係,呢種女人,超掂.我敢講,成功既男人,都希望擁有一個咁樣既女人.
講真,靚既女人,再靚都係咁樣,而且靚永遠敵唔過時間,唔係就唔使見廣告出什麼美肌,凍肌,PINK乜乜啦.
所以我出去應酬,我會好欣賞亦去細嚼他們相處之道.(如果對方都係2夫妻同時出席)
我以前的女神點解會係我女神呢?因為我覺得係一件事情上,佢俾我好深既體會.(又係走咸文,HAHA)
我記得有一次我女友應承左人,咁我就開車去幫呢個朋友,係途中因天雨,我一時大意就撞左車.
當時係我第一次撞車,所以心情有點亂.我當然第一時間問問女友有無事,佢答我無事.而我就落車睇情況.當我落車理論時.(事後知道其實係我唔啱的,但我仲鬧人)
我就再返埋位,果時我已見我女友報了拖車,亦報左警備案.我再問佢有無事時,佢反而提我抄低對方資料.當都做好後,我就慢慢開車到路旁等拖車了.坦白講,撞車果一刻太突然了,我真係亂左方寸的.
但我女友就好冷靜去應對一切.我仲記得佢叫我唔好鬧人了,再鬧都無補於事.而且亦提我打回香港給父母知,報個平安.
當晚拿了車去車房,各自回家後:
我女友的哥哥打給我:你知唔知今日撞車,阿N(我女友)佢俾條安全帶拉到個肩位紅晒啊.
我很突然:我唔知喎,我問佢佢又答無事既.
佢哥繼續:佢梗係講無事啦,佢唔想你擔心嘛!
那刻我無言,沉默了一會:麻煩叫阿N聽.[唔使一秒阿N就接電話,好明顯佢哥丙我時要俾佢聽到]
我繼續:點解妳整親唔講我知啊?而家仲痛唔痛?
我女友:唔使理佢,好少事之嘛,係紅左D,同條頸有D痛,唔知係唔係撞果一刻拉親.
[我無言因為我忽略了她]
我女友繼續:我整親,你照顧我一世囉.(她在跳皮地說,想令氣氛輕鬆,但我為我的大意而在深深反省)
我答:我會.......我真係會架[那刻雖然是電話,但真有衝動擁抱著去說的]
她得知我反應,只輕輕說:傻~~~~
我很內疚,今時今日都仲係..............亦很有歉意說:對唔住,下次我會小心架.聽日同妳去睇醫生啦.
佢係一個好好既女仔,佢會擺我係第一位,發生事時會先處理好事情,同時間亦會理會同顧慮我感受.
我好記得第2日我帶她睇醫生,那紅了的位置,她老是說沒事沒事.要是整親,我想我會很後悔,亦因為呢件事,我自此開車都會好小心.
這件事其實好影響我亦俾我一個好深既啟發的.愛一個人會設身處地由他做出發點去想.共富貴一齊去威威,男人成功了要找這種女人拿來威實在係好易,但共患難,又願同甘的女人,我相信每一個男人其實都希望擁有.卻最難擁有.不要說擁有,就係連遇上都難.
10年了.我記得有次在朋友的婚宴上見到她,那感覺都可以用一秒鐘就回到過去.
我到現在還是會叫她做0靚妹,傻妹,
佢會答:仲0靚妹?唔細了~~~~
我笑笑的說:不好意思,無論妳現在改變了多少,係我腦海裡,妳還是我當年的那個0靚妹.
我們相視而笑,就被拉去一起影大合照了....................
唔好意思 師兄 點解同呢個女生分手既故事寫左未？
