引用:
原帖由 sam7211 於 2016-4-30 09:30 AM 發表 
當我細閱down師姐的文章，文字雖映照在眼裡，悲痛的感受卻滴在心中，希望down師姐能早日渡過如此難關，打從一開始看到down師姐開post寫作的文章，早早已有如此的感受，我們旁人只能跟你說句~god bless you!
...
我在引版的日子
你地因為咩原因而踏足引版這地？
咩原因都好啦，相信無人會咁無聊，立心為左想與人結怨而來掛。除了開頭的好奇心之外，坦白講，其實每次踏入呢一版，心情總是忐忑不安的，是我。所以，莫講結怨，有時候連閒聊也嫌麻煩。
由頭至尾，之前出post嘅目的，簡單不過，只想有一口井，講出自己某時某日嘅糾結而已，再簡單一點說......
一個曾經攞過好多Grammy awards 嘅singer-song-writer 講過，最多人訪問佢嘅一條問題，係佢怎樣開始寫一首歌，從何寫起，寫什麼題材好，佢話答案其實好簡單、好容易，將自己想說出口，但又怕看到對方反應而唔敢講嘅嘢，寫曬響自己嘅歌詞裏面，咁就唔洗懼怕要面對對方嘅反應，情況猶如將心聲印響紙仔，擺入一個樽仔，再擲出海一樣，就咁任由心聲樽仔漂流在海面，浮浮沉沉，或者對方有曰看到，又或者不會，但也就是如此。無獨有偶，唔知由幾時開始，每逢我有一D有口難言嘅感覺，我就會寫出嚟，然後post出來，每次做完呢個動作，因為個人感覺到吐出左心聲，而令自己在某空間某程度上得到釋懷，精神上就會舒緩左，儘管那空間只是空氣。我知道我寫嘅文章係太灰太暗，但那時候的我，的確墮落在人生谷底。那時的我，萬念俱灰，寫下心情係我唯一可以救贖自己嘅良方
。
『...原來呢個世界上，真係會有人同你無親無故，你無做過任何得罪佢既野，對方卻會得閒無事走過來咬你一口的。但放心，地球唔會因為無咗你或我而停止自轉的。上面講過，故事我會寫落去，你要點諗，Again, I don't give a fuck。』
大家記得以上呢段說話嗎？係引版曾經紅極一時的師兄分享過的感言。
而家睇返，凑合呢幾個月之間發生在我身上的事，累積了一點點體會，的確係一段好好的「代言」，笑。
好境不常，話說由某日開始，我寫嘅純原創垃圾，包括左我嘅心聲心情嘅純粹垃圾，不明所以地，竟然引起某生物的不安和憤怒。我本著清者自清心態，感覺無辜加上怒氣過後，繼續在自己post發洩一己「思慾」和情緒。一向以來，就算無人回我post，或者個post 千年唔曉爆，我實在也毫不在意。但我唔在意嘅，原來有生物在意，甚至出口叫人唔好推我個post，what a shame ! 難明這種心胸狹窄的思想因何而來，出於妒忌或純粹睇我唔順眼，真係不得而知，我亦無興趣知。我相信每人頭上一片天，河水不犯井水，咩叫無眼屎乾淨盲，有幾難明呢。無視係最好的應對，我選擇無視，但生物卻太注視.....觀看我在版上的一舉一動，何苦？
更無奈，有心人裝無心人，我的post 一次又一次被查封，掙扎過後又重光，又查封，又重光，又查封，係咪咁都恰我呀？！於是，我走左去投訴版發表謬論，預左碰灰而回，但點都叫為自己發左聲，好過有種生物，荒謬絕倫，口口聲聲說人家抄襲，卻只會博同情走去週圍呻，對呢種低招，確實不敢恭維，如果生物認為自己呻得有道理嘅話，點解唔試下「據理力爭」，正式投訴，難道就知道理根本不在於乾呻果一方？呢種noise煩到死之餘，也令我感到非常難過與侷促。將心比己，生物自己以前也出過帖，亦為佢自己片土地灌過無數嘅水，試問一句，假如生物響佢自己最難熬嘅時期，遇上帖子被封的局面，時不時失去左吐心聲嘅果口井，會感覺窒息嗎？真係想問多句，我究竟得罪你D乜？！收獲左殘忍嘅生物，唔通就只會對其他人更加殘忍？！
Anyway 明白到係時候讓那個墮落谷底嘅「自己」過去了，而且作為引版的少數族裔（非覓食族），要識趣，我覺得自己應該要退下了，以一個獨立／孤立人士嘅身分，學咩人開個post 講心情吖，以為自己係邊個吖，唔會再惘想開post㗎喇。又好在，最困難嘅時間已經過左，唔係都唔知點死！
之前有c姐提到版上多左好多摸唔清嘅版規，我當然更加身同感受。簡單套用一句俗語，pat pat 決定腦袋，無話可說了。好多事情，看事和處理事的標準，至簡單的基礎係，猶如泥水師傅做門——「過得自己過得人」，有要求係正常，但要求人地做一D根本連自己也做唔到嘅野嘅話，呢種係無理的要求，即係苛求。
回看已經被關的帖，見到有心人曾經自稱「同路人」，鼓勵過我。今日，曾經的「同路人」大概已經忘記了吧。得人恩果千年記，但願所有曾經在此版子尋找到精神安慰的「同路人」，默默關心過我的所有人都生活愉快。
凡事有因果，今天的果是以往的因而來的。多行不義必自斃，我怕下世變做畜生，而今世還是希望每日也活得安心，繼續一貫作風，不存害人之心，每晚都睡得好，人都靚D，哈哈。
Btw 而家嘅我已經不再失眠了，Sleepless 呢個字對於我已經成為歷史！
雖然今日嘅我仍然不致於滿有陽光，偶然上版同你地吹下水，發下謬論，唔覺意將氣氛扭轉了，我明白可能會掃興，sorry ! 希望大家唔好介意。介意嘅話，就乾脆無視我好了，咁對身體好D呀，哈哈。
God bless everyone !
