記得第一次約出黎，你仲話俾我聽，從來唔會第一次見就去開房。仲有你問過我，有位師兄都想join，當然，既然目的只係為飲下野，我其實無問題既。
個日我記得係禮拜尾，係屋企食完飯，大概十一點幾既時候我就準備出發。
懷著興奮，又緊張既心情出發。去到太子既時候，原來姐姐岩岩先上的士。既然有時間就去左7仔。理所當然大家一定覺得我去買套。但當時天真既我真係無諗過，都無買到。
最後。我買左枝茶。仲緊張到人地都未黎我已經飲晒。飲完支茶，諗住食支煙，點知成盒飛左出馬路。正當我執返起一抬頭個一刻就見到姐姐已經到左。
好快搵左間酒吧，我地坐低左，面對面坐。一黎面對面可以較容易傾計。二黎面對面保持一定既距離，避免可能人地睇我唔上，又要左閃又避就唔好啦。
