*第8回，妳是吉蒂嗎?我是史奈兒。*

{ 我好記得，到我同阿N拍拖時，我有同佢提起Yoyo一事，問佢唔緊張嗎?佢既答案係，如果我同佢真係會成為一對，就算有人出現，佢緊張，其實都改變唔到d咩，而如果我真係珍惜佢時，就算有d咩野既”對手”出現，我自己都會拒絕左。Oh my god，呢D咁自信又自負既對白，乜唔係應該我講既咩? }

********************************

第2日的早上，我和Alan，Johnny在細聲講大聲笑，開心事，就係唔會收，此時阿N同Echo都落左堂，入左黎library搵我地。後來我講起阿Wayne同Jelly既事時，Alan忍唔住大聲的問。

Alan: 吉蒂嗎? ( 普通話mode。 )
我: 史奈兒啊。 ( Johnny在笑，此時Echo也坐埋黎。 )
Echo: 你們在說什麼?什麼吉蒂，又史奈兒? ( Echo不明所意，相反阿N就意會出了。 )
N: 不用理他們，白痴來的。
Echo: 但是我聽不明白啊。 ( 阿N在Echo耳邊絲絲細語，Echo聽後恍然大悟的樣子，跟手說一句…… )
Echo: 你們很無聊啊。 ( 此時男女主角出場了，阿Wayne拖著Jelly的手出現在library。眾人也在輕聲的歡呼。 )
我: 啊~~~~ Echo妳說Jelly很無聊嗎?
Echo: 沒有，我當然不是這意思了。 ( Echo望住Jelly講。 )
Jelly: HAHA，Echo放心。不用理Dragon的啦。
我: 搞錯，唔理我?Wayne，你講句公道說話，要唔要理我? ( 呢句我係用廣東話講既。 )
Wayne: 哈哈，今日Jelly講咩都啱架。 ( 此時眾人都wow wow聲。 )
我: HAHA，係喎，有人生日大晒喎，差D唔記得添。 ( 就咁樣，Wayne同Jelly成為左一對。直到現在~~~~ )

Jelly生日，晚餐當然就唔會同我地一齊食，所以大家決定一起食lunch慶祝。我們一行人準備去食lunch，Alan, Echo和Johnny他們一架車先出發。Jelly就跟阿Wayne車，而因為我要去locker度拎野，所以我遲一步，當我行去停車場時，阿N就係走廊度會合我。我們途經一個垃圾桶，見到一紮被遺棄的花，起初我也不以為然，到開車去會合大家時。

N: 我唔明。
我: 咩呢?
N: 頭先等你既時候，我見到阿Sam同Jelly傾計，跟住阿Sam送左紮花俾Jelly之後就好失望咁走左。 ( Sam--鐘意Jelly既韓國人。 )
我: 係啊，Jelly應承左阿Wayne，佢會同阿Sam講清楚嘛。
N: 之後Jelly想上阿Wayne架車時，我見Jelly就行返轉頭走左去掉左紮花，才再上阿Wayne架車。
我: 妳既意思係，掉左紮花好可惜，定還是咩先?
N: 我奇怪既係，既然Jelly都接受左阿Wayne，點解阿Wayne唔可以表現得大方D，去接受Jelly既朋友呢。
我: 唔…… 傻妹，呢個好似唔係朋唔朋友既問題喎。
N: 咁Jelly就會無左阿Sam呢個朋友架啦喎?
我: 其實可以咁講架。
N: 咁阿Wayne都好大男人遮。
我: 無錯，阿Wayne係大男人架，其實無男人可以係呢方面大方架妳知道嘛?但又或不如咁講，呢D野都唔係我地旁人可以講D咩既，亦無咩野所謂對與錯，不如睇下當事人點樣先，好無?
N: 好。 ( 我地好快就到左餐廳。 )

係食lunch既時候，Jelly係開心既，平時已經儼如男朋友既阿Wayne，因為而家已經名正言順左，加上今日仲係Jelly既生日，所以佢地表現得更為親暱。我相信，Jelly係應該會可惜無左阿Sam呢個朋友既，但呢一刻，重要嗎?我有留意阿N，當佢見到Jelly得到阿Wayne既愛表現得如此滿足時，佢亦都好似明白了一點點。Lunch食完之後，我地就要開車返去上堂了。

我: 仲有無問題?
N: 車，我不嬲都無問題架喎。
我: 巴閉。 ( 感情事，不是沒有對與錯，而是對當事人來說，那對錯重不重要而已。阿Wayne，是我好朋友，現在仍是，只是他真的有點大男人，我不認同但我知道有些女人是喜歡的，例如對象係Jelly。 )
N: 唔係，我有件事要你幫我既。
我: 哦?咩呢?
N: 放學等埋我啊，車我去一處地方，得嘛?
我: sure。

放學後，N見到我，就收起了書，就著意我出發。上了車，我問。

我: 咩事咁神秘呢?
N: 我想你車我去考筆試啊。
我: 考車牌?
N: 係啊，快D啦，而家唔多人架應該。
我: OKOK，無問題，但使唔使咁神秘啊。
N: 唔想俾人知嘛，衰左好瘀架。 ( 哈哈，睇見阿N都有緊張既一面時，我都會手下留情。 )
我: HAHA，OKOK，得左一齊去食野下。
N: 好。 ( 講完，我開車，佢就好專心睇緊考試既筆記了。 )

好快就到考區，我在呆等的同時，回想返以前那時自己和一個朋友是步行來到考試的。那時很凍，凍到不得了。但開心既…… 回憶很快被拉回現實，阿N比想像中要快完成就出來。由於是電腦，所以會即時知道結果，她在沾沾自喜，未出口我已經猜到結果了。所以……

我: 好野，有人請飲野，去邊度飲野好呢?
N: 邊度都無問題，但妳要幫我一樣野先喎。 ( 我有個預感…… )
我: 妳講黎聽下先啦。
N: 你應承左我先啦。 ( 有個被搵笨既預感。 )
我: 講黎聽下。
N: 好，我當你應承架啦。嗱，我筆試係OK左，但黎緊我就要考路試架啦嘛，除左跟師傅學，你借架車黎俾我揸啦。 ( 其實個衰妹既要求我唔意外，只係女人都唔明一樣野，男人架車，其實同佢老婆一樣咁緊要，阿N而家既要求，就係一個我喜歡既女仔，問我借老婆用一樣，而關鍵係，佢未識點用…… )
我: 妳是吉蒂嗎? ( 我在作最後掙扎。 )
N: 我是史奈兒。 ( 阿N用好堅定又鬼馬既眼神笑住咁回覆。 )
我: ……
N: 放心，我會報答你架~ ( 我認我聽完有遐想…… )
N: 我會請你飲野。 ( 噢……係咁喳? )

睇到呢度，唔知大家猜到什麼是吉蒂與史奈兒未呢?她倆是好朋友來喔。哈哈，猜不到就開估吧。
~
~
那時有套電影，翻譯簡直錯漏百出，其中一幕，男女主角在玩弄對方，而翻譯的字幕也在作弄觀眾，因為它們其中一句是……

男主角: Are you kidding? 被翻譯成: 妳是吉蒂嗎?
女主角: I am serious. 被翻譯成: 我是史奈兒。

那時睇完，真係笑爆了咀。自此，我地成班人成日都用呢句對白黎代替了kidding同埋serious。而說回阿N，最後，當然我都有借車佢練習用啦，而呢個，亦係我作弄佢既開始。

………TO BE 下回………

[ 本帖最後由 dragonbone 於 2016-7-2 11:31 AM 編輯 ]

Haha........對Sam 兄來説，冇難度

哈哈…原來吉蒂和史奈兒係咁解？我一直睇就一直在想，但我呢個聰明笨伯又邊看得出箇中原委呢？幸好有dragon兄嘅解讀。。。

我要SAM兄打真軍~~~~
即....即打出真心誠意同軍真D寫出黎~~~~

我其實只是想寫中學故事，要夠咸濕？咁就無咩嘢寫，果時最叻就係放學盡快回家入餅帶睇咸片，然後除衫除褲剝光豬打飛機，哈哈。。。

Kat師姐又擺我上枱？

真心誠意和軍真？當然無問題啦！

但我應該無dragon兄咁長…寫得！
哈哈。。。

師兄，打飛機都要剝得咁乾淨？哈哈

長短唔係問題，最緊要係用心寫嘛~|