真係慘條女係到唔可以好放咁打哂個過程出黎好屌引

interesting !

keep support

唔好意思，咁多位。請相信小弟絕對唔係想吊大家引，事實上我自己成日都心思思想快d update,完成晒個故事。奈何同另一半一齊真係抽唔到身，我宜家都係商場廁所打2句以表心跡。

希望大家見諒，一抽到時間必定第一時間update。

樓主. 期待你寫完故事. 加油

忐忑

如果大家係由第一章開始睇我呢段經歷，應該知道我此行目的係為咗散心，為咗避世。所以由頭到尾都真係無諗過黎「玩」。老實講，如果係一開始諗住玩，黎溝女，就日日都留喺巿中心入面，而唔會花咁多日喺山上。但世事就係咁奇怪，無諗過唔代表唔會發生，無諗過都唔代表唔會諗。Mandy同Anna呢一日既出現，就好比一滴水滴咗落一個平靜既湖面上，一滴水足以令我心入面泛起一圈圈既漣渏。而究竟呢一圈圈既漣渏會唔會演化成波瀾壯闊既巨浪，呢一刻實在係未知之數。

Mandy同Anna走咗之後，我一個人呆咗咁訓喺張床上面，沉醉喺頭先疑幻似真既30分鐘入面。我都唔知過咗幾耐，突然一道冷風吹過，將我從冥想之中吹醒過來。抬頭一睇鐘，已經7點過D，此時距離2女離開已經過咗大概20分鐘。

之後正當我想起身返房沖涼換衫之際，又聽到一班人吵吵鬧鬧既聲音，不遠處見到Mandy佢地班人走過，估計應該係出去食飯。當時我無帶眼鏡，再加上心理作用，亦可能係自作多情，硬係覺得Mandy有向我呢個方向望過黎，以視線找尋我。

之後我返房沖涼換衫，浴室出黎之後突然諗起wechat，即刻拎起部電話，見到有一個朋友邀請，唔駛多講，就係Mandy。當下即刻心花怒放，有一種久違既戀愛感覺。有追過人或俾人追過既各位師兄師姐都知道，戀愛成個過程就係曖昩階段既時候，大家知道對方有意但又未明朗表白，估估下嗰種心情真係難以言喻。

我二話不說就接受呢位朋友邀請，向對方發出簡單一句Hi。之後期待對方既回覆。

過咗一陣，Mandy回覆，佢話我知佢地喺附近一間餐廳食飯，食完飯會係附近行下，無咁快會返，佢叫我JOIN佢地，唔好一個人咁孤單。

如果只係得佢一個人，或者加埋Anna既話，我都可能會去。但係佢地成班人都係度，我實在感覺有D尷尬，況且我唔想應酬，所以我就推咗。

Mandy:那我回去再給你發短訊吧。

我心諗，你行完返到黎都咁夜，仲揾我？莫非今晚有著落？



待續

[ 本帖最後由 king_danielii 於 2016-1-19 09:07 AM 編輯 ]

師兄，你就好啦。
支持，記得寫埋落去⋯

再顶，唔比佢沉

哈哈，多謝師兄幫我頂。

今晚要餵妻，應該聽日先update到。聽日返到公司開完會就全力寫文。

雖然係斬件式咁寫，但見師兄好努力咁寫。抵贊。有時就update la. 唔好要我地等咁耐。

繼續努力啦。