引用:
原帖由 dragonbone 於 2016-7-6 10:24 AM 發表 
其實人無聊下係好有趣架.
而且大腦也實在需要take個break,再run先會快,HAHA
女魔頭的事我終於完成,其實有時諗,女魔頭成日呢度去果度去,飛黎飛去,超忙,拖都應該未有得拍,佢悶唔悶既呢?
我記得送佢搭車時,佢第 ...
有邊個女人唔想有男人錫？我都認識4-50歲叻叻女人，一生人好像只有事業，有時我都會諗，如果佢哋喺街見到情侶甜甜蜜蜜，心會諗乜？
我識嘅單身女人，到處飛，又有自己嗜好及生活，性格都比較硬淨有主見有立場，又獨立，懂得愛自己，對她們來說，找一個合拍嘅人生伴侶係有點困難。
講真，冇男朋友/老公嘅生活，有乜嘢佢哋係搞唔掂？四十幾五十歲，仍要花精神去再認識新對象丶又重新來一遍「你喜歡吃什麼？」「家人生日，姨媽姑姐......也來，打過招呼吧！」「喜歡去邊度旅行？」....救命，這些問題對已習慣單身嘅中年女人來說，超疲憊，倒不如自己book 個short trip 去resort 叉叉電。
她們有嘅係自由，一個人去旅行，高興多留一天就多留一天。一個人住，鐘意養貓就養貓，唔需理會伴侶有冇鼻敏感問題。甚至養蛇又得，屋企點佈置都可以。習慣單身，可能她們覺得生活要配合其他人係好麻煩。單身日子越久，年紀越大，釋放自己及放開雙手去迎接別人機會更少。所以有時候會諗，佢哋會唔會悶呢？我估脆弱時及夜爛人靜時都會掛，但又習慣咗這種孤寂感覺？
