師姐，會不會多嘢諗有白髪

年紀大，無辦法

我左右兩側都有白頭髮喎，咁點算?

係大家忘記前，update先。哈哈~

*第8段，那些年，眾人女神----阿JUNE*
***********************

接落黎果幾日我地好好，直到我可以返學了，因為要追其他學科，佢又要出卷，大家都好忙，就少見面左了。而同學之間就反而CLOSE左好多，我記得果時一起溫書既都有suki同阿強，同suki一齊感覺係好唔同既，佢始終同我同齡，好多野都傾得好埋，而且佢本身都已經善解人意。咁JUNE呢?其實我同佢係疏遠左既，點解?唔知大家試過同朋友同一時間鐘意一個女仔未?JUNE其實就好似那些年既女主角咁，成績好，又斯文又乖，大把男同學追，在我黎講，有個奇怪既思想，就係朋友鐘意既我就會stop，因為我唔想因為女友而無左朋友，呢個算唔算所謂既義氣呢?真係唔知道了。果時同我都fds底既仲有個叫小李既同學。有日佢問我係唔係鐘意阿JUNE，因為佢聽阿強講過，而我就矢口否認了，所以接落黎就仲變左我幫佢追阿JUNE添。最記得同阿JUNE決定成為朋友的那一天，亦係我幫小李表白既同一日。係，果時都興幫朋友追女仔架。
我: 小李鐘意妳喎，俾個機會人地啦。 [ 我對住阿JUNE講，果時係放學後既走廊，一邊是課室，另一邊是向街外。 ]
JUNE: 係咩?咁你呢?
我: 我?我咩先? [ JUNE少有既主動問這問題同時加上佢生鬼既表情，講真，仍舊吸引。 ]
JUNE: 小李，我知道啊，一早知添啦，咁你呢?你有無鐘意我啊?我想知喎~~~~ [ 她在佻皮。 ]
我: 哈哈.......以前有，而家無了。 [ 我坦白承認。 ]
JUNE: 哈哈，我知喇。 [ 她忽然向外望去，聽我說話後又再望向我。 ]
我: 妳知..............? [ JUNE原來一早知道我鐘意佢，因為阿強口多多，但我鐘意佢一直都無行動 ]
JUNE: 因為小李嘛，哼，你地D男人，我知道咩回事啦。而且你仲有suki同MS LI添，嘿嘿......你咁忙。 [ 她像因為知道我的秘密而在笑。 ]
我: 哎呀，妳講咩啊。
JUNE: 我地仍然係好朋友嗎?
我: 係，我地係好朋友。 [ JUNE望住我，少有地凝望住我......啊，唔係，呢種感覺以前出現過，係數學堂時，佢坐我旁邊時，又或每次早上交功課我問佢借黎抄時，佢都有咁樣凝視我，點解而家我先留意到呢? ]
JUNE: 同小李講，我唔會鐘意佢架，快大考喇，俾心機溫書啦。 [ JUNE好快轉身就走了。那次轉身，好像下定了決定似的，又像是放低了什麼似的，當時的我，說不出這是什麼樣的感受來。只知道我倆接下來的日子，我同阿JUNE，依舊是朋友。 ]

那麼suki呢?佢有陪我一齊溫書，學校亦會因為大考來臨，放左學都會俾學生留低溫書既。
suki: 有信心嗎? [ suki指升班，因為我始終真空左差不多2星期無返學。 ]
我:哈哈......盡力而為啦，妳呢?
suki: 我都會俾心機既，但下一年我想同你同班啊。 [ 今年係我識佢既第2年，第1年同班，今年佢a我b，所以出年，佢當然想同我同番一班啦。 ]
我: 哈哈，我地一齊俾心機升班先啦。升到已經好開心了。 [ 註: b班潛規則係精英班的。 ]
suki: 如果一齊升到有無得獎先? [ 她在做鬼臉，古靈精怪既佢最會逗人笑。 ]
我: 哈哈，小姐請問妳想點獎呢?
suki: 升到班，俾我話一次事。 [ 她cute爆，實在難以拒絕。 ]
我: 好好好，哈哈............. [ 沒想到，這句對答幫我日後找出答案來。 ]

我唔太識描述人，如果問我suki同JUNE俾我咩感覺。suki應該就係糖妹類型，屬可愛的，她會帶住笑容出現，這類型的女仔會為男方帶來活力。而JUNE呢?佢外型似女主播周家儀咁，感覺亦很灑脫的，她感情不易外露，和她一起，你會有點壓力，但有自信既男人會變成更有動力去表現自己。她們兩人完全給人不同的感覺哩。你/妳又會鐘意邊種呢?記住，係感覺似，唔係樣似，哈哈。

早晨呀各位，天氣肥豬報告今日氣溫16-19度，落雨呀，記得帶遮

June...成績好丶品學兼優丶眾人女神...好似妙麗。哈哈

我唔介意喎。反而成日染髮唔好㗎。咁多化學野對身體唔好。

早晨早晨。
保重身體。我都病病地

各位早晨！
哎呀！你都病咗？大家真係要小心喔！
就連你上司都如似被我傳染了，可笑是，我到宜家仲未好番，仲有工作等住我做，無得休息！

我反而好想認識SUKI, 感覺同佢一齊應該好輕鬆

我又想問下大家, 如果你係一個事業型嘅女士或男士, 當你唔開心時, 工作壓力又爆, 你想搵人傾下, 你會搵A定B
A: 善解人意, 分析力強, 佢會係一個好好的聆聽者, 又會幫你分析工作上面對的事, 但可能佢會覺得你都有在工作上不對的地方, 有機會傾傾下會爭討
B: 善解人意, 但份人傻傻更更, 你同佢講你幾大壓力, 佢只會叫你加油, 比心機面對, 從來唔會講負面嘢, 但比人感覺好舒服, 同佢一齊你會完全唔記得你工作有幾煩, 只會笑, 真心的傻笑, 可能只要對望都會笑