以前細個係得平安夜，中秋，同年三十晚可以去夜街！

好正

平安既,送俾大家既UPDATE:


*第11段，說什麼?沒什麼……*

我: MS LI，頭先係學校唔見妳既?
MS LI: 我黎你度嘛，點知你未返喎。
我: 咁妳等左好耐呀?而家上去坐陣先啦。
MS LI: 好想食你煮既野啊，可以嘛?
***********************

我: 梗係得啦。 [ MS LI唔係其他人，而且佢上過我屋企好多次，所以我就俾左條匙佢自己上去，我就好快去買野食。我買完返屋企時，間屋有簡單咁執過下。而我整野食MS LI就幫手整碗筷。今晚整既野食其實無咩特別，就係MS LI要求既粥。我第一次係佢病時整既粥。MS LI講想我做得一模一樣，咁當然無問題啦。 ]
MS LI: D粥真係幾好味喎，但上次係好食D架，爭D咩呢? [ 聽完我地都係度諗，明明所有野都齊晒。我回想返佢唔舒服既果一日，跟住我就明了，我示意佢等一等。 ]
我: MS LI，係唔係呢樣野? [ 我將我件陳舊冷衫放在她肩上。 ]
MS LI: 哈哈，可能係喎。 [ 她看一看袖口，仍舊有塗改液。 ]
MS LI: 就係呢種"味道"，感覺最溫暖。 [ 我們開心的繼續食，有傾有講。( 早年有首叫味道的歌，現在回想返MS LI當年要找的是不是就是這感覺。) ]
MS LI: 我黎緊暑假會去旅行啊。
我: 去邊啊?玩幾耐先?
MS LI: 未知啊，好玩既玩多幾日。
我: 嘩，妳就好啦~~~~我都想啊，哈哈........
MS LI: 等你大個左咪得囉。
我: 咁MS LI妳返黎記得搵我喎。
MS LI: 你幾時變得咁纏人架。 [ 她用手指彈我額頭，從以前上數學堂佢已經係咁，我每次偷睇阿JUNE功課，又或偷懶佢都會咁，呢個動作，其實我避到，但見係佢，我都樂意被彈中。 ]

果時已經食完飯，洗好碗坐係sofa上，同MS LI一齊既感覺又係另一種既舒服，我地返翻去以前咁好傾，就係呢個時候。
MS LI: ai,你覺得我點啊?
我: MS LI好好，對我好好，我好開心識到妳架，真既，唔係擦鞋，如果黎緊都係妳教就好喇.........
MS LI: 傻瓜，我都唔係講呢D，你真係唔明......... [ 果時既我，再蠢都意會MS LI想講咩，我想俾反應佢，但我都真係緊張起黎，而佢望住我，我地第一次定定咁四目交投。那一刻一切都凝結住似的.......我正想開口，她按著我咀示意叫停，她想先說什麼，她忽然由溫柔換過堅定的眼神，接著....... ]

她在說，我在聽，她忽然說得很細聲，細得根本聽不見，我很自然的探頭去問……
我:什麼？
她:沒什麼……【她向我迎來，我沒有閃，可以說不懂閃，亦想不到要閃，因為她在吻我。那是多麽的溫柔，接下來她再說.......】
她: 真的.......沒什麼了 [ 我有點茫然，因為真的不知所措，然後她走了，離開了我家，我沒有追，那時......不知怎的就是不懂去追，而原來她.......除關了我家的門，同一時間亦關了另一扇門，我們感情的門。 ]
……TO BE 倒數開始5……

[ 本帖最後由 dragonbone 於 2015-12-24 02:44 PM 編輯 ]

師兄，古代真的不同；會沒有追，不懂追…

我在隔離舖看到現代版，發展很不同…

人就這樣活一次，見到的風光就是如此這般。

多謝分享!!!!!!!!!!!!!!!!!!!!!!!!!

曖昧既感情, 又甜蜜又小小痛.

今晚係平安夜，唔知大家有咩節目呢！相信有另一半的師兄師姐，都會同你愛的人過一個温馨平安夜，至於有小朋友的師兄師姐，都開心㗎~ 因為除咗另一半外，就仲有家中的小王子同小公主一齊過。仲有可能好忙添！點解？因為要做埋聖誕老人嗰份囉！哈哈~~  雖然忙，但卻好開心

哈哈... 祝各位聖誕快樂。

我很古代嗎？……:smile_o03::smile_o08:

不用傷心。我其實喜歡古代...

現代的節奏不同，年代不同吧了。