講開好日子,大家星期日會唔會瞓晏教,真係爽到死~~~~
尋日同女兒去公園玩,我估我平時做GYM,舉鐵,練腿同埋激跑都係咁上下......但堅攰,我記得我尋日返到屋企,我係地下度瞓著左.......瞓醒係好爽既.
懶洋洋既星期日,實在係無得頂.......HAHA

星期日瞓晏教，好舒服。

我就和妻子到咖啡店，聊聊天。慢活好正…

見笑了！dragon兄講得對，我哋就算輸人都唔輸陣，哈哈。。。

AI,講樣正經野先.各位師兄師妹,身體健康當然緊要,但正所謂人大機器壞,大家身體有無D咩係唔舒服既野呢?當唔舒服時大家又會點處理呢?不如大家又分享下~~~~

小弟黎一個先,我其實可能打拳,又或抱女兒多,右邊肩特別攰.所以平時瞓教就會拉鬆返D筋骨,另外.小弟有一樣而家都唔知點解既時不時頭痛,我係會飲保礦力黎止既,如果唔得,就會食返粒藥.但我聽講食得多又唔係太好,唔知大家有無好方法呢?

有睇過醫生嗎? 小心身體 =(

身體上的問題，要問下醫生。

師兄有冇留意幾時頭痛，會不會和溫度，或用腦過度有關?

多謝,其實我唔夠瞓就會.
而我細女係會同我一齊瞓,佢真係有時會成日依靠係我度黎瞓,咁我就會瞓得唔太好了.呢樣野,要搬好屋之後先有機會改善呢~~~~

師兄，好好享受這些日子了。她有了男朋友就唔黐你架...

超強的故事!感謝!

你遇過好心人未?又遇過幫唔到手既好心人未?
講件瘀野俾大家聽...........
尋日會展,我就去左灣仔見客,見完走時,見有2位韓籍人士搵路線,咁我身為ABERDEEN,當然要展現好客之道,問佢MAY I  HELP YOU啦。
咁2位韓籍人士,原來想去西營盤某酒店,咁我就建議佢乘坐會展對出的巴士站,18號和18P了。但細心一想,18P可能會唔經,咁就介紹坐18號啦.但對方就拎住地圖講,18號好似唔到喎.我就細心想,唔會架喎,以前都得架.我見下個站牌,點知又真係改左喎.咁我當然想查證啦.我就好熱心拎我部手機出黎SEARCH,咁就出事嘞.
首先我上左YAHOO,好心急打18,唔啱.再打YAHOO既HK,一陣出黎個畫面起晒格仔,因為YAHOO頭版係講師生戀,幅圖起晒格.我就唔多講快快手打18睇路線,點知一按,彈有關18既係.......18區,18禁,18禁不禁,仆街,咁多咸濕野既??
正當我呆左下之際,2位韓籍人士就好禮貌地: THANK YOU VERY MUCH, 88.......
當時我係有D唔好意思既,而我同事係我旁邊講:你估佢地會唔會以為我地想開個咸網佢睇呢?我就講:唔會掛.......但可能佢估唔到身為香港人既我地仲豬過佢遮,搵左成分鐘都搵唔到條路......
呀,仲有,因為2位韓籍人士是2位女士,所以......佢地仲驚囉當睇住我部手機既畫面時........:smile_13: :smile_13:

[ 本帖最後由 dragonbone 於 2016-1-12 10:52 AM 編輯 ]