其實掛念係好有趣,因為掛念,係妳個情感講妳知妳個心有呢個人.
那時的我,還未成熟處理好呢一步

今次update得快,係少有架下,HAHA~~~~因為高潮嘛~~

*第6回，對手 ( 2/3 )。*

我: 唔喇，堅攰。下次出黎食飯睇戲，再約，好無? ( Johnny沒有勉強我，我亦同佢地say左聲sorry同bye之後就獨自開車回家了。 )

***********************************

在開車時，我知道我掛住阿N，我記得，我係好想將呢種心情，呢份心意寫落黎俾佢。在房寫信時，我更在想，我掛念她，她又有沒有掛念我呢?我在期待，但看來……她沒有，又或沒空，因為她們滑雪回來的那一天，我去到車場附近等大家，又或叫等她時。Alan跑來找我。

Alan: Dragon，你有對手了。
我: 什麼對手。
Alan: 阿N有人追啊。
我: 哦?邊個啊。 ( Alan當然睇得出我對阿N係份外有好感的，只係我覺得未到果個位，佢亦唔會出聲叫我去追人。 )
Alan: 唔好話唔單聲你，有一個同阿N同班既，一個係韓國仔，一個都係香港，同我地一齊上Maths果個呢。 )
我: 阿Son? ( 香港人，同佢唔熟，但常纏住阿N抄功課。佢對阿N有好感我一早知，但呢個人鐘意阿N追阿N我絕對唔介意，因為……佢低我幾班。 )
Alan: 係啊。
我: 另一個呢?邊位韓仔。 ( Alan此時手指指向遠處。 )
Alan: 呢位哥哥仔囉，我頭先聽到佢想車阿N返屋企架啦。 ( 在停車場裡，有旅遊巴，又有其他學生既車，非常熱鬧又混亂，那時我見阿N和幾個朋友在傾計，而那位韓仔在駕車駛近阿N，對車外的阿N招手，有講有笑的。 )
Dragon: 邊位啊，好似見過，但又無乜印象喎。
Alan: 佢唔係同阿N同班架，但今次滑雪時成日痴住阿N，佢有D錢架，有印象唔出奇喎，佢係我地學校藍球隊員，風頭躉。 ( 醒起了，呢個韓國仔為人唔錯，有禮貌，我地曾經挑過機籃球玩3ON3，佢無所謂既韓國大男人主義性格。只是此時我看在眼裡，感覺有點怪怪的解釋不出所以來。只懂拂袖而去。 )
Alan: 喂，你唔係等阿N咩? ( Alan在叫。 )
我: 邊個講架。 ( 我沒回頭。正想走之際此時卻聽到有人叫喊著我的名字…… )
N: Dragon~~~~ ( 我停步了，聽得出是誰，亦回頭了。 )
我: 咩事。 ( 我在冷漠。 )
N: 走得咁急既，你唔係黎搵我架咩? ( 我看著笑笑口的阿N在問…… )
我: 唔係喎，而且妳都有人黎搵妳接妳啦。 ( 我在呷醋，還是小氣呢?我不知道。 )
N: 無喎，邊有?
我: 果個男仔囉。 ( 我眼神意指車裡還在等他的那個韓國男仔。 )
N: 佢?哈哈，我地今次一齊滑雪，佢而家問我地一唔一齊食野喳，傻仔。 ( 激死我，男仔追女仔，就梗係食野行街睇戲架啦。但我無說出口。 )
我: 咁妳地食啦，我又唔餓。 ( 我再一次走開了，阿N無語。而我亦先回學校locker拎野，再去返自己架車度。 )

因為陸陸續續有旅遊車返來了，所有學生老師都先返回學校，雖然已經係夜晚，學校仍然非常熱鬧。在我返回locker拎野，再返去車的途中時，都不停同唔同既人打招呼。感覺是怪的，因為他們每個人臉上都興高彩烈又開心，與我此刻的心情很不同。我有點……納悶和討厭的感覺，我在……討厭自己剛才的小家行為。但奇怪就是控制不來。我問我自己，如果俾我見返阿N，我會同佢say sorry，如果見返……

第2日，我如常返學，那時我和阿N是同一班Maths既，由於每次都沒有固定位置坐，所以每次上堂都係先到先選，阿N，她由於會幫人，她並不一定會早到課室，但就唔會遲到。而我呢，一直以黎我會看她坐哪先，再去她旁又或挑一個離她不遠的位來坐，但今次有點不同，阿N到了，我亦隨意就近的坐下，Alan嘛，他來到坐在我旁。

Alan: 喂，你做咩唔過去既? ( Alan也看出來了。 )
我: 我做咩要過去呢? ( 自然反應既問題答問題方式。 )
Alan: 我唔緊要啊，你再唔過去，阿N旁邊個位就有人坐架啦。 ( 正當Alan示意同時，阿Son就行左埋去坐了。在遠處既我，看到阿Son和阿N打招呼。而阿N亦看見遠處既我，她以不友善眼神望過來。以前既我，會回應佢，今次我無。 )
我: 已經有人坐左啦。 ( 我在答Alan。 )
Alan: 車，我見到，究竟你兩個咩事，一滑完雪就咁既?無野嘛?
我: 無事喎。
Alan: 你唔係知道有人追阿N，反而唔知點做好，而迴避下嘛? ( Alan一說，彷彿說中了要點。我在問自己係咪? )
我: 痴線啦，阿Son我未驚過。 ( 我在托詞。 )
Alan: 哈哈，咁即係韓國仔啦。 ( Alan再一次說中了要害處。 )
我: ……
Alan: 咁又係既，韓仔高大靚仔又有錢，唔大男人又唔似係玩玩下囉。
我: 我頂，你地好熟架，你企邊便架?
Alan: 唔熟架，但今次滑雪佢好take care阿N架喎，仲教佢滑雪添。
我: 有無咁堅先，死仔。 ( 我在啤Alan，以示不滿，此時亦上堂了。 )

中午時慣常走去library搵阿N食lunch既我今日並沒有去，因為我除了見到阿N入去，亦見到韓國仔去搵佢。我知道佢係去搵阿N食lunch既，所以我並無入去。我在locker上放回書本時，亦奇怪著自己的行為、反應。我搵唔到原因自己點解要咁既反應。就係呢個時候，我聽到一聲Hi，我回頭望去，係日本妹Yoyo。

………TO BE 下回………

這份份心情，就是一個故事。

沒回應的愛，沒能增加厚度。似是執念。

祝福。

師兄我俾你醞釀下,下一篇人夫人妻交俾你,HAHA..... ( 記住用新名 ):smile_30::smile_30:

[quote]原帖由 Downsleepless 於 2016-4-30 08:20 AM 發表
知道嗎？
有時候，首先選擇放下的一方
未必是愛得比較少的一方


超過四百天的日子
她可以以回憶為根
掛念他至今
她卻始終得不到想要的回應


她掙扎了許久
她無力她失望她迷失
多次想放棄
卻又敵不過 ... [/quote


呢一刻，你掛念誰也不重要！因為只會把心靈上的結越拉越緊。

Let's do something you enjoy today ! It's sat !!! 洗個臉，笑一笑，穿自己喜歡的衫與鞋，你，就是今天最瘦最漂亮的女孩子！

果然開始進入高潮！快d 快d 唔好停！繼續呀！

師姐，聽得出你係一個好努力keep fit ，唔會俾自己有機會肥嘅人，仲會覺得你身材好好添！

好，一言為定，終有一日我會用新名，
但樓主始終都覺得是留回給sragon師兄好啲。。。

我都要改名嗎?? :smile_o05::smile_o05: