好耐冇update喇…因為我忙爆…大家都知道我要考試，但有師兄pm問我係咪考DSE…以為我係中學生…真係有D無言。
其實我係八十後，做左文職好多年，只係社會風氣令我覺得要拎多張CERT會安全D，所以無奈之下就去進修喇。後果就係每次考試前都勁忙，考試後雖然可以抖抖，但又要趕返工作上落後的進度。
考試前幾日，R先生話要調教我，但當時我同份功課搏鬥緊，﹝明明做功課時識哂，考試前就好似洗左腦咁…﹞跟住傾傾下，佢約我喺學校附近飲嘢，咁我覺得同佢都識左一段時間，都可以見下面，就應承左。
第二日，去到星字頭咖啡店時，竟然見到飯腳DEREK，而佢都見到我喇，咁我就打算極速打招呼，跟住就聯絡R先生改地方，廢事尷尬嘛。
我：「HI..咁啱ge，咁夜仲一個人飲咖啡?」
DEREK：「係呀，你呢?等人呀?」
我：「都係呀…不過佢未黎，可能我記錯地方。我都係出去打比佢，CONFIRM下地點..」
DEREK：「不如你而家打啦，如果佢甩底，仲有我陪你嘛。」
既然佢都講到咁，走左好似好衰，於是我就打電話比R先生……………點知…………..Derek電話響，然後將個電話遞比我，來電者：淫娃Queena
平時同佢食飯覺得佢充滿陽光，但而家先知佢原來笑得好淫….
「你幾時發現?」既然無得逃避，就面對啦。
「上次睇你張相就覺得有d似，再加埋你講咖哩雞單野，就肯定左。」
「哦…咁我以後都唔同網友講公事野!」
「我諗你唔會有時間再識網友。」
「咩意思?」
佢走埋我身邊，攬住我：「我會令你好忙。」
<不定期更新>
隔左18日再出...竟然得幾行字.................我在反省...
不過我真係好忙呀:smile_o03:
