Dragon 師兄，我全部都想睇，都幾貪心。

你想寫邊樣先，我就睇邊樣啦。唔使急...

心靈溝通嘅描述好正囉！無交心，有愛做，都只是二流感覺啊！

Dragon兄，唔洗急，慢慢寫，要先寫埋阿N囉！
人夫人妻日誌仲有排寫，
#6，#7，#8.........#100

呢個心血比較來得有高潮,寫得夠快.
再update先.

*第6回，對手 ( 1/3 )。*

那時候的我，對阿N已是滿有好感的，卻仍未有採取追求的行動。總感覺而家年代的感情世界觀，好比即食麵，兩人快熟快食，其實我不是太喜歡。我喜歡醞釀，雖則花時間，但來得自然。而我記得，一開始我成班朋友約20多人裡，有男有女當中還未有一對成為拖友，因為那時一起玩，是真的很開心的。沒有愛情的世界，還是一樣精彩的。

********************************

經過壁咚之後，阿N沒有避開我，我亦然。那位高佬嘛，和我其實是有講有笑的，及後，我記得學校舉辦了一個活動，就是去Whistler Mountain滑雪，遺憾既係果次我無去，而阿N呢，就同佢阿哥，仲有我既其他friends一齊出發。那時未有smart phone，更未有數碼相機，要開心也沒法即時分享。

還記得那次她們是去玩3日2夜的。我沒份去玩，當然就只得替她們開心的份兒，出發前，學校門口非常熱鬧，最少也有6、7架旅遊車在等候著。

N: 點解你唔一齊去既? ( 阿N面帶興奮，其實佢係非常鐘意玩的。 )
我: 無錢呀，小姐。 ( 去外國留學，其實唔係個個都有多餘錢，而錢係一個問題，另一個問題係……果時既我，係唔識滑雪既。 )
N: 車，你問我嘛?最多利息果度我收平你啦。 ( 阿N係開心既，而其他人亦都到齊，當中包捨我唔同朋友，而今次主要講以下幾位。 )
Alan: 放心啦，我地會睇住阿N既。 ( Alan在細聲道。 )
我: 唔該晒喎。但你會唔會掛住睇Echo多D架? ( Echo同行，Alan真係會照顧阿N?當然阿N亦唔係唔識take care自己既人黎啦。 )
Alan: HAHA……放心，無問題既，何況阿M都一齊呢。 ( N既阿哥，有佢一齊都係好既。 )
M: 咩事，我聽到有人叫我啊。 ( 果時同阿M既關係，我地都已經好左好多了，因為我地成日一齊打籃球。 )
我: 喂，睇住你阿妹啊，你知佢幾蠢架啦。 ( 我專登在阿N面前說，讓她也聽到。 )
N: 你估我細路女呀，你都傻既。 ( 她在不憤被看小。 )
M: 嗱，唔係我唔睇啊，係有人唔使我睇喳。 ( M樂得清閑，但我知他也只是口硬心軟。 )
我: 哈哈，妳唔好整親要我車妳就得嘞。 ( 我有車佢去睇醫生既紀錄，所以借題發揮。 )
N: 啋過你。 ( 我們在笑。 )
Ken: 各位，行啦，夠鐘上車了。 ( Ken和Cherry出現，他們沒有拖手……因為Cherry的番薯大佬也有一起去，不難明白，如果只得阿Ken和Cherry兩個，有咩閃失點算。而我也看著他們上車走了，我也就走了。 )

這3日2夜算是一個不長的行程，有什麼特別，沒有特別，我依舊在忙我的功課，在玩我的Play Station，在做我的gym，只是……奇怪了，就是好像少了什麼似的，是少了什麼呢?是少了那一把笑聲，少了一個作對對象，少了一個作弄的人，其實都不是，而是少了一個……想保護的人。那3日2夜讓我知道我在想念她，掛住她。隨時見，從來不缺的東西一下子不見了，是有點不慣，但有那麼誇張嗎?那種思念，令我在撫心自問緊自己呢……感情事，我從來都是一個後知後覺的人，我是那種做某事情時，吃飯時，沒有了她，我個心提醒我有呢個人存在我心裡才懂什麼叫心愛，我個腦浮現呢個人存在我腦裡才懂什麼叫思念,她的出現我漸漸發覺，我在被牽引著。

其實3日2夜並不是沒事發生的，我的另一個朋友Johnny，他約了兩個日本學妹食飯，因為見我並沒有去skiing，所以就叫埋我出去。日本妹，係我地港男界幻想排行榜，從來都係第一位，並未被任何國籍動搖過。無他既，聽話、細心、照顧周到、善解人意仲要識俾面男友。一句講晒，就係入得廚房出廳堂，當然最無得輸還是那個，上得床呢。

Johnny，我朋友，普通果隻，佢喜歡拍散拖，合則來不合則去係佢座右銘，但其實佢仲喜歡賭錢，所以佢真係有女友既時間唔多，有亦唔長，因為邊有人會鐘意一個咁沉迷賭博既人架呢。果日我記得一行4人食飯，我有我開車佢有佢開車，到食飯時大家言談甚歡，大家對日本人應該亦略知一二，佢地有禮貌，女仔講野就更陰聲細氣。果兩位日本妹，都係斯文型，絕對係會令人想保護果種。而且就係食飯，佢地亦對男士非常有禮，可以說，你少點定力，都會被吸引住，而我亦不是什麼聖人，當然亦會覺得她倆吸引啦。但只是……那一刻最想見的，不是她們，想一起的，亦不是她倆。取車時，Johnny是提議想去飲野的，我卻籍詞捥拒。

Johnny: 唔係喎，阿Wing頭先同我講，Yoyo覺得你好Q喎，想識下你喎，你而家真係走? ( Wing同Yoyo，係日本妹水平黎講，正如我所講，係好多港男既標準target，日後阿Johnny同阿Wing拍拖我就更肯定了，但那是日後既事。而現在的我，不知怎的就是沒心情。 )
我: 唔喇，堅攰。下次出黎食飯睇戲，再約，好無? ( Johnny沒有勉強我，我亦同佢地say左聲sorry同bye之後就獨自開車回家了。 )

………TO BE 下回………

100頁喳嘛......HAHA..........

對阿N開始上心，感情萌芽了吧… 現代好像叫做曖昧期。

這個Yoyo，感覺好像還會再出場。

睇師兄你嘅故事真係好真實，我唧意思係指彷彿就好似見到故事中嘅每一個人物企喺你面前一樣，每一句説話，每一個場景，都活現在眼前。

年輕時候嗰種喜歡一個人而又未曾表白，好想見到對方，掛住對方，呢啲感覺，真係好純真。你那種花弗得嚟，又有尊一嘅行為，真係難得，點解？因為口花花嘅你，無論再幾口花，身邊有幾多靚女出現都好，只要你心裡有阿N，再正嘅誘惑都無法令你對阿N動搖。我估能同後師兄你一齊而又被你吸引的女生，一個好幸福啫~~

情感世界就是這麽玄妙，小弟曾幾何時都試過，惦念一個女人去到看不到其他女人，就算飲大咗一時失守，做著時都唔知自己做緊咩？男人~其實都係性情動物啊！

緊張、掛念、忐忑，這就是愛情來的時候！

掛念係愛情重要嘅部份嘛！

Sam 哥突然咁感性？！
八掛下，邊個女人呢？我坐定定聽故事