...[食人䱽]！一路睇我都無乜野，不過從來都無睇過呢套戲，去到有個位條食人䱽彈出黎咬人，嚇到我勁驚，攞張被遮住對眼唔敢睇！呢個時候，C就出聲話一係驚就唔好睇啦...我話唔緊要啦…跟住C話…「一係你訓過黎一齊睇，我睇過套戲，知咩位驚，我幫你遮住啦…」！！！就係呢一句說話，就令我萬劫不復喇...
----------我係分隔線----------
呢個回憶對我黎講好甜架，不過就無大家想要既裸露情節～推下post啦，下篇就入戲肉
