大家好,今日係3月8日.HAHA......咩日子?女人大晒,問題黎嘞,點解3月8日係女人大晒?錯,問題應該係......女人幾時都大晒,又點止3月8日呢~~~~

張國榮,係少數我都喜歡既男歌星,喜歡既唔止佢既歌,佢個人既魅力實在很吸引.

見今日係38女人大晒節,小弟之前講過既update,亦正式開始.呢一篇係全新既,記得果時同阿N仍未係情侶,但就已經發生左睇醫生事件後既事,因為剛開始寫,希望大家唔好介意短同快,我意思係.......每次好短,睇得好快.......:smile_30: :smile_30:

*第一回，台灣女孩*

今次同大家分享另一樣野，唔知大家打過交未呢?
如果大家唔介意無咸野睇，不如同大家分享下呢件事~~~~
係加拿大時，你會咩國籍既人都識到，台灣、韓國、日本、新加坡、馬來西亞、中國、本地既、真係咩人都有。你會同佢地做朋友，但最啱咀型既始終係自己友，香港人。
係加拿大果時，如果你問我，咩女仔最吸引我地班宅男，我會講係日本妹，點解?日劇囉，睇得多，壞腦嘛。但其實發現台灣妹先係最攞命，尤其佢地講野既尾音，對於我地黎講真係無得輸，哈哈.......... ( 我相信好多人都明，唔明就等陣解釋。 )但其實雖然咁講，果時吸引我既，已經係我既女神—阿N。如果你問我，咁我點追女神架?其實我一開始無咩點追，因為我唔追女仔架，呢世人只追過2個，一個就係女神、另一個就係我太太了。而且果時我都唔知我係鐘意女神既，我係同佢鬥氣，整古對方，不經意既互相關心，才發現原來會想見對方，會為對方擔心，會發現，開心時如果有佢一齊，我會更加開心。傷心時分憂、開心時分享，那個不容你大腦控制，會不自覺不由自主浮現係你腦海的人，就是最重要的人吧~~~~

咁講返正題先啦，我地成班賤男，落堂時最鐘意去library，係咪好乖仔呢?sorry呀，其實係睇女仔喳。阿N佢有樣野係好受歡迎既，就係佢好鐘意幫人，而由於佢真係考咩都第一既關係，係library除左溫書，佢其實就係教人做功課。所以可以講佢咩人都識到，又或應該講咩人都好主動去識佢，唔同國籍既同學，又或 校內好惡、出名串爆、蝦蝦霸霸既都對佢好客氣，好好態度，( 有一個好似魯芬咁既樣而咩惡人都識既都搵阿N )而阿N佢亦忙得好樂在其中，見佢忙到不得了時，有時都好吹脹，但監於我仲未係佢邊個，我就當然唔會出聲啦，而且果時我仲未知自己係鐘意佢既。直到有一次.................

新的一期semester又開始了，來自唔同地方既新生都入黎報到，有屋企人陪住既，有自己傻下傻下搵路既，亦有自己友陪住而識路黎既，而register之後，佢地好多時評估完仲心大心細讀咩既，老師都會安排佢地去library搵同學負責幫手解釋同分析，咁當然，受老師喜愛既阿N又係走唔甩既一個幫手啦。

果時有幾個新黎既台灣女仔都幾靚，其中最搶眼既有2個，分別叫Echo同Cherry，講真，Echo短髮，俾人很爽朗既感覺，亦很主動直接，樣貌同身材都非常之唔錯，而Cherry呢?長髮斯文，佢就更真係堅靚同埋好清純，果時我夠膽講全校大把男仔都想追佢地兩個。而同Cherry一齊入讀既，仲有佢個番薯阿哥，係，佢阿哥真係好似番薯......點解靚既女仔，個阿哥都較為番薯既呢??真係奇怪......

………TO BE 下回………

超級支持！期待更新。。。

張國榮是一位 用心演出的true artist. 尤其是在演唱會上.
風再起時https://www.youtube.com/watch?v=9v8c7zRtBWs

曲：張國榮 詞：陳少琪　　　　　我 回頭再望某年
　　　　　象失色照片 乍現眼前
　　　　　這個茫然困惑少年
　　　　　願一生以歌 投入每天永不變
　　　　　任舊日路上風聲取笑我
　　　　　任舊日萬念俱灰也經過
　　　　　我最愛的歌最後總算唱過
　　　　　毋用再爭取更多
　　　　　風再起時 默默地這心不再計較與賓士
　　　　　我縱要依依帶淚歸去也願意
　　　　　珍貴歲月裏 尋覓我心中的詩
　　　　　風再起時 寂靜夜深中想到你對我支持
　　　　　再聽見吹呼裏在泣訴我謝意
　　　　　雖已告別了 仍是有一絲暖意
　　　　　我 浮沉了十數年
　　　　　在星空裏閃 帶著惘然
　　　　　請你容我別去前
　　　　　贈出這闕歌 來日某天再相見
　　　　　但願用熱烈掌聲歡送我
　　　　　在日後淡淡一生也不錯
　　　　　那暖暖雙手最後可永遠伴我
　　　　　何用再得到更多
　　　　　仍沒有一絲悔意

最重要的人... 說得真好。尤其是，“不自覺不由自主” ， 非常貼切的感覺。

等師兄更新。

是啊，這就是明星。可惜生命短暫。

各位,今次update會好慢架,HAHA.....希望唔會悶親大家啦

呢首我有聽,但最吸引我既歌其實係其他.
佢有一首歌,係我最鐘意既,老實講,當年結婚,我就係婚禮上彈奏佢既歌作為"天才表演",HAHA.....
我果個年代,好興新郎去表演俾大家睇/聽呢.

唔知dragon兄係咪彈奏呢首呢？


為你鍾情

作詞：黃霑
作曲：王正宇
編曲：奧金寶

為你鍾情　傾我至誠　請你珍藏　這分情
從未對人　傾訴秘密　一生首次盡吐心聲
望你應承　給我証明　此際心弦　有共鳴
然後對人　公開心情　用那金指環做証

對我講一聲終於肯接受　以後同用我的姓
對我講一聲 'I do! I do!'　願意一世讓我高興

為你鍾情　傾我至誠　請你珍藏　這份情
然後百年　終你一生　用那真心癡愛來做証