女人既大道理，男人要聽聽

女人係需要人寵要知佢想要咩
驚喜要識準備,記性要好隨時考你,愛字最好掛咀邊,唔可以搵唔到人
仲要識估野同有觀察力,今日有咩唔同呢?
返工苦水你要聽唔可以打呵欠

今日超大雨,大家要小心唔好濕身啊,雖然叫大雨,但連黃雨都無,其實有時條數係點計既呢??HAHA......
講開寵女人,最近聽到既咩野為之10大好男人,加上最近小弟睇埋剩女為王.
我係度諗,要遇上一個好男人唔難,難既係,女人本身係唔係一個值得愛值得寵既女人,一個值得既女人,自然可以吸引有質素既男人青睞呢.

男女相處這話題，實在說不完。

*********
有次在麥當勞聽到坐在旁的太太在講電話。。。另一邊不知是其丈夫或兒女。
太 太：你起床沒有？
～
太太：還未？我在麥當勞找到位置，一直坐著等你。
~
太太：睡覺？你很難才排到今天放假，只想和你坐一下、吃東西、聊聊天。
~
太太：你知道星期天可放假，為何星期六晚不睡覺，要到天亮才睡？
~
太太：算吧！不想再談，不來便作罷！
★☆★☆★
那位太太一直坐著，沒吃東西，只見她望著人家有伴，然後看到她雙眼紅了，淚水也掉下來。。。

*******

有男人會想，這位太太有沒有早一晚約她的家人?
有女人會想，到底難得的相處時間在他的生命中有多重要?

妻子說，替她難過，心有點痛。我就說，為什麼外人看來也會心痛的，電話的對方會無動於衷。

很好的分享，謝謝。

一個提醒人反思自己的小故事

特登激到佢哋變港女時，睇埋去仲可愛，哈哈！

聽電話,我都有一個經歷.
話說以前係加拿大,做完gym就會去沖涼,果度既設計,左係locker,右係沖身既地方,個個男人都fing fing下出出入入.咁衫衫褲褲都就咁放係長椅上,沖完涼就埋位抹身換衫.
果時長椅上有個手提放左係度無人認頭,我fds就講左件事我知,我無問真定假,但就類似呢個情況既.
佢講有次都係有個電話放左係長椅度,咁佢一響,無人聽,再響,就見有個男人諗左一陣就拎上手聽.
男人:喂......係,沖緊涼聽唔到,大聲D.
(傳來女人的不滿,大家需知,有D電話既聽話位係可以響到方圓3米既人同動物都可以聽到另一邊既人講咩架啦)
男人:好好好.......妳買啦妳買啦,無問題.
(仍傳來女的不滿,似睇中了什麼,要問過先買,因為太順利,再提出要買埋包包,衫褲等等)
男人:好好好,買吧.現在來.
講完後女方沒意見了,男士亦好瀟灑的放回電話在長椅上就去沖涼.我fds講果時佢有讚個男人好鍚個女仔云云.......
男人亦答佢女人係要鍚要寵的,之後二話不說男人就走去沖涼.
我fds果時講應付完,男人放下電話之後仲可以再沖,真係型.因為估個女人亦忙住shopping,唔會短時間再打俾個男人.
點知故事未完.
我fds換衫時,見有另一個男人,從外跑入來,好心急的在找東西,當他一見電話之後,佢二話不說就拿走了.睇得出,果個男人都係做完gym,沖涼走的了,只係忘了放左長椅上的電話.所以急忙折返拎返就走左.
唔知大家明明.
即係話...... 其實第一個聽電話既男人,其實唔係機主.
亦即係話,男人啊,你可以很忙,但亦不忘要鍚要寵女人啊,不然,就係測試一張卡的上限可以碌多少的時候了,完~~~~

你妻子感到難過丶心痛，係因為那位太太所付出的，沒被欣賞、重視甚至理會。我不能評論太多，因為唔清楚背後嘅故事。只是感覺上那位老公已經習慣太太嘅存在，她必然會等他，不會在意消耗了她苦候的時光。因為該死嘅「必然」，老公唔會知道他的反應曾經如此牽動了太太情緒。好明顯，這位太太嚮往的，絕不是一個漢堡包丶一餐飯，而係與老公相處的時光。終於明白，點解人會用「寶貴」去形容時間。

等，對這位M記太太來說，並不好受。

如果一個女人，連等嘅機會也沒有，又如何？

正！

男人唔得閒，會唔會寧願女人用張付屬卡去shopping，好過佢去包𡃁仔吃喝玩樂呢？

令我諗起另一故事....
有一日，有個勁有錢男人找我，告訴我未來兩年他國內生意大計、投資....
之後....朋友A「我太太想喺香港搞乜乜生意，你幫幫手」
我...「依加同幾年前唔同，有難度，加上管理那些人很麻煩」
朋友A...「唔緊要，慢慢做」
我...「租金、成本...唔易，挑戰很大...(再廢up 一陣）」
朋友A...「我比筆錢出來，預咗蝕2年，總之佢唔好得閒，忙d」
我...o 晒嘴

心諗，我壓力會好大囉，support 佢太太run 盤蝕本生意

獨立
不計較
懂得尊重
思想成熟
細膩入微
大事有主見
小事無所謂

我認識的港女大部分有以上特質。

至於另類其他「經典」版本，都係果句，冤豬頭都有盟鼻菩薩！

凡事都係一個package，潛藏供求定律。

如果無港仔奉承港女，其實她們還有生存空間嗎？再講，就算港女真係咁難頂，又係咪比港仔縱出來的呢？就算港女真係咁橫蠻（呢點我不同意），佢地唔係儍架喎，即係話，既然港女知道自己有幾多market，怕無人吼嘅就至少，無港仔形容得咁猖猲吧。除非她們打定輸數，奉行獨身主義就另計。