妹妹: #1, #7, #8, #15, #16, #17,
秘書姐姐: #291, #292, #298, #307
阿姐: #41, #49, #127, #149, #184, #239, #244, #251, #258, #263, #270
人妻人妻: #310, #313, #318, #321, #324, #327, #344, #377最新
網小姐: Be patience
之一 前因後果
上次寫古仔,唔夠性愛場面又冇相,俾啲師兄插。講古仔唔係阿星强項,阿星係一個工作狂,凡事都對自己要求,做嘢係咁,做愛都係咁。阿星三十幾歲人,已經收心養性,做返個好人。喺廿八到三十七歲呢九年,阿星都好守得寡,只對住老婆一個,安安定定。
返到嚟香港,五光十色,繁榮昌盛,係真係見得多咗唐人,仲有唔少年輕女仔見到阿星神高神大,忍唔住望下阿星,呢啲咁嘅情況,阿星唯有忍耐下,同佢地嚟個互相對望。
喺香港揾份工真係唔容易,見完又見,終於揾到份工。間公司唔大,約莫三十零人,外國有分公司加加埋埋都成兩千人,算係大啩。講返香港,由於我嘅部門加埋我呢個新人都係得三個,嚴重缺乏人手,老闆就叫我着手請人。可能我係半個鬼佬啩,老闆又係鬼,傾到兩咀。我問過老闆佢想我請咩人,佢講你先請個秘書啦,有人做下文件。阿星咁大個仔未請過人,當然想問清楚,點知老闆一句撻埋嚟話你中意咪請個大波嘅秘書返嚟囉,我唔知你想點用個秘書,果然係地盤佬。
秘書請咗,個胸仲要係平到差唔多凹入去,烏低身都睇唔到啲咩,勝在有啲樣睇下,又夠活潑。可能阿星個樣真係夠淫,呀唔係,係仁慈先啱,阿秘書姐姐好快就同阿星出雙入對,等埋阿星食早餐,冲埋咖啡俾阿星飲,幫阿星安排行程,阿星臨出發總係送到去口,唔知嘅人以為佢係阿星老婆女朋友。
喺呢個時候,阿星成日去一個特定部門揾人做嘢,果邊全部女仔,以阿星嘅淫,都話係仁慈嘅外表,啲女仔當然好中意同阿星傾計,阿星嘅情人就喺呢度認識。
個個都話喺度食唔好喺度數疴,阿星都明白呢個道理,以前英國從來唔會咁做,最多叫人辭職先至上,今次真係老貓燒鬚,唔衰攞嚟衰。講返個妹妹,食過幾次晏,成棚人果隻,都冇咩好講,阿星同佢又唔熟,佢又少嘢講,除咗介紹之外都冇傾計。阿星果排又同秘書來往甚密,搞請人搞system,都冇時間諗果啲。係有兩次放工坐船見到妹妹自己坐,阿星都冇去打擾佢,大瓜又唔熟,冇咩好傾。形容下阿妹妹個外型先,佢好瘦好細粒,其實喺阿星眼入面個個都細細粒,上次同阿黎天王傾計,十幾年冇見,除咗個頭一樣咁大個之外,都係好瘦好細粒,同上次英國做嘢見時差唔多。咁大瓜可以想像到阿星有幾大件同阻定。
講返妹妹,唔知幾時開始我去親佢地部門都係佢阿頭同佢兩個接我,去去下大瓜就熟咗去飲嘢。去飲嘢唔係阿星强項,阿星唔多飲得,飲咗,就發惡打人,唔飲好過飲。當日同妹妹同埋佢阿頭兩女一男三條矇炳去咗銅鑼灣飲嘢,飲酒吹水嘅嘢,都係講廢話多,講講下就講到阿星身上來。
妹妹: 阿星你以前有冇曳曳過?
星: 唔明?
阿頭: 佢問你有冇外遇過呀,咁都唔知。
星: 嘩,呢啲咁私人嘅嘢點講得你地知㗎?嚴重破壞我形象喎。
妹妹一路望實我: 睇你個樣應該有出嚟玩過啦。
星: 唏,玩過有幾出奇?
妹妹: 都係鬼妹?
星: 咁又唔係,鬼妹日本妹印度妹馬拉妹都試過,係冇試過黑妹啫。
兩個女仔跟住一路咬耳仔細聲講陰陰笑。
唔信咪算,阿星做過嘅嘢天知地知自己知就好,唔好攞嚟哂命。
飲完嘢,見都成十點幾,我就提議返家,唔係隻乸炸形。
搭地鐵咁悶,梗係揾啲嘢講下,阿星冇咩多,爛gag就啱啱有幾個,揀咗個爛9鬼古嚇咗佢兩個一嘢,阿頭嚇到叫咗出嚟,妹妹呢,嚇到一隻手揸住我手掌,另一隻手捉實我手臂。手掌好細,好柔軟好滑,個胸呢………好似冇乜。我真係冇諗過佢咁大胆,借啲意抽返隻手出嚟,指住佢笑佢冇胆冇叉用。
妹妹有啲唔中意,呢,有冇聽過一句說話叫面有愠色?佢當時個樣咪咁,有啲唔好意思,又有少少嬲。
落咗車,阿頭話搭巴士,留返妹妹同我兩個人,妹妹突然同我講,你唔好送我返屋企呀,你知唔知我同人一齊住?吓,你同邊個住關人咩?我又冇話送你返屋企。
星: 哦,好啦,咁聽日再講。
妹妹用一啲好難形容嘅眼神望住我,我都冇佢咁好氣,轉頭行去巴士站。咪住,我都唔識路搭車,又行返轉頭,見佢仲企喺度,就問佢我要搭巴士唔知邊度搭,你教教我。妹妹笑咗出嚟,話你牛高馬大唔識路,我都有啲慍,小姐,我返咗嚟香港唔夠半年,成廿幾年冇喺香港住過,加上我係港島人,唔識都唔係錯下嘛。
第一次出去係咁上下啦,阿星年紀大咗學會收心養性,泰山崩於前而面不改色,啲妹妹都係小心為上,一個唔覺意上咗身就家破人亡都有份。
但係世事又點會咁簡單呢?阿秘書同阿星又真係超級親密,密成點?密到連阿星嘅頭馬都趁食煙吹水嘅時候問阿星係咪同佢有嘢。吓,有咩?你睇到啲咩?
頭馬: 大哥,你做咩佢都痴住你,我同你出trip佢又不停短訊你,同你傾嘢又哄到咁死埋,係人都知你兩個有嘢啦,又唔見佢哄我?你玩時玩,唔好咁明顯囉。
阿星: 寃枉呀大人,以前我同啲鬼妹都係咁㗎啦,邊有嘢㗎?
頭馬: 你自己小心啦。
呢啲時候,連我頭馬都睇到,其他人冇可能睇唔到啦。果日下晝,妹妹突然走埋嚟我度問我今晚得唔得閒去行街,阿秘書就坐我隔離,又點會聽唔到呢?
秘書: 你今晚去行街?我又去!
星: 好,the more, the merrier!
放咗工兩女一男就向住銅鑼灣進發,全程阿秘書勾住妹妹隻手,狀甚親密,至於阿星呢,咪跟住佢兩個行囉,又唔知佢兩個想去邊………
行到一個百貨公司對面嘅商場,阿秘書話想去睇下嘢,我又冇異議,兩個女仔就勾住手上咗電梯,留下我自己一個上去。
阿秘書自己入咗一間賣髮夾嘅舖度揀髮夾,留底我同妹妹兩個企咗喺出面等。我望下錶,都成七點,係時候要交人,就同妹妹講我趕時間要走啦,然後叫秘書自己照顧自己。秘書只係好專注咁睇,都唔得閒理我,轉頭睇下妹妹,又係果啲複雜嘅眼神。
好記得當時阿星走埋去問佢做咩,佢搖搖頭話冇事,然後又用果種眼神望住我。
講返阿秘書,佢真係咩都同阿星講,直頭當咗阿星係佢好姊妹。連經期遲咗幾日都通知阿星,雖然阿星言笑不禁,粗口爛舌啫,都唔好樣樣講阿星知吖。有次阿秘書返工心情唔好,個個問都唔講,連阿星問佢都好似俾人用水泥封實把口咁。小姐,你係我秘書嚟㗎,黑口爛面咁做嘢,係人都會唔中意啦。咁啱阿妹妹過嚟問佢攞嘢見到佢黑口爛面,唔中意之餘即刻打短訊俾我話佢超唔中意我秘書啲態度。
我唯有再同秘書講,個個人都會有心情唔好嘅時候,但唔好放哂上面送俾其他冇相干嘅人啦,人地冇欠你,你好意思俾面口人睇嘅?
佢咩都唔講,剩係問我收工可唔可以陪下佢。又我?
收工陪佢行咗一陣銅鑼灣避風塘,佢帶咗我去避風塘一個好少人嘅地方,呢,過咗條隧道,又過咗遊艇會,望到海同船,後面好多車但又好少人行去果度呢。秘書坐低咗,示意我都坐低。坐低之後佢問我佢係咪好臭,點解我坐咁開喎。小姐,你係我秘書,即係拍檔,又細我一大截,坐咁埋一陣有咩事發生我仲使喺公司做嘅?
秘書見我唔出聲,自己坐埋嚟,問我佢係咪好冇身材,唔得男人歡心。我知你冇乜身材,你自己都講唔知有冇A cup,我都唔使點答啦下嘛。佢見我唔出聲,嘩一聲喊咗出嚟,話我都知我身材唔好,脾氣唔好,我同男朋友嘈交,佢話要分手。跟住伏咗喺我膊頭度喊,死命咁攬實我條頸。呢啲咁嘅情況,阿星咸濕極都會心軟啦,我拍下佢膊頭,慢慢掃到落背,摸到佢胸圍帶,摸到去胸圍扣,兩隻勾仔嘅胸圍扣好易除,一秒都唔使。當然,阿星又冇咁猖狂,只係上下掃,掃到落腰啫。阿秘書條腰好幼㗎,廿三左右啦,我一路掃一路攬住佢,掃到佢慢慢靜咗落嚟。佢細細聲喺我耳仔邊講: 喂,你有老婆㗎。
我當堂停咗,推開咗佢。唉,日抖白白車來車往又真係唔係幾好。佢望下我,紅腫嘅雙眼突然笑咗出嚟,剩低嘅眼淚都流埋落面度。
星: 你都幾搞笑喎,喊喊下會笑嘅。
秘書: 你睇下你件衫先講啦。
咦!乜你原來喊到我個膊頭濕哂嘅?件恤衫又巢哂,又一大撻水癪咁,濕淋淋。
星: 頂,你睇你,搞到我濕哂。
好嬲,我當時真係好嬲。我啲恤衫成千幾蚊件,俾你啲眼淚糟蹋哂啦!
秘書笑到掩住咀,打咗我一下。六點幾,夕陽哂落嚟,我望住佢,睫毛上面仲有少少眼淚,俾夕陽嘅光照住。吖,又真係幾靚。秘書推咗我一下,問我: 喂,你有冇紙巾呀?
星: 有。
秘書: 俾張我吖。
星: 唔好。
秘書: 咪玩啦,我要抹眼淚呀。
星: 睇多陣先啦,呢啲機會可遇不可求。
秘書: 妖,係咪玩嘢呀?
平時我都係咁同佢喂嚟喂去,我一開聲佢就知我叫佢,佢又只會喂我一個,可以話工作上好合拍。
秘書: 今日嘅嘢你唔準講俾人聽呀,唔係我殺咗你㗎。
星: 今日咩呢?我掃你背定你整濕我?會唔會我驚過你呢吓?
秘書: 總之你唔準同人講啦。
星: 咁你算唔算人先?同你講得唔得?
秘書: 冇你咁好氣,總之唔準同其他人講知道未?
星: 坐多陣先走啦。
秘書: 梗係啦,我對眼好紅好腫係咪?
星: 唔係呀,你喊濕我件衫,我點返屋企呀?坐多陣等佢乾咗先走啦。你有事你走先啦。
秘書: 痴線,我陪你坐!
趕唔走個秘書,阿星啲慾火又未熄,一陣真係搞出事來就麻煩。
星: 咁唔好啦,我地都係走啦。
秘書: 你陪多我一陣都唔得?
阿秘書當時嘅眼神令到阿星突然諗起啲嘢,係咩呢?
經受唔起秘書軟語相求,唯有坐返低。
秘書笑: 最好就係你!
星: 哼,你知就好,仲成日喂喂喂我,好請食飯添呀!
秘書: 一陣請你食牛腩河囉。
星: 又係天后果間?你唔厭嘅咩?
最後當然冇去食牛腩河,因為就嚟七點,要返去交人。臨走秘書千叮萬囑,叫阿星唔好爆响口講佢同我啲嘢俾人知。知喇,你唔驚我都驚啦,俾人知道好馨香咩?
果晚訓得唔係咁好,成晚諗住啲嘢,但又唔知係咩。輾轉反側,但就係諗唔到係咩。究竟係咩呢?
有一段時間,我收工都同幾個同事一齊搭船去尖咀坐東鐵。同事入面包括妹妹同幾個男同事。妹妹通常只會聽人講嘢,俾人嘅感覺係好靜好乖咁款嘅。班男人入面,有一個肥仔,成日會好友善咁撩妹妹傾計。妹妹又會好有禮貌咁答佢,但係都係一句起兩句止,然後冷場。
坐船,就梗係排排坐㗎啦,妹妹永遠都會坐我隔離,每一次都係。有時妹妹會捱下我,我又會攞手踭批下佢同佢玩。肥仔每次都係喺我同妹妹玩到興起嘅時候嚟插咀,乜你咁唔知情識趣㗎………
阿星自問唔係靚仔,又唔大隻,口才又唔好,男人應有嘅嘢我都有,不過冇啲人講到阿星咁高一定好長嘅小星星囉。做愛技巧一般,持久性一般,普通人一個囉。之但係阿星衰咸濕,仲係超咸果隻,如果中意個女仔,就一定會死纏爛打,搞到上手為止。當時同妹妹玩阿星都曾經有衝動想搞佢上手,不過既然同一間公司做嘢,又唔好搞啲女同事啦,除非自願啦。
果日成棚人坐完船,行去坐地鉄,因為同妹妹玩到郁手郁腳,都有啲唔捨得停。尖東站兩邊車,阿星同班男同事上一邊,妹妹上另一邊。果日玩得太放,妹妹臨上車我地講拜拜果刻佢又望住我!我明啦!個眼神係有意思㗎!你想求助!
[
本帖最後由 star_platina 於 2016-9-8 07:56 AM 編輯 ]