你中意長就有長 你中意粗就粗 haha

推。

推多陣先...
我病左.........:smile_o03:

寫得很好, 支持繼續努力

第10集

今晚約左Jeff,KEN同埋另外兩個女同事：APPLE, CHERRY一齊行花市，我去父母屋企食完團年飯先出黎，佢地幾個就係收舖之後。我地怕多人，冇去維園，但都係勁迫囉….行左一陣，APPLE同CHERRY話去商場SHOPPING，但我想買盆花，於是就分開喇。

KEN同Jeff 都覺得行花市就係想迫下，所以陪我一齊行。雖然我覺得佢地係想比其他女迫下……不過有人一齊行花市，點都係開心事。

經過遊戲攤位時，我諗起亞權尋晚神射手的表現，好自然地微笑。Jeff見到我停低，就問：「Jamie想玩?」

「唔係呀，只係諗起有個朋友玩呢d好勁。」

「我都好勁架喎!! 等你贏隻大公仔比你!」Jeff捉住我手腕，想拉我過去。我反手扯住佢衫尾，「唔駛啦…我屋企冇位放呀! 而且陣間要買花，就算你中左，我都拎唔到。」

「放心啦! 我今日有揸車。」

我正想開口繼續拒絕，Ken就插口：「你比機會佢啦Jamie，佢唔扔d錢出去唔死心呀!」

Jeff去左玩拋圈入玻璃樽，又竟然比佢拋中! 不過我冇要到個大公仔，要左兩隻細的，因為屋企真係冇位喇。

「做咩唔要大隻d呀?」

「屋企冇位嘛…呢兩隻可以放喺公司，又可以擺喺屋企梳化! 嘻嘻~多謝你呀!」

「你鍾意就得啦!」跟住佢伸手拎起其中一隻，「我幫你拎住一隻啦!」

沿路我地一直用公仔打交，好低能呀!不過好開心，玩左一陣先發覺亞KEN唔見咗，跟住佢WHATSAPP我地話撞到個舊同學，叫我地買完花走先，唔駛等佢。由於得返我地兩個人，我地決定買完花就走喇，但愈來愈多人，Jeff就輕輕搭住我膊頭，行到去花檔，我買左盆蘭花，Jeff幫我抽到上車，再送埋我返屋企。

「我幫你搬上去，定係你叫屋企人落黎?」
「我一個人住，我自己拎得喇。」

「好重架…如果你唔介意，我送到你去門口啦，唔入屋。」

聽到佢咁講，如果再拒絕好似嫌棄佢咁樣，我再極速回憶，屋企應該冇掛住內衣褲，可以見人的。

「咁麻煩哂你喇…陣間請你飲野丫! 」

返到屋企之後，Jeff幫我放好盆花，我就拎左d薯片汽水招呼佢，順手開電視，見到重播緊n年前的舊片，睇睇下就一齊坐左去梳化，到睇完套戲，我先發覺佢搭住我膊頭，而我就一直挨住佢。

氣氛有d尷尬，我地四目交投，但好快就移開視線。突然隔離屋傳來電視的倒數聲：「十、九、八… …三、二、一 ! 恭喜大家新一年………………」

「新年快樂! 萬事如意!」我坐返好，估唔到今年意外地同佢跨年，呢個陌生而又非常熟悉的同事。

<待續>

其實呢集我一早諗好左，仲諗住配合新年出，點知我病左:smile_o03:
而家都冇哂新年氣氛...

原來呢個故事的第一集係12月23號出,即係我兩個月先寫左10集....
自己都覺得過份:smile_o05:

[ 本帖最後由 可可queena 於 2016-2-24 11:04 PM 編輯 ]

支持、保重身體！

雖然你病左，我好擔心！
但你兩個月先出10集，我仲擔心！
Anyway,take  care

身體重要, 好好保重, 繼續加油

thx!!

今次寫得咁慢,我都好擔心呀
但我每日都好忙咁去fb查案,又要返工返學
有時間又要追其他人的甜故 (你都知啦,呢期好多猛人連載緊)
我會盡量唔ot,返黎作故仔架喇