聽咗咁多位師兄師姐分享後，如果你問我，我會選擇A，原因係宜家的我，就真係好似A，老公經常都要工作，每晚做到好夜，好多時候，佢番到屋企，我已經上床休息了(通常都指十一點半左右)，所以平日我哋都好少傾計，而星期六，我都會安排一些節目俾自己，例如一個人行吓街，睇吓嘢。可能大家會話，點解你唔陪老公，咁難得放假！大家唔好誤會，我就算要出去，星期六一定會同老公食個早餐先，之後先係我嘅自由活動時間。

其實，就好似你哋所講，社會好現實，如果對方愛你，就一定想大家生活過得好一點，想賺多些錢，去等大家生活可以舒適啲。所以我寧可選擇A，我唔介意佢工作忙，只要知佢係愛我就夠。不過，我老公本身就當然唔想選做A，但事實係，公司太多工作要做，被迫每日都做到咁夜。

結婚耐咗，有時候就算對方可以陪你多些，但又未必係好事。就以我自己為例，點解我寧可放假都安排活動俾自己，而唔陪老公，因為老公每到星期六都會留喺屋企休息大半天，上網，打機，睇吓now，所以好多時候，大家都各有各做自己嘢，講真嗰句，我都會接受宜家的相處模式，雖然佢好忙，少時間陪我，但對我而言，都都覺得可以接受，或許我本身就喜歡自己一個人去行街，睇嘢吧！哈哈，所以就算佢陪我，都只係邊陪，邊玩手機吧！

對於A或B，其實是幻想與現實之間既角力，但又不如唔好諗得咁複雜。A與 B,只不過係我製造一個話題給大家對男女之間各自希望外，其實係我期望出現既一個平衡點。找到A既唔可惜，擁有B既唔可憐，因為我都設計為他們終身愛妳。可惜可憐往往不是在於A或B本質，反而係我地自身對A或B既唔滿足。

有一個測試，10個小孩都拿著一個裝1000ml的大碗裝1000ml的水，在不平的草地上由東行去西，距離20米，每個小孩儘管多小心都倒了水出來，不能滿滿的1000ml完整送出，你/妳認為為什麼呢？

1) 本身不平的草地，大人行路都會唔穩，小孩本身愛跳跳紮，唔跌低已經好好 XD 除非好似非洲d小孩，從小訓練有數。
2) 一個小孩拿1L水，再加上大碗既重量，如果小孩年紀小可能比較難。
3) 又有其他9個小朋友，可能有咗比較，想快一d到終點就越行越快，水又倒咁d。
4) 或者小朋友根本唔係太明點解要做呢個測試，口渴就飲咁d。XD
5) 如果日頭做呢個測試，太陽光令水面變得好閃; 夜晚做有睇唔清楚草地地面係點 =p

係，我知你講邊個！笑死禾。。。

我覺得因為小朋友掛住望隔離小朋友有冇倒瀉，冇望自己個碗，所以倒瀉了自己嗰碗。

數字兄講得非常好，好有見地！但唔知dargon兄個答案係咪咁呢？

唔想諗

Sam 兄有什麼體會?

未思考完已看到你的回覆，非常認同你的諗法！

係嘅，都可以咁講，好似今日咁，兩個都在家，我瞓醒就食早餐，做家務，而佢，又係打機打機再打機。今晚搵下有咩節目先，又或哮好似師姐講，其實佢陪緊我可惜我一點都不覺得他用心陪，所以我都會去學好多嘢，或去教人嘢，充實下自己