失蹤一排，原來個舊po已被封
廢話少講，唔知仲有無人記得我？原本都好想寫完之前個故仔，但早前一來忙，二來同男朋友鬧分手唔開心，所以都無心機寫，咁之前都keep住有同幾個師兄係pm傾，但我堅決唔add line/wechxt，因為唔想識人廢事煩，但有時緣份嘅嘢真係好神奇。。。
同男朋友，應該話係ex，因為已分手，感情都開始有d淡，但因為始終一齊左一段時間，我亦覺得拍拖耐左咁係正常，所以都無太正視問題，但係引版開po後，令我諗番好多以前嘅事，會諗同佢係咪真係夾。佢又好似對我越來越冷淡同無興趣咁，好老實我知自己淫底，其實都幾有需要，但又唔想對佢唔住，所以就算同佢幾唔開心，我都無因為咁去識sp。
有一晚，星期五，原本約左ex去街，然後好似平時咁去佢到過夜，但食飯時因為一d事嘈，最後都不歡而散各自返歸，因為悶加唔開心，我就call左個女仔fd去飲野，最後去左老蘭。咁兩條女落去飲嘢，好正常都會有仔approach，但我都無乜心情，最後都只係俾個幾好樣既西裝仔抄左牌，佢提意轉場去私竇飲，但我自知唔飲得，所以最後同個fd走左。
返到屋企對住四面牆，又悶又唔開心，上引版想寫下野又唔知寫乜好，見有師兄pm我咪傾下囉。。。呢個師兄，叫佢T啦，平時都會pm傾下，同其他師兄一樣，當然都係口花花，少少咸嗰種啦，不過佢都會閒話家常講下其他嘢，所以我都會覆佢pm，呢晚可能自己唔開心又飲左酒，傾傾下我開始同佢訴苦，佢亦好有心機覆我同我分析男人角度嘅意見，所以最後我就破例add左佢line。
轉左line傾，講嘅當然會再多再深入，雖然大家都會咩都傾下，但好自然都會講到咸濕嘢。可能飲左酒，又少同ex做，講講下，我都feel到自己好想要，想要到我要拎玩具出來玩，但係我無俾T師兄知，因為唔想佢誤會我引緊佢，我只係想有個人傾下關心下，唔係想搵人上床，但好自然地，當我一路diy時，我會諗住對手係佢，尤其佢講左唔少佢自己嘅經歷我知，對佢係會有d好奇。。。
嗰晚傾到好夜，第二朝訓到死左，起身已經係中午，望下個電話，西裝仔同T都有text我，反而ex無message又無打來... 唔開心！覆完佢地，西裝仔已即刻話想約我lunch，雖然佢係幾好樣，但同男朋友鬧交啫，唔係分手呀，我唔想咁衰女，所以求其搵左個藉口推左佢。至於T，佢都係問下我心情有無好d，男友有無搵我呢d行嘢啦，咁都有keep住傾下，如是者連續幾日同晚都慣左同佢傾，亦知多左佢嘢，就算幾日後同ex好返，都會習慣每日同每晚同佢text下。相信好多人都試過同網友咁樣傾法，只要幾日就會覺得同對方熟左咁，講嘅嘢亦會越來越露骨，佢亦開始唔介意表現佢對我有興趣，想約我出來。雖然佢話只係當識多個朋友，但呀姐我當然知男人，尤其引版，有幾多個會純粹想識朋友，得閒捉棋玩大富翁咩？而我根本唔想再咁易發生呢種sp關係，所以一直都無應承佢。
寫住咁多先，第一篇會悶d又無乜甜，希望有人睇又唔會被版主封鋪啦
[
本帖最後由 MacyMacy^^ 於 2016-9-17 11:09 PM 編輯 ]
