*第10回，表白心情，情深表白。 下篇*

阿N的沉默，是在嬲我嗎?當我行近不足阿N兩個身位的距離時，我見她依舊背著我在震抖，同時也在飲泣，她在強壓那種不安的情緒。這一切，都是因為我造成的。此時她在說。

*********************************

N: 我好緊張，亦第一次咁擔心……
我: 對唔住……
N: 我唔知點做，我第一次遇上呢D埸面……
我: 對唔住……
N: 我第一時間就諗起魯芬了…… ( 我將阿N緩緩的轉過來，她依舊低下頭沒有看我。而我看出，兩行眼淚在她臉頰流下…… )
我: 多謝妳。係我衝動，係我唔啱…… ( 一個女人，會為妳流淚，那是大大的不應該啊，男人----不應該讓女人流淚。 )
N: …… ( 阿N依舊沒說話，她慢慢靜了下來。而我輕拍她肩膀，她徐徐的抬起頭來。 )
我: 放心，從今以後，我唔會再令妳喊。 ( 講呢句時，大家可以想像下，我型到呢~~~~感覺氣氛一下子浪漫過來，她為我流淚，我身為男人，好應該安慰佢，我決定先用eye contact攻勢，殺佢個措手不及。 )
N: …… ( 我地四目交投，照呢個勢，我深信係時候黎個深情表白。 )
我: N，我…… ( 就係呢個時候~~ )
N: 你做咩眼定定望住我? ( 係呢個moment，我第一次遇上會有女仔講野。 )
我: N，我有野想講。
N: 等陣先，乜原來你單眼皮既?
我: 吓?我單眼皮?我係單眼皮啊，妳唔係而家先知下嘛? ( 單眼皮有咩問題啊?? )
N: 咦，單眼皮好醜樣架。( 我心裡在吓…… )
我: 等等先，咁如果我雙眼皮呢?
N: 你整容呀?
我: 咁又唔係。 ( 各位，我可能無同大家講，我同宋生對眼一樣咁吸引架，即都係單眼皮，但我有一個技能，係我可以令自己變雙眼皮。嗱，大家唔好叫我自拍影黎俾大家睇下…… )
N: 嘩…… ( 阿N驚叫唔出奇，因為我係佢面前變了雙眼皮。 )
我: 而家咁樣得唔得? ( 5秒後…… )
N: 唔得。
我: 吓，點解唔得啊?
N: 因為你又變返單眼皮囉…… ( 係……即我呢個雙眼皮靚仔mode，只可以維持5秒。 )
我: 乜妳咁架，咁我都叫雙眼皮過啦。
N: 唔得，黎明雙眼皮好靚仔架。 ( 阿N當年既偶像，黎明，呢條友……點解佢唔係單眼皮架。 )
我: 喂喂……等等先，我有野想講啊。 ( 我始終覺得而家係好好時機，而阿N好似意識到我想點，佢有D想逃走。 )
N: 咩啊?情深說話呀?我唔聽啊，你咁樣衰…… ( 頂，真係有說話未曾講啊。)
我: N，唔玩住啦…… ( 我捉實她，輕力的拉回我身邊。 )
N: 你個樣唔好咁正經啦，我會忍唔住笑架。 ( 我聽完……我都失笑起來。 )
我: 喂呀，唔玩啦，真係有野想講，妳乖乖企係度聽埋我講先得唔得?
N: 你講都得，講之前，要先諗清楚，唔好一時衝動，另外，唔可以有其他人係度。 ( 我明阿N諗咩，今日既突發事，實在會令人有衝動去做決定，但我知我對阿N係認真既，另一問題係，家陣邊有其他人呢。我望望呢條走廊，示意無人。 )
我: 我無衝動架，而家又無人，即我講得啦? ( N在笑，因為此時，Alan同Echo從停車場推門入來了。 )
N: Hello~~~~ ( 從N如釋重負的反應，原來她一早從面向停車場的門中的玻璃窗望到他們回來，所以才拖延。 )
Alan: Hi…… ( 眾人反應不一，阿N在笑，Alan的反應純粹出於自然，他猜不到我們就在門內走廊。而我一臉愕然，我估不到他倆一起入來。最開心的是誰呢?Echo吧，因為她在甜絲絲的笑。 )
Echo: 啊，妳們在忙……嗎? ( 就是Echo都懂回過神來覺不妥。 )
Alan: 我地……要唔要出返去? ( Alan在尷尬地問。 )
N: 不用，我們一起食飯吧~~~~ ( Alan在望望我意思，我在點頭苦笑。 )
我: 一起吧。 ( 說完，Echo就同Alan拖住手先行返上library拎野了。情況又變回得我和阿N，但浪漫氣氛一下子消散了。 )
N: 其實我知你大概想講咩。 ( 阿N行到我身邊，接過我手上的紙巾，低下頭說。 )
我: 妳知?
N: 係，但我唔想好似Alan同Echo咁。 ( 她抬頭望向我。 )
我: 妳意思佢地因為剛剛呢件事而一齊，係衝動?
N: 都唔可以咁講，Echo同Alan佢地一早對對方有好感，呢件事只係令佢地加快係埋一齊。 ( 係囉，咁有咩問題呢。 )
我: 妳以為我衝動?定怕我唔認真。
N: 唔係，而係……我唔知點講，呢樣就係愛情嗎? ( N的問題，是真心問，我明了。 )
我: 傻妹，我明了。 ( 我搶過她手上的紙巾，為她擦拭臉頰上的淚痕。 )
N: 你明?
我: 由呢一刻起，我會正式追求妳，妳要有心理準備，妳有權保持緘默，但無權阻止我既一切死纏爛打，又或靚仔式浪漫追求。 ( N在笑，先微笑，再失笑。 )
妳: 你靚仔??你變成10秒雙眼皮先講啦。 ( 說完她笑笑口走回上library了。 )

我知阿N心意。她不是對我沒好感，但她也想好好享受被愛的感覺，有人曾經說，2個人一起，最愛是什麼時候?最甜又是什麼時候，有人會揀曖昧時，有人會揀追求時，亦有人會揀相戀後頭3個月的熱戀時。我和阿N是夾，但出發點從來都是以朋友，又或好朋友身份，她不想混淆，又或胡裡胡塗就一起。她也想搞清楚，她也想被愛，而我，應當將一切都準備好給她。

事後，阿N有同我講，原來近排佢同Cherry, Echo成日一齊食lunch，一齊見面，就係因為阿Ken冷落Cherry。她們在開解她，正當以為解決件事時，阿Ken居然提出了分手，而事情就演變成現在這樣了。她有點自責沒有一早說給我和Alan知，導致我們跑去幫忙，但阿Ken說到底也是朋友不幫又講不過。其實在我而言倒沒想那麼多，反而興幸今次呢件事令有心人都走左一起，又或走近了一大步。

………TO BE 下回……… ( 後記 )

因為真係超辛苦~~~~

呢句好真!

係,大家快快選出新樓主啊~~~~

後記:

先同大家講聲唔好意思，估唔到寫到最後一回，都未寫到我同阿N一齊，但呢一回，至少亦去到一個關鍵階段，就係我會正式追佢。其實心水清既朋友應該知，我有一D內容係skip左既，例如之前我有提過，佢病時我車佢去睇醫生，果次我否認左鐘意佢。當然呢一部份亦係我追佢前出現啦，但我唔想呃post，所以呢部份就唔重複在今次既回憶了。咁當然，呢個情境其實亦好緊要，其實同阿N一齊，係好有趣的，因為同佢既互動，並無果D因為男追女就會要點樣仆心仆命，又或女方會自命清高。其實2個人一齊，價值觀好緊要，我成日認為，當一件事發生了，每個人的反應，處理態度都會唔一樣，但總會有志同道合的，我之所以會同阿N走在一起，係因為雖然我地既價值觀唔一定完全一樣，但大方向係一致的。

其實寫阿N的回憶，是開心，卻也很累，要將她追到手，非寫多10回8遍不可，所以希望黎緊既人夫人妻post可以有師兄師妹接力，至於大家真的有興趣再睇，就俾時間小弟，等我儲返多點當年既心情，mood到了，才可以繼續，畢竟，同阿N的經歷，有喜樂亦有失落。

Wayne: 我的好朋友，而家都係，加拿大回港後，佢係我地成班人當中第一個結婚的，我當日仲被邀請成為兄弟同MC，深信同佢既友情應該會係一世。佢有無缺點呢?他真的很大男人，恐怕只有Jelly會接受。

Jelly: 結婚前的部署，我同佢個姐妹行得非常埋，但那是另一故事了。而佢同阿Wayne嘛，已是2個小朋友的媽媽，非常幸福呢。

Ken: 經過今次事件後，我更為疏遠他，講真，我係有點不恥佢既行為。記得果次之後同佢食過一次飯，佢仲自吹自擂自己學跆拳，如果當日打，佢邊個都唔怕。早知係咁，我就走先喇……

今次後記，我有些人就不寫最後的結局了，因為我猜想，總有一天我還是會完成未完的戀愛築跡給大家的。但當然，我還是會簡單講下佢地既狀況，給大家一個過去進行式的回憶:

Alan & Echo: 佢地既一齊，可以說毫不意外卻又因意料之外而一起。Echo，我描述一下，她是有點陽光古銅的皮膚，性格率直，感覺野性，身材性感，佢同Alan一齊後，我地成日取笑Alan要唔要補補身的。Alan，有左佢，確實少左同我地成班人一齊玩，咁講真，Echo咁正，Alan當然收埋黎玩啦，哈哈，衰左D添。

Johnny & Wing: 如果你問我，為討好對方，你可以去到幾盡，唔……應該可以無盡，如果果個人係Johnny。Johnny，出名污糟爛撻撻，除左出街件衫，佢其他衫可以係未洗既。我唔明點解可以出到黎好正常，點知入到屋係另一個世界。有次去佢屋企搵佢食lunch，佢開門可以係返上床繼續瞓，你唔會見到地板因為已經舖滿一地衫、報紙同馬經。但佢為左同Wing一齊，一下子所有壞習慣改晒。

至於我同阿N嘛，可以風平浪靜走在一起嗎?其實可以啊，但當中嘛……夾雜了他她牠…… 好事嗎?好事啊，你嘗試過去做一d無把握既野未呢?當你克服了就會好像更認識了自己，和阿N一起，常常會發生一D未知的可能去面對，那不是叫人累的挑戰，而是有趣的。我總認為，你認識了一個人10年、8年都未必真正認識這個人。但你會因為一些事發生，就是短短一星期，半個月的日子，也會感到和他很投契，很有感覺。

到最後，弄哭了阿N是我不對，所以星期五那天放學~~~~

我: 請妳食飯，好嘛?
N: 哈哈，係唔係因為我救左你先?
我: 哈哈，點講都好啦，我打波輸左仲爭妳餐飯呢。
N: 你記得啦咩?我以為要等下一世先有得食啊~~~~
我: 咁又唔使，聽日啦，聽日好嘛?聽日星期六，我黎接你啦。
N: 又好喎，咁叫埋Alan, Echo, Cherry, 我阿哥佢地啦。 ( 換著以前的我會有三條直線加一滴汗，但這個是阿N，我明白的。 )
我: 又好，人多熱鬧。 ( 同阿N一齊，如果佢係開心既，係唔係二人世界，我都唔係太考慮。 )

那天星期六我們會去邊?倒要先說說前一晚，我和Alan一個開車，一個睇地圖，實地考察了。到星期六的中午，我們成班人一行約7,8人，三架車，先打bowling，再來嘛，車跟車的形式，去那承諾以久的地方---- White Rock。

White Rock，如果你問我似香港什麼地方，我會用香港既赤柱黎比較，但她除了有酒吧，有靚海境，仲有一條好靚既橋向海方向行，很古舊，卻充滿味道，那天我們食完飯，大家都走散了，唯獨我和阿N，走左一起，我們行過了路軌，往橋頭方向走。

N: 嘩，你睇，好靚啊~~~~ ( 那時正值日落時份。我們行到橋的盡頭。 )
我: 好靚…… ( 陽光照在阿N的臉蛋上，令我不禁失神說漏了口。 )
N: 嘿嘿…… 你終於講真心話出黎哩~~~~ ( 居然我細細聲都聽到?她在沾沾自喜。 )
我: 哦，妳睇下，White Rock啊!原來係果度喎。 ( 我轉移視線。 )
N: 係喎，舊石真係好白喎，我地過去睇囉。 ( 那舊白色的巨石在沙灘上。 )
當我地行近時……
我: 好大舊啊。 ( 那舊石，比人還要高出好多好多，size非常之大。 )
N: 但係……點解舊石既白色係油上去既??
我: 唔係掛…… ( 細心一看，White Rock是一個非常出名既景點，但石頭既白色係油上去，又未免……兒戲了點吧。哈哈~~~~ )
N: 但我都好鐘意呢度啊，呢度好靚。
我: 我都係咁話，妳睇，有靚景，有靚野食，仲有靚仔添。
N: 你講你? ( 她看著變了雙眼皮的我。 )
我: 唔使等下世，妳鐘意，幾時都有架。 ( 她在笑。那時我們行經了鐵路軌。 )
N: 我地黎左成幾個鐘，都唔見有火車行過既。 ( 此時Alan出現。 )
Alan: 聽過好耐先會有一班車。
我: 呢度完全無野欄住架喎，人來人往咪好危險?
Wayne: 唔危險，識避架嘛。
Alan: 而且呢度曾經有一個傳說。
我: 咩呢?
Alan: 當有火車黎時，如果你放個coins上路軌，你可以令它被成功壓扁，就可以許一個願望。 ( 那晚，並沒有戲劇性出現火車，所以…… 送阿N回家途中，我同阿N講。 )
我: 如果我拎到呢個coins, 同妳一齊許願，好嘛?
N: 咁妳要快D喎，知道嘛~~~~ ( 我在微笑，也在點頭。 )

*補充

        今次回憶，有9成以上都係真實既，希望大家喜歡。雖然我好想講自己一個打10個，又或係女仔都鐘意我……但睇黎太唔真實了……

唔知大家有無發覺，今次阿N我都係用大寫，我前一篇既MS LI都係。佢地係我心目中係有別於其他人的，所以她是在本篇中我唯一用大寫黎表達佢既人，一個特別的人。最後，多謝大家既忍耐，我發現，原來今次既回憶，唔止無搞野場面，原來…連kiss都無，真係有D唔好意思，係度，同大家講多句，多謝大家 *

************************************THANK YOU****************************************

如果下一任樓主由give師姐來當，唔知會唔會更容易爆post呢？give師姐可以寫“我的少女時代”，應該都會好引人入性啊！

我都係㗎！可以同大家吹吓水同傾計。雖然呢個post去得唔快，唔似得有某啲師姐的post，一陣就已經幾頁，幾日就話已經爆post，咁當然係嗰啲post有好多好嘢睇啦(對師兄們來講)哈哈~~~而師兄的呢個post，雖無靚相睇，但就讓我哋有個地方聚集吓。

以下係White Rock既景圖:


日景

路軌

真係White Rock ---- 白石

橋走出海的日落時份

果度,真係好靚架~~~~

多謝大家,希望今次回憶,亦令大家投入同代入到我心情啦.

剛加左相,HAHAKAKA~~~~

又係喎！旅行都可以keep fit，確實唔錯，你知啦！通常啲人會話:哎呀！咁多好嘢食，點忍得口㗎！一於食完先減。所以只會聽到人話去完旅行肥咗多過瘦昨。