也是，人人思維不同。兩人相處，我們會很多時一齊“熄燈”，享受寧靜與悠閒...
也有些時候要想幾步之後，生活會過得好些...

今日會去飲茶，逛街吧。希望不會有大雨。

哈哈，bingo! 如果那個男人不自覺的和女人計劃將來，那是愛的表現。

FEEL呢下野咁有靈性,點可以隨便用架.
佢係我字典係同好味同級架,即係咩?真人真事改篇短打:
我最討厭講FEEL囉,咩叫FEEL先,妳咪同我講妳對我有FEEL啊.有次有個女仔講對我有FEEL,問我有無,家陣妳估火機咩?
我咪問佢,咩FEEL先?
佢答我:咪FEEL囉?
我再問:個FEEL點既先?好唔好FEEL先?有幾多先?
佢就講:鐘意果種FEEL啊,咩有幾多啊?鐘意咁多囉~~~~
我就講:咁今日有咁多,聽日會唔會少左,又或唔見左既先?

其實FEEL喎,最無誠意既字眼,同食野答好味一樣.
下次有人同妳講:好好FEEL啊~~~~ 妳就順便俾舊便便佢問佢好無味啦~~~~

*第4回，投降輸一半。*

N: 我才不要，哼。 ( 阿N擰轉面就在飲自己的凍飲沒理我了。我也在笑。 )

接下來，我們相約，不如周末出去行一轉，去哪?
****************************

原先，我們相約去White Rock的，但因為一D事而唔成行，所以反而改了去打bowling，打bowling，最好就係打對賽，點解，你係男人，男人同男人打，輸贏無咩所謂，都係輸下汽水，牙骹遮，但當中有埋女仕呢，就會打高幾班波，因為要威嘛，哈哈。Echo，Alan，阿N同我一行4人，就去球場了，今次原先約了Ken和Cherry的，但他倆照樣甩底。而我同Alan，在打bowling上技術唔算叻，150~200之間，但相比起Echo同阿N，當然綽綽有餘呢。所以一開始，Alan同Echo一隊，而我同阿N另一隊，兩人小組對打。有時會係Alan佢地贏，有時會係我同阿N贏，我地打中striker，會擊掌，差點運氣沒打散全佈，會碰拳，這是鼓勵的方式。然而我發覺，有Echo在，贏波既氣氛，其實會幾唔同既。如果Alan贏。

Echo: Alan，你很棒啊!可以教我嗎? ( 打全中時。 ) 怎麼打中的?  ( 補中時。 ) 嘩，你真的很厲害耶。  ( 贏波時。 )

相比阿N…… 我仲有氣氛架，咩氣氛?

N: 車，符碌喳嘛，我都得啦。  ( 我打全中時。 ) 死好命。  ( 補中時。 ) 哼，好彩有我喳，係咪先?  ( 羸波時。 )
我: 小姐，好似我高分過妳喎。 ( 就算我高分…… )
N: 咁又點，好彩有我進步左喳，如果唔係有機會輸添啊，多謝我啦。 ( 佢都可以好有理由咁講。佢講時笑笑口既耍無賴，其實幾有趣。講真，妳俾我揀，我鐘意佢既激將多過Echo既撒嬌式讚美。 )
我: 即妳家陣好叻添啦?即再打多次可以贏我添啦，下嘛? ( 我在挑起她的好勝心。 )
N: 當然啦，要唔要鬥一場? ( 她在不自量力。Alan和Echo看在眼裡在旁笑，Echo更提出了男女分組，這個分野太明顯了，所以阿N和Echo在咬耳仔，然後…… )
我: 點樣，投降輸一半，有無問題?每人一罐汽水。 ( 我在挑釁。 )
N: 嗱，你地兩個大男人打得好過我地兩個小女人就必然架啦，你地無理由唔讓分掛?
Echo: 是啊，不是一點風度都拿不出來吧?
我: 這個嘛……好像跟風度沒有關係…… ( 需知我唔係Alan，對於呢個程度既以退為進同激將法方式，對我係無效既。 )
Echo: 咦~~~~不行啊，Alan，可不可以讓我們一點點啊? ( Echo轉而向Alan埋手。 )
Alan: 可以可以。 ( 男人嘛，都受不了女人撒嬌的，尤其是Echo呢種樣貌不差，身材出眾既少女。Alan說時是看著我說的，真係呢…… )
N: Dragon你睇下，Alan都話得喎，你唔係唔得呀~~定驚先?最多投降輸一半。每人一餐飯。 ( N和Echo的討價還價方式，各有不同卻效果非常之好，因為我都被刺中了要害。 )
我: 咩唔得?好得添啊。讓夠妳地50分。 ( Alan接受，我無理由再姐手姐腳的推卻呢。 )
N: 唔係掛，你地每人都起碼150分，我地兩個女仔先得100分一個人，你地起碼讓100分啦。
Echo: 是呀，Alan，好不好? ( Echo的攻勢，不是每個男人都招架得住，我敢講Alan雖然係我老友，但家陣俾舊便便佢，問佢好唔好食，可能佢都會答好。 )
Alan: 好吧。 ( 果然……佢答好食。 )
我: 車，我先唔怕妳。 ( 我望住阿N，也不失氣勢的回應，但我想一想…… )
N: 你話架。
我: 等等，點解……我輸要請食飯既? ( 佢輸都係汽水，點解我輸要請食飯呢? )
N: HAHA……你唔係而家先留意到下嘛?傻仔~~ ( 她倆的奸計得逞，一起在笑。 )
我: 咁好似有D唔公平喎。 ( 我當然不介意，但呢個moment，我係鐘意同阿N拗。 )
N: 俾D男子氣概出黎好無，乜你覺得你會輸咩? ( 阿N也有古惑的一面。 )
我: 我當然唔會輸啦。 ( 我知我中計，但又如何，我深信就算讓分，讓佢100分我都有得贏，除非……我信錯了。 )

果然，頭5輪我同Alan既分數都大幅拋離佢地，但其實女人要贏，總有佢地既辦法。Alan每次打完返埋位，Echo都會同佢咬耳仔，好鬼開心咁。自此，Alan就唔單止無再出現striker，就連應該既補中都無埋，我敢講，佢……應該食緊便便而開心緊。而阿N呢?佢既方法務實得多，比平時既佢多拎左幾十分，呢幾十分其實就足以令佢地贏，點解?正所謂唔怕神一樣既對手，最怕豬一樣既隊友，我發覺我似1打3仲要讓100分咁，我信錯左Alan，最後阿N同Echo仲好輕鬆贏左添。事後Alan仲叫我take it easy，玩下遮。

N: 好野，有人請食飯，真係要諗下去邊度食先得~~~~ ( 給阿N算到，我無野好講，當然我睇輸贏餐飯其實唔重要，我同阿N，係要贏牙胶。 )

而家回想返，其實係讀書時，有個朋友同你鬥下咀，係幾開心架喎，因為真係無時無刻都令你轉數加速先嘛，哈哈。其實另一半也是，另一半，我會相敬如賓嗎?不是，我地會3分鬥氣7分玩笑式相處，我愛這樣。以前成日講，投降輸一半，就乜乜乜啦。今次係一餐飯，咁輸一半係飯，輸全部又係咩呢下??哈哈……真係唔知。 咁其實阿N又係唔係無懈可擊呢?咁又唔係，佢都有唔識應對既時候。

………TO BE 下回………

哈哈！

賤男另類意思...
我對你有feel = 我下半身feel 到硬咗
我掛住你 = 我掛住你副body
我想見你 = 我想去時鍾見你
我第一眼見你，覺得你好特別 = 我第一眼見你，就特別想上你
你好有魅力 = 你好引人入性
你好有女人味 = 你好誘惑好sexy
我喜歡感性嘅你 = 我喜歡性感嘅你
從後面望你很迷人 = 狗仔式

有缺失，有遺憾，那才是精彩的人生啊！

死啦！點解呢啲都好似係我心聲咁嘅？

嘩c姐，好正喔
加一個...

我最喜歡你含情脈脈時個樣=我最喜歡你含x時個樣

HAHA,乜得2位師妹寫得咁露骨.但我真係見有自以為情聖既男人係咁.
自己講一大論情話,認衰仔錯過左女仔,俾多次機會等等.最搞笑既係,可能會問對方掛唔掛住曳曳時既勁,問回唔回味添.