因為佢話要比個驚喜我，所以叫我係碼頭等佢，懶神秘咁，點知，見到佢時，真係好驚喜。係我好鍾意既著法，年輕而且時尚。
佢著住一套白色綠色露肩碎花裙，頭帶上女人最喜愛既闊邊帽，一身日本既style，真係好吸精，sor，係吸睛。
佢行埋黎我度，我眼都唔眨咁望住佢，佢問我
「妳做咩眼定定咁望住我？咁樣著係咪好怪？」
我就話「癡線，妳今日好靚吖，呢身裝扮係我最鍾意果種，超靚」
通常，女人都係鍾意人讚佢，無論係一句定好誇張咁講。
「妳鍾意就好喇，買果陣我重諗我都30幾就黎40，著呢d衫會唔會比人話我扮o靚妹。」
「緊係唔會啦，呢種味道點同o靚妹扮成熟，妳今日真係好靚，反而我好似著得太過簡單」
「傻瓜，你咁著都ok吖，唔好諗咁多，我地幾點船？」
「十點半吖。」
「就夠鐘喇，上唔到船，你就要遲多個鐘先拖到我嫁喇，快d啦」
就咁，我地就上左開去澳門既船。
上到船，我好小鳥依人咁翹住我手臂僕左係我側邊訓覺，呢一刻，我先聞到佢隻香水係幾咁香，我好忍唔住咁係佢額頭錫左佢一下，唔知佢係咪feel到，佢笑左一下。
