她能繼續天天笑，係因為有你

Yes. 想使就使，仲有時間陪家人，非常平衡。

我沒有子女，放了工就陪妻子。

原來師兄家學淵源，怪不得連miss都俾你電到。

非也非也。天天笑，也不是每分鐘也笑。

妻子的笑容是很重要的。如果愛笑的她一整天也沒有笑容，我就有災難…

其實我覺得女人不開心的時候，不會有冧的感覺。抱著她的好處，就是她轉過臉就找到我的胸膛，要哭就很方便嘛。

只願她天天笑。

開心時諗返起就覺得好冧 ^^

支持師兄

係,我都覺,其實我覺得西裝係著得男人好型,又MAN既.但一向熟我既人都知我唔會著西裝.
記得有次著修身冷衫加外套,工人姐姐會講,SIR,乜你今日咁SEXY既?佢真係咁講.我望住我太太在笑,下,SEXY咩?
我太太講,係好似貼身左D既.
又有一次著西裝時,我個工人姐姐同我講:SIR,我黎左咁耐,第一次見你裝西裝,今晚好緊要的約會嗎?
我答係,去見客.
我心想,其實唔係......只係約左太太去食餐好既,HAHA.............

*第五段，足球比賽*

***********************

呢個係班際6人足球，要踢得好才可以選入校隊參加校際的。我相信師兄們讀書時都有做運動，我估呢度點都有波友掛，哈哈。如果入到校隊，係好開心既事黎既。我地呢d比賽，未入到決賽或4強，其實無咩人黎睇既，但今次就好唔同了，可能係生日講過而大家亦好認真，好記得係比賽當日，好多女同學都有黎。包括阿JUNE同suki。講真，我係開心既。而阿強好抵死係開波前同我講。
死仔強: 嘩，成個後宮都係度，你加油啊~~~~ ( 有我喜歡的阿JUNE，有喜歡我的suki。就係欠缺了MS LI，唔通佢忙唔黎? ]
我: 你食屎啦~~~~ [ 我講笑推開佢而繼續熱身。而係呢個時候suki走左埋黎。 ]
suki: 聽講MS LI鐘意你啊?你知道嘛?
我: 我聽過，但你咪聽阿強個死仔講啦，佢乜都講得一餐。 [ 我唔鐘意扮傻，知道既事情我會講。但未肯定既我亦唔想亂認 ]
suki: 但你知女仔既感覺係好準嘛? [ suki少有地主動去講呢d。 ]
我: 我知。
suki: 咁你知我諗咩嘛?
我: 哈哈，妳指邊方面先?
suki: 我斯文，我怕羞，但唔等如我唔會爭取，你知道嘛?
我: 妳既意思係............. [ 我怕拒絕..............所以更接唔上點講 ]
suki: 哈哈，都係唔講呢d，你專心應付左比賽先啦。 [ suki回場邊，在旁等她的，是一直追緊她的阿jon。他陪她來看我比賽，當然，他亦是我下一場的對手........如果我贏左今場波，HAHA ]
正當比賽就開始之際，MS LI來了，現場有點起哄，一來因為很少老師會來看球賽，二來就是各人傳我和老師的感情就好像更被描寫得更實在了。而MS LI亦走到場邊，我會意亦趕緊跑過去。
MS LI: 我第一次睇比賽喳喎，俾心機啊。
我: 知道MS LI，我會盡力的。
MS LI: 我黎睇你踢足球，你要入波喎，得唔得先?
我: 下，MS LI，真係唔得喎.........
MS LI: 有無搞錯啊，波都未踢就話唔得?
我: 我個位係守籠，好難入波喎，唔俾人入就得，哈哈。 [ 她知道我在整古佢，輕拍了我一下。]

係，我係守門員，可能因為性格，不如等我講少少，我係睇足球小將大既，好多人都鐘意唔係戴志偉就係小志強，我呢?我係鐘意林源三既，即守門員果位。可能性格啦，我唔係唔識踢而守籠門，而係我覺得全場唯一可以用手之外，其實位置上最重要卻有點被忽視的，就是守門員。我唔鐘意做焦點，我唔會做前峰，但我知落場踢波，只要你唔失球，雖然未贏但已經立不敗之地，同我班朋友踢波，我願意守最後一環，就係因為咁，咁多年以黎除左換人之外，我都係守門員居多。但唔識我既人，我會講，守門員，唔使郁嘛黎做籍口，而識我既，知道其實守籠，差不多可以叫最易受傷既一個，因為我地係踢街場，唔係草地，係石屎地啊.......

而呢場波其實係無得踢既，點解咁講，因為我地抽籤時抽到隊全校最勁既做對手，即佢6個人本身都係校隊，仲係正選黎，連後備都係校隊，當踢校際11人時就係呢班人咁你話有無得踢架。而如果你問我，有女仔係度係唔係唔同d，我原先都唔知，但其實有好大好大分別架。因為當每次攻門時，出界，擋出，接實，其實d女仔係有理無理都哎定先，仲要係超級大聲，我地男仔覺得好普通既一球波，都會俾佢地既尖叫而影響，成場波原本一面倒既都變得好有氣氛。因為對方只係當普通比賽，無乜人黎睇，而我地就成班女仔黎晒，所以勁嘈。亦可能因為有女仔係度，連同我都比平時表現得更得心應手。因為真係實在太耐既事，我只簡單記得我擋其中一次單刀時同對方直接碰撞起來，成班女仔都起哄，我被踢中受傷了。當然守得籠門就預左。我好記得班女生係度哎時，
suki: 有無事呀? [ 她在大哎，我見JUNE和MS LI也緊張起來 ]
jon: 唔係掛，撞下就起唔到身? [ 聽到呢句真係火火地，而呢個時候對方亦伸手拉我起身，我就當然立即起身，比賽就繼續。 ]
為免悶親大家，等我快跳呢一PART，我好記得，踢完上下半場後，我地雙方打成0比0，要進入加時。果時其實都幾晏，如果踢埋加時，差不多7點幾，阿JUNE因怕夜，就同YEN先走了。而suki亦係乖乖女，佢亦唔可以留得耐，所以阿jon提議送佢走。而最後剩下的，就只有MS LI。那時候我沒多少心情理會，只係同大家埋頭地討論對策。奇蹟沒有多少回，加時完左我地仍打成平手，最後輸左互射12碼。雖然我地係第一場就輸左，但我覺得其實我地算係最接近冠軍的了，因為我好記得對方接住落黎既所有比賽，都好清脆地贏對方唔止一球下進級而最後取得冠軍的。
其實果晚賽後雖然輸左，但又無唔開心。而我除左腳之外，就連手係擋球時都扭傷了，我就打算去睇鐵打，果時MS LI知道就主動陪我去。果刻，我係莫名地開心的。

……TO BE 下一回……

我同之前無分別。係呢！你仲有無整嘢食呢？