引用:
原帖由 crazymaggie0706 於 2016-1-24 07:43 PM 發表 
呢d...都係大家未食到大家之前o既假情假意...
師兄, 你係另一半將你變左親人...定你將佢變左親人呀??:smile_19:
師兄既狀態其實最好，激情過後就應細水長流平淡如水，淡靜中偶然帶一點美。
男人同女人仲有關係可以用酒來比喻。普通男人只好似啤酒咁，無乜特別，千篇一律。倒得唔好成杯泡，顏色狀似尿液，味道有時帶點酸味，係咁飲只會焗到一肚氣，仲有啤酒肚，選擇既原因係因為無得揀。只好退而求其次揀佢。
另外兩類一種是紅酒，一種是烈酒。紅酒型既男人，有一定既閱歷見識，能夠帶你成長，閱讀呢個世界，佢有迷人既身材，職業，談吐不凡，醉人既嗜好。猶如將紅酒倒入酒杯放在陽光下鑑賞，此時如一顆紅寶石發光。顏色味道氣味木塞都係一道迷人既風景。
烈酒型既男人，多粗獷來帶點不羈，如海盜和搖滾巨星混雜，帶有極度藝術家既氣質。猶如威士忌濃而烈，強勢，一杯下肚便醉人不醒，跌入深淵，必需淺嚐即止。呢種男人帶有暴力既美感。
Sl,sp,男女朋友都可能遇到呢幾類人。但經過一夜狂歡，半夜宿醉，一宿醒來，滿面狼藉，身心俱疲，你會發現此刻和往後你最需要反而係一杯水。
不是誰把誰變成親人，而是彼此將大家變成親人，細水長流，明止如水，你中有我，我中有你。煙火既激情只有一瞬間，漂亮但短暫，而呢種平淡既靜卻有大愛既永恆。
珍惜將你們彼此變成家人的那一位。
