我總認為,識煮野食,無論咩時候,都係最吸引之一.
我係好鐘意返屋企食飯,有湯飲果種人.
呢樣野會有俾我返到家既感覺.

Yes。Give me five!

*第7段，小夫妻*

MS LI: 要唔要我同妳私人補補佢追返?
我: 好啊~~~~ [ 我係真心開心的，因為數學唔學過，數式唔識就係唔識，好難自學，所以我係超開心的。 ]
***********************

經過生日，足球比賽，我扭到手同埋入院，我同MS LI既感情係慢慢建立起上黎。雖然我唔信佢會鐘意我，但佢對我真係好好，所以我對佢都產生好感，對JUNE既心思都有點轉左向MS LI度。
係我休養時，MS LI會放學就黎我度補習。果時我地感情好好，我都會準備好蛋撻或簡單既野食等佢黎，邊學邊食。係學習時，先有機會細心留意，MS LI好似搽左好淺色既口唇膏喎，靚左喎。佢會如常地出題目俾我做，死做爛做時佢就會閉目養神，講真，返完工仲要黎我度，始終係辛苦既。所以有時佢就會係SOFA度攤抖，我就係位度計數。記得有次我做完走埋去SOFA搵MS LI時，佢如常地瞓左，先醒起佢個位係對住冷氣機口，摸一摸隻手，有點凍啊，我就拎我件10年都唔洗1次既冷衫俾佢，當蓋好之後，MS LI就係唔開眼既情況下講野。
MS LI: 你唔係拎你果件我學期初就見你著，但好耐都唔洗既衫俾我下嘛? [ 我心諗咁都知?? ]
我: 邊有唔洗啊?有架............. [ 我死撐，而MS LI就用右手拎起衫既袖口位，果度有白色既液體。 ]
MS LI: 我好耐之前已經見你有呢撻塗改液既積架啦，你講你仲有洗?有洗又邊會係度?
我: 阿MS LI你觀察力真係好，哈哈............
MS LI: 算啦，男人都係咁既............. [ 她想起身，卻摸了摸額頭，就坐返下來了............ ]
我: MS LI你隻手好凍喎。 [ 我好自然去摸她的手，亦順勢去摸摸她額頭，一切都那麼自然。她沒有縮..... ]
MS LI: 死火，頭先可能攰得滯，吹親都唔知添。
我: MS LI，不如你抖抖，今晚等我服侍妳，煮餐飯妳食，妳坐下啦。[ 我知MS LI最近都辛苦的，所以我好自然的有個提議。 ]
MS LI: 你............? [ 她疑惑加好奇，可能佢唔知，其實我一個人住既，根本我就係自己煮自己食，加多個佢，其實唔係咩問題，咁當然，我唔係煮得好好食啦，食自己，好求其架喳。 ]
我: 係啊，妳坐係度等食啦。 [ 我叫她坐SOFA既另一邊，開了電視，執好了枱，拿了我看門口的感冒藥給她，跟住就去煮飯，再落街買野食了。咁佢係老師，佢一個人留係我屋企都好放心既。 ]
當晚，係我第一次煮野俾佢食，當煮好時，我見佢係SOFA再次瞓緊，就摸摸她額頭和手，手是有點凍，但感覺上不是發燒就放心得多了。我輕拍她叫醒她，她朦朧地半醒了。
我: 起身啦，食D野，再食藥，OK? [ 我拖著她的手沒有放，順勢拉起她，就走去餐桌上。 ]
我: 嗱，妳唔舒服啊。食住呢D先啦，我都係食呢D架唔舒服時。 [ 我煮了粥，加了咸蛋，瘦肉，知道很清淡，所以落街買了叉燒和紅腸，哈哈，呢個係我最鐘意既配搭，煮了些菜，就一餐了。 ]
MS LI: 嘩，唔係得個講字架喎，真係識煮野食架?
我: 我其實好多時都係一個人架喳MS LI，你可以多D黎陪我食架，HAHA............ [ 我在講笑。她卻............. ]
MS LI: 又好喎，其實近排同你補完習我都係自己一個人食喳。 [ 她卻認真..........但我忽然地開心。 ]
我: 妳快D食左先講啦。 [ 我地好開心咁食，果時既我，係諗到咩就講........... ]
我: MS LI我地似唔似兩公婆妳放工我煮飯食啊，哈哈............ [ 果刻真係好似架 ]
MS LI:一餐飯，唔係，係一餐粥就俾你諗到咁多野，仲要係我做野你煮野，咁你咪好著數?食軟飯啊你~~~~
我: 唔係唔係，最多都係軟粥遮。咁D粥綿唔綿啊?哈哈~~~~ [ 我地一齊笑，其實果餐真係幾有小夫妻feel架喎 ]

…… TO BE CONTINUE ……

小小曖昧既感覺好甜~

Yes 識煮飯好的女人我最喜歡

係喎, 忘了, 你要煮咩呀, 近呢年有好多新菜呀, 你可以PM我吖:smile_o06:

你有工人姐姐, 都唔洗煮啦

你有咩好介紹可以介紹俾我呢！
唔好太難喎！ :

你派呀，多謝先喎

又甜又那些年feel好正