第19集
由於穎穎最近都忙住考試,同阿楓好少聯絡,反而同身處外地的June多左聯絡,始終係多年老死,點會因為佢變得淫蕩而疏遠,不過大家的話題的確少左,好彩穎穎真正享受同需要sex,呢方面可以同June交流下
「其實你同阿楓係情侶定係SP呀?」JUNE問
「點會係SP呢?佢應該係鍾意我架喎」
「咁你地平時一齊會做D咩?」
「都係床上面嗰D囉…有時佢屋企有人,會喺公園摸一陣囉」穎穎答完之後都覺得有D唔妥,雖然冇正式拍過拖,但以前同追佢的男仔出街,D仔都會搵機會拖下佢,或者攬下,就算冇做呢D,都會經常傾下電話之類,但阿楓真係冇喎,唯一主動拖佢的一次,就係在離島時拉佢走,平時都好少攬攬錫錫,唔通佢呢個宅男真係咁怕醜?
「你同阿楓的相處,有D似我同阿樂呀!不過我地講到明只係做SP,你個傻妹會唔會比阿楓當係SP唔知呀?!」
「唔會掛…佢點會咁衰!」
愈諗愈唔對路,草草收線之後,穎穎認真咁諗佢同阿楓的關係,又真係好似SP喎,不過唔講阿楓點樣對佢,穎穎都覺得對阿楓好似冇D咩觸電感覺,除左有人在SEX滿足自己之外,又好似同「未拍拖」時冇咩分別喎
平時都唔會特別掛住佢,就算知道佢去搵過Miley,都只係覺得阿楓出錢出J比人食好蠢,同埋覺得比人擔左自己的所有物,唔係呷醋喎….
死啦….同人做愛做左幾個月,原來大家只係SP??!! 於是穎穎即刻 WHATSAPP比阿楓
「楓~你覺得我係咪你女友?」
阿楓剛好在線上,好快就覆佢：「穎穎係我女神…我冇資格做你男友….只要穎穎繼續比我服侍你,我就好滿足架喇!」
穎穎呆左,因為唔知點答,所以SEND左個臉紅的表情就算數
「哎呀! 原來我真係搞錯左…我地唔係拍拖,仲可唔可以做愛呢…」穎穎自言自語
<待續>
M先生睇完前兩集之後話「見你好出力咁寫,但唔知點解好似爭D野咁」
我都覺得有D唔妥,我估係少左D代入感
始終我唔係十幾歲少女了,用第一身去寫有D困難,
所以今集就試下用第三身
而且之前好似太刻意講穎穎變淫,有D突兀,要收歛下
另外呢,由於大家過份忽略我的床戲,我依然傷心中
所以決定呢幾集寫文戲,應該冇咩動作埸面喇
