去唔同地方食嘢，我都好啱...

師兄你講得無錯.而家既2位小朋友,實在令我放左好多時間.再加上我近排放多左時間做運動.
其實男女上床既事,我由以前順其自然都變得唔太上心.
但還是那句,我仍然係咸濕既.:smile_34::smile_34:

:smile_44::smile_44:係,我靜雞雞講你知,好多人PM架~~~~HAHA
講笑.但大家應該試過,好上心時,一個都無,放下心時,就唔知乜解救起勢湧埋黎,
SAM師兄下round俾你試下.
(但無PM唔好賴我,最多我扮女人PM你):smile_30::smile_30:

下星期要見女魔頭,會較忙.係度先送上更新先~~~~

*第7回，悄悄心底話。 ( 3/3 )*

Jelly: 我同佢傾時，佢叫我搵妳既。 ( 咁都得?果晚傾完，我還來不及打俾阿N，阿Wayne竟然不約而同找上我。佢搵我，當然係講佢同Jelly既野啦，而我亦好直接問上他的態度。

**********************************

我: 其實你鐘意Jelly嗎?
Wayne: 當然啦，你唔係睇唔出下嘛? ( 原來係咁…… )
我: 我睇得出，但Jelly呢?
Wayne: 你都睇得出，Jelly唔會唔知下嘛? ( 原來真係咁…… )
我: 咁你知唔知有阿Sam呢個人?
Wayne: 我梗係知啦，你問得呢句，即你都知道咩事喇已經。只係我諗緊，Jelly明明都知我對佢有感覺，佢又鐘意我，我仲使唔使咁老土，做D咩野咁遮。 ( 原來真係咁樣，我而家明白晒了。 )
我: 其實就算你平時對佢幾好，佢亦知道你心意係點都好，追求既功夫，表達心意既行為，都唔少得架。講真，邊個女仔，對愛情都會有幻想，都希冀被追求時既浪漫，去細味同享受當中既過程。更何況果個係鐘意你既女仔呢，係咪?
Wayne: 你講得又啱喎。咁我落黎應該點做好呢?
我: 你真係無諗過，定還是你已經有plan只係未決定喳?
Wayne: 其實我有諗過買花，蛋糕既。
我: 係咁多?唔係掛? ( 我知Wayne應該會有一連串計劃的。 )
Wayne: 我諗住果日約佢食飯，食飯時送禮物同表白囉。
我: Good,都OK喎。

好快就到下星期，Wayne原本的計劃係生日同阿Jelly慶祝，行街、食飯、送禮物、送花加表白的。但因為韓國仔阿Sam亦都約Jelly係生日時見面，阿Wayne佢擔心Jelly生日果日會揀左同阿Sam過，所以迫使阿Wayne決定係Jelly生日前一晚約佢見面同表白。呢場真人show我好記得，因為當時阿Wayne搵我一齊壯膽，而我呢，就負責出謀獻策，教阿Wayne點樣最能感動Jelly。聽Wayne講原來Jelly係寄住係佢阿姨家，家教都好嚴。而我條屎橋，簡單黎講就係玩野，但就會係好work果隻。

Wayne: 真係得?
我: 真係得。
Wayne: 咁我去嘞。 ( 我地講緊既時間係夜晚時份11:30，阿Wayne打左俾Jelly，叫佢落街出黎傾兩句。Jelly當然唔肯，因為佢aunt一定鬧爆，所以我教阿Wayne企係Jelly望到既窗口位，叫Jelly望出黎 { 佢住house }，果然，Jelly從佢2樓房間向外望，望住傻傻的{我會稱之為on dog dog}阿Wayne拎住紮花係度等佢，Jelly當場感動到不得了就落左樓開門見阿Wayne。咁我係邊呢?我當然係自己架車度睇好戲啦，應該講係心理輔導阿Wayne先啱。係阿Wayne見Jelly呢一晚，我早早已陪佢買花，教佢點講野先最得Jelly歡心。而其實呢段時間，好奇的阿N佢全程都不停打電話俾我想了解最新情況。

講返個plan，其實始終Jelly聽日生日先係主菜，今晚我要做既只係催化。所以Wayne見Jelly既時間不能太早，安排晚上11:30見也不是偶然，Wayne每晚有同Jelly傾電話既習慣，所以今晚就係我開車，佢就傾住電話，當車駛到Jelly家附近時，Wayne才叫Jelly出黎見面，這是我刻意安排的，因為我知Jelly一定唔會出黎，我要既係犯規，果然，Jelly唔出，我就叫Wayne落車企出去。女士們啊，如果妳係一個乖女仔，未曳過既，而生日前夕，妳心儀既他，妳等了很久很久仍未表白的他，手上拿著一紮鮮花而站在妳家門口，說不見面就不走。有幾多個女生可以按捺得住呢?隨住阿Wayne問我一句:真係得之後，他在外站立住等，我見Jelly從窗外望完，接著廳燈亮了，再來她開門跑出來見阿Wayne。我就知我既任務已經完成，係等待期間，{ 係，因為阿Wayne無開車。 } 我就同阿N傾電話，講佢知整個過程，傾左超過半個鐘直到阿Wayne再上返我車我先收線。阿Wayne在微笑，當時已過左12點，阿Wayne說他和Jelly談得好好，當零時零分，他是第一個向Jelly講生日快樂既人，第一個送花的人，亦選上此時向Jelly表白。情理之內，意料之外既劇情係，Jelly答應了和阿Wayne一齊卻來不及浪漫，因為佢aunt行左出黎以為咩事，開心既係，聽日先係Jelly既生日，佢地今晚瞓教時就會一直腦裡不停幻想同期待第2日一早就見面既呢一份心情，呢份牽腸掛肚既心情一定會圍繞住佢地兩個成晚。我沒有去問太多他們浪漫的細節，相反問了一個需處理的問題，阿Sam。

我: ai，你同Jelly一齊左，咁條韓國仔呢? ( 係，我認我呢個稱呼唔客氣，乜有人對情敵會客氣架咩?雖然阿Sam唔係，哈哈…… )
Wayne: 我臨走前都有問Jelly，因為阿Sam約左佢聽日食飯慶祝，但Jelly講佢會處理。
我: 咁OK啦喎應該。你就最開心啦。
Wayne: 哈哈，我喎，當然OK啦。但都唔該晒你。
我: 客咩氣，結婚請食飯添啊。 ( 當時的我在講笑，又有誰知道，多年後他倆結婚，我仲做埋兄弟呢~~~~ )
Wayne: 咁你呢?你同阿N點先?
我: HAHA，我同阿N幾好喎~~~~
Wayne: 經過今次件事我先明，有D野係要做先得，先領會到有幾重要既。
我: 咁你要珍惜了，哈哈。
Wayne: 你都係。 ( 我地打個照面，碰了一下拳。 )

當我放低埋阿Wayne時，我在整理一下思緒，其實每個人都有心底話，問題係，呢番悄悄心底話，妳會說出口給當事人知，如Johnny講我事給阿N知。還是妳會說給旁人知，就如Jelly同Wayne今次分別搵我幫手。抑或阿N接受我道歉一事，我和阿N，雖然沒說明出口，但就以行動證明，今後面對阿N，我應該抱什麼態度，對象是她，我願意面對任何挑戰，哪怕是輸贏，在喜歡的人面前，就是應該寸步不讓啊!阿N叫Jelly搵我，我知除左佢認為我幫到手之外，她還有暗示的，簡單說就是，她想我在說教Wayne的同時，也提醒自己知，試問咁可惡既女孩，如何可以放過呢?所以，那晚我放下阿Wayne之後，思緒完整後，我打了給她，令我有可愛也可惡感覺的人，阿N。

我: 整件事就係咁啦。 ( 我娓娓道來整個阿Wayne追Jelly既完整版本過程給她知。 )
N: 乜原來你都識咁浪漫既咩?
我: 有幾?出左3成力喳，妳而家可以原諒我未啊? ( 我還記得她接受卻未原諒。 )
N: 原本都可以既……
我: 原本?
N: 我都想試下，有個男仔等係點喎。哈哈~~~~
我: 咁妳而家望出窗外啦。
N: 你係門口?瞓晒啦所有人，唔方便喎。 ( 阿N都係寄住家庭，住係一個小區既house。 )
我: 我都無講我係門口，乜妳好想而家見到我咩?
N: 你個死人頭。
我: 夜啦，怏D瞓啦，唔好溫咁耐書啦，記住熄走廊燈。
N: 88……
我: 88……( 講完，半分鐘後阿N再打黎。 )

N: 你點知我未熄走廊燈既?
我: 因為……我頭先真係係妳門口囉。
N: 你唔講?
我: 妳講妳唔方便既~~~ ( 我在玩野。)
N: 死~~~人~~~頭!!!! ( 電話傳來最強聲浪。 )
我: HAHA, good night ~~~~ ( 我今晚很有衝動想說什麼，我知或多或少都給阿Wayne一事影響，但我又不想草草表白什麼，更不用複製人家的方式。阿N是少數可以令我明白自己心底裡是一個怎麼樣的人，我享受和她相處。而我的心底話又是什麼呢?原來兩個人走在一起，真的有時也會是心裡有話說卻口難開。我個人認為，感受對方從而聽出悄悄那句心底話是美好的，但女士們啊，男人比妳們想像的有時更會詞不達意，如果有一天男人那條慧根斷了線，請多給機會。而男人想說又未說時，也請引導。 )

{ 我好記得，到我同阿N拍拖時，我有同佢提起Yoyo一事，問佢唔緊張嗎?佢既答案係，如果我同佢真係會成為一對，就算有人出現，佢緊張，其實都改變唔到d咩，而如果我真係珍惜佢時，就算有d咩野既”對手”出現，我自己都會拒絕左。Oh my god，呢D咁自信又自負既對白，乜唔係應該我講既咩? }

………TO BE 下回………

當然啦！家裡黃面婆，街外變天鵝!而且又集萬千寵愛，唔係人人咁易抵受得住啊！

叫dragon兄下次帶埋你去囉！
哈哈。。。

放心，未嘔。

認同。三方面好重要：
1. 有冇興趣 - 有男人埋身又如何？對你冇興趣連眼尾都唔想望一眼。莫説新鮮感
2. 滿足 - 對現狀非常滿足，根本冇需要找新鮮感
3. 貪心 、貪玩

仲考慮？咁吸引，係唔係想立即動筆？

我有考慮過啊！但我怕羞。。。