我都鍾意香港，我會選擇做六、七十後(可能依家都係)，因為呢個年代嘅人，不用讀太多書已可步入相當的職位，有知識有學識，再加埋膽色就好容易有一番作為，但今天大學畢業已好似係最低的起步點，至於你話退休後返加拿大都係好事，到時再享受一吓悠閒的生活!

師兄,其實而家都機會處處既,你會唔會返大陸?我個人感覺,真係唔談政治,中國係一個機會處處既地方,但中國人首講人脈.
香港其實都係,但你講得啱,以前既香港,機會係比而家既多同高.
以前,你肯捱,肯做,肯搏,係學曆低都有出頭天,而家真係唔容易.
唔容易唔係而家香港少左機會,而係香港多左誘惑.而呢樣,係以前既世代無,又或人心簡單得多.
放心放心,唔係沈重討論,只係做男人,多多少少有時會為人生打算考慮時既感受喳.

我冇乜大志，所以都會在我這個時代再活一次。

其實，古時和現在的分別是希望，那種相信明年會好過今年的感覺。

其實我鐘意歷史.我有幻想過,如果我活於古代,
可能死左N年都唔知,我父母有通波仔,我亦會學得讚嘆而家既醫學昌明,所以真係感覺呢一代都係幸福既.
HAHA.....係唔係太認真的話題啊??要唔要中和下呢?

……TO BE 倒數開始4……

我: 什麼?
suki: 沒什麼....... [ 怎麼又和MS LI的情況咁相似的，今次我沒有呆等了....... 我怕失去。 ]
我: 講多次，一次就得了，我剛剛真係聽唔到啊......... [ 那時suki攬得我更緊，好哄得我很埋很埋。 ]
suki: 邊有人會講多次架............真係好蠢架你。
我: 講多次，真係.........
suki: 我鐘意左你啊你知道嘛~~~~ [ suki面紅紅的在說，那張咀哄得很埋，就像當日MS LI一樣，我在回想MS LI當日的說話同時，suki輕輕的吻上了我。我沒有任何反應.............除了浸在水裡的下半身……suki在吻，她的咀唇是多麼的柔軟，身體肌膚是那麼的幼滑，那時我在想:女仔都是咁溫柔舒服的嗎? ]
我: 我.........
suki: 傻佬，MS LI有同你講嗎? [ 我心離一離。 ]
我: 佢講咩啊?
*第13段，動人真相 *

***********************

Suki: 其實尋日，{放假前最後一日}MS LI叫左我上去教員室，即你上黎搵我果時。佢同我傾左好耐。 [ 我在聽，沒有打斷suki的說話，同時間亦在回帶，回想當日的事情。 ]
我: ……….
Suki: MS LI好直接問我，係唔係鐘意你。我答係，跟住佢叫我好好睇住你，唔好剩係掛住玩，黎緊要俾心機溫書， 咁樣囉。
我: 就係咁多? [ 我在問，同樣，suki也在等我問。 ]
Suki: 我都估你會有野想問。果日同樣我都問左MS LI一樣既問題。 [ suki既果敢性格，其實係吸引我既地方之一。 ]
我: 妳都問左問題，問咩呢?
Suki: 佢係唔係鐘意你囉。既然佢問得我，我當然都想知佢點諗啦。 [ 那刻我都想知，應該說想再肯定。因為我心裡已知…….. ]
我: 咁MS LI既反應係……?
Suki: 佢同我一樣咁爽快答左囉。但我唔會講架，你自己估啦。 [ 我知suki再大方，都會呷醋，佢一直都知MS LI係我心裡有一定地位。 ]
我: 咁我唔明了，佢做咩無啦啦搵妳既，就係講呢d? [ 呢個先係我諗唔通既問題。 ]
Suki: 佢…….無同你講? [ suki有點遲疑，知道了些我不知道的，而她那刻給我的感覺，就像是班主任和老師甲給我一樣的不安感。 ]
我: 無，佢應該要講咩架?
Suki: MS LI…….她說她要走了……….佢無同你講?佢應承左我架喎。 [ 我茫然了，也急了起來。一剎那發覺人人都知而只得我唔知的感覺並不好受，我急起來了。 ]
我: 我只聽MS LI說去旅行，佢走.....?走去哪?佢無同我講喎，佢點同妳講架。 [ suki少見我咁著緊，她忙解釋。 ]
suki: 對唔住啊，佢叫我唔好講你知，呢件事佢會自己黎，所以我無提，而且佢話佢會俾你知架，其實........... [ 其實又咩呢?一下子太多意料之外的事發生了。 ]
我: 妳快d講埋啦................
suki: 其實今次你之可以升班........係因為佢，佢出左唔少力........ [ 我在聽，因為從班主任既說話中，我亦知MS LI為我講說話。但咁又點....... ]
我: 我知佢有幫口，但點解要走......
suki: 其實.......你地既事，就連校長，訓導主任都知，好多人都有傳你地拍緊拖。
我: 都唔係事實，唔係咁蠢信下嘛。 [ 我在狡辯.......算狡辯嗎? ]
suki: 但你認為佢地會信咩?而且........有呢件事既情況下，MS LI都仲撐你，堅持要俾你升班，佢地就更加懷疑你地有野嘞。
我: 咁又點，我地真係無野喎....... [ 我果時，師生戀，係嚴禁的，其實而家，都應該係禁忌吧.......................... ]
suki: 所以.......到最後，MS LI佢辭左職。
我: 因為咁樣黎表示清白?? [ 我在問，也在想........ ]
suki: 果日佢搵我，其實佢係想講，叫我睇住你呢個衰人，佢走，佢去邊度都搵到工，但再係呢度做，你同佢都會俾人講閑話，最終會有人要走，既然係咁，佢情願選擇灑脫d走。 [ 清清楚楚，絕不拖泥帶水，明明白白，斬丁截鐵而去，呢個係MS LI既個性，如果留係度係俾人終日閑言閑語既，我清楚佢性格，佢絕對會走。但你叫我接受佢走，一時間還是未能夠。 ]
我: 咁佢搵妳，主要係講呢d?
suki: 係啊，衰人，你捉得我好緊啊。 [ 那刻我先發覺我捉緊了suki的手臂，回過神來，人亦冷靜下來。 ]
我: 對唔住啊....... [ 我誠懇的在道歉。 ]
suki: 哼，原本我唔太鐘意佢架，但係呢件事上，佢確實有付出，亦付出左好多，你緊張佢，我明既，今次就算啦。 [ 她輕輕的搥了我胸口一下。suki也是硬性子，要佢讚人，都不是易事。 ]
我: 傻妹，走囉，水漲左好多了。 [ 水不知不覺已到了腰間，而且太陽都落山了，再唔走就凍同危險了。我在紳士，還是為剛才的粗魯對不起呢?不知道，但走時，我是拖住suki的手的。而阿強佢地因為唔使行石灘路，走得比我地快同前。 ]
suki: 講返頭先你個問題，我係女仔，我估我知道MS LI諗乜，佢唔放心你，但又可能怕唔捨得你，所以佢尋日搵我同我講呢件事。佢係一個好tight既女人，呢點係我欣賞佢既。我服佢所以先應承讓佢同幫佢保守密秘，亦俾佢講先....... ]
我: 講先........妳指? [ 我地邊行邊對望。 ]
suki: DRAGON，你記得你上次足球比賽時我講過咩嘛?我斯文，我怕羞，但唔等如我唔會爭取，你知道嘛?我知MS LI心思，但唔等如我會讓俾佢，尋晚我已應承俾佢同你講先。但今晚應該到我了。 [ 明白了，怪不得尋日佢地好似好有默契咁，一個一出黎就捉我去後樓梯傾，到我想搵時另一個就走左。原來我係外邊等時，佢地已經夾好左咁樣，為什麼她們都不簡單，還是我太簡單了點呢.......? ]
我: 哼哼，原來妳兩個夾埋既。
Suki: 係啊，得唔得先，我地2個為你做左好多野啊你知道嘛?
我: 哈哈，得，難得妳地咁夾。 [ 對住suki，有時候唔知佢諗緊咩架。 ]
Suki: 哼，但你放心，我先唔會要你而家做決定，MS LI為你做左咁多野，呢一刻你一定放唔低佢既，我先唔係今日同佢爭。 [ 她在有點賭氣的望住我說。 ]
我: 咁妳想點呢大小姐~~~~ [ 我在讓她，因為她令我沒有原先那麼失落了。 ]
Suki: 我想點，我擦損手啊衰人，咁你話應該點呢?
我: 返去同妳搽返藥水好無? [ 我是衷心的感謝她的體諒和大方。 ]
Suki: 又好。 [ 接著她甩開了我的手。向前輕快的跑…….應該係想追上前面的他們。她走上前時再回頭對我講句。 ]
Suki: 有一日，我要你真心的拖住我，而唔係今次咁樣，知道未? [ 我聽後在點頭，在微笑，服了她了，她心水很清呢。而她呢，也追上前去找JUNE同YEN她們。拿起賿桶裡的貝殼在一齊分享。 ]

……TO BE 倒數開始3……

[ 本帖最後由 dragonbone 於 2016-1-8 02:29 PM 編輯 ]

好啊。

師兄有冇睇葉問？

你說在飯廳裝木人樁，我即時的畫面，是站在擺動的枱上打。

唔會太認真，OK 呀！喜歡嘅c 兄c 妹自然會留低傾。

如果只係想溝仔溝女，睇故事，講性經，去第二間舖都得啦！

HAHA.....我無睇,因為...........睇戲於我黎講係高消費.
高在.......要搵人睇住小朋友,高在........難得有時間唔出去行下而去睇戲,
高在.......同樣既時間可以做其他野~~~~
我對上果次睇係同女兒睇INSIDE OUT了.

咁師妹可以揀多次,都會係同時同地點出生嗎?
定會想改變呢?

c兄，人係未真係只有一個最愛？會唔會真係有機會多過一個，只不個另一個一直係心裡面？