今次認真, 呢個唔係一個應該講笑o既話題 :smile_38:
我覺得睇o下你從咩角度出發啦,
首先第一: 係咪決心o係旅行o既時候比佢?
如果你答唔係, 或者唔知o既, 其餘都唔駛睇落去啦....
好啦, 決定係要比人之後第二個問題:
驚喜刺激同完美性愛之間, 你中意邊樣多d同埋你又覺得你男友中意邊樣多d?
答前者唔駛講, 可以到時先, 答後者就應該早d 講,
唔知你男友之前有無同人破處o既經驗 (有同無各有各好o既啫, 唔好太介懷
)
萬一無o既話... 雖然呢d o野有人叫做動物本能, 但我覺得都要學囉, 學點樣引導個女仔, 呢d 係男人o既責任!
既然要學就需要時間, 上網睇又好問人又好...
我唔覺得事先張揚係只有壞處囉, 如果佢係有心睇料o既話, 應該都會睇到話有d 女仔唔一定會落紅或者只會落好少,
果個問題其實唔存在, 我見過好多解釋初夜o既文章都一定有講呢part
我自己會傾向早d 講, 因為除o左上面d 原因之外, 期待都係一種快樂嘛,
今日講o左, 就由今日開始直到終於發生果陣, 時刻都有一種好開心好急不及待o既感覺,
發生之前先講就只有講完果刻直到完事果o下先有呢個感覺, 我會選擇開心耐d
仲有, 交得自己第一次比佢o既果個人實有返咁上下親密o架啦,
咁親密o既人就算再直接d 同佢講, 我唔覺得有咩問題喎
講真, 我將我一生最重要o既o野送比你, 仲要係你做我老公之前,
咁我只係要求你做好準備去引導我, 預備好你自己去接收我呢份禮物, 唔過份呀...
點都好啦, 決定係你o既, 不過都要一提... 唔好怪我潑冷水喎 :smile_13:
就係第一次發生, o係女仔o既角度係好難好難有美滿經驗o既....
預早比定人地有所準備, 係將d 有可能出現唔美好o既畫面o既可能儘量減低,
呢次經驗我相信你一生都會記得...
我o既忠告係, 發生咩事都好, 記住你係好愛呢個男仔, 同埋一個
忍字
唔舒服或者痛o既感覺好可能會發生o架, 愈退縮只會愈難受, 既然做得就勇敢d 將自己交比人,
快樂好快就會o黎
一朝早可以咁清晰, 有時真係覺得自己好威
