人夫人妻日誌#5----回到過去的最初，求學篇( UPDATE 2/2/2016,詳細在post 1 P.1,1,2,5,10,16,20,47,63,63,87,97,111,119,152)

今次由小弟我開POST，放心，呢個POST我會一如以往，唔多係度，歡迎大家自出自入，鐘意既留個言，唔鐘意既……咪唔留囉，OH，其實我都唔知啦，係咪?哈哈。
溫馨提示:本日誌無咸野，而且長氣，仲要無靚仔，係呢篇野既特點，大家想睇正妹正野真係要第一時間拿拿聲click走離開嘞，呢度唔會有男既7吋長女既36d大架。
這是一篇我翻新了的舊post。希望唔怕悶既師兄師妹鐘意。另外，見有師兄講好怕字海，所以我今次將內容作了細分段，等大家睇得舒服D。

*第一段，Hi，老師您好*

她在說，我在聽，她忽然說得很細聲，細得根本聽不見，我很自然的探頭去問……
我:什麼？
她:沒什麼……【她向我迎來，我沒有閃，可以說不懂閃，亦想不到要閃，因為她在吻我。那是多麽的溫柔，接下來她再說.......】
她:真的.......沒什麼了[我有點茫然，因為真的不知所措，然後她走了.......關了那一扇門，關了那不應開啟的心，離開了我的家，同時也離開了學校。她不是別人，她是MS LI.........我的數學老師，那麼.......這算是沒有開始就結束的愛情嗎?我在問自己，算是嗎............??]
----時間回到，大約10個月前，那個我還在學習的時候，那些年----
唔知大家係唔係，我讀的學校，就算係同一班，都仲會分精英或普通班的，果時候，我數學方面就係被分到精英班。而其實我唔算矮的，點解咁講?因為我的數學老師......居然將我安排坐係第一個位，仲要係佢面前果個，其實我最初係有意見的，直到......我知坐我旁果位係邊個，就係成績好好既阿JUNE，而且果時佢都算係令我有好感又喜歡既女仔黎添，所以我坐咁前都無咩所謂。
其實我算百厭的，因為我會串老師，呢位數學老師都係，但當然，串還串，我都好有分寸的。但唔知係佢整古我定咩。我記得有次佢入黎課室，帶了一小壺香珠，聽她說，係因為班房LUNCH後都會有好大陣飯盒味唔好聞，所以會帶住上堂，而我坐第1個位，就會串佢。
我:都唔香既。
她:香架邊唔香，你聞多D就慣。
我:下，仲聞多D，唔係掛，我唔會買架喎。
她:放心，我有機會令你聞多D。[講完呢句，自此，每次落堂，我都要拎住佢所有未改好既課本返教員室.......而佢就仲會講]
她:聞多左，係唔係唔錯呢?
我:係係係，阿MS LI，真係好香，咁下次係唔係唔使拎啊?
她:梗唔得，既然你聞慣左就唔好停喇，我又唔使轉人添，好啦，以後都係你同我拎課本啦。
我:下，唔係掛。[講完，佢就好得戚的返入房了，自此我就成個書僮咁幫佢手了。]

………TO BE 下回………

[ 本帖最後由 dragonbone 於 2016-2-2 10:48 AM 編輯 ]

哈哈，師兄真係開鋪喎!
支持!!!!

Support,我遲啲都把我未完的故事繼續寫

3rd

應承了，所以當然會做。哈哈。

我有理由懷疑c兄係幾吸引嘅（死）靚仔一名Lor
Ms Li 都被你電到，咁June 呢？

:smile_o12:正吖

上次多咀叫師兄開POST, 大家又和議, 當然要入嚟踩下場啦:smile_30:
好耐無上嚟LU, 點都要支持下你:smile_o13:

*第二段，美人痣*

她:梗唔得，既然你聞慣左就唔好停喇，我又唔使轉人添，好啦，以後都係你同我拎課本啦。
我:下，唔係掛。[講完，佢就好得戚的返入房了，自此我就成個書僮咁幫佢手了。]
***********************
大家見過老師發惡未呢?應該有，咁喊呢?記得果日她如常地俾19幾題數黎計，成班人要落堂前做好，大家都死計難計，阿JUNE成績係好，但其實佢係有D讀死書既，佢又要做得完美，工整，所以算式寫得長，做既時間自然多，就會比較慢。MS LI其實係鍚佢既(個個老師都鐘意又乖又成績好既學生架啦)但MS LI果日唔知食錯咩野藥，見過左一半時間阿JUNE仲係做緊頭幾題，有可能趕唔切落堂前交，MS LI就鬧鬼佢慢，做唔切要留低做埋佢。阿JUNE聽完就眼紅紅，當然死命地做啦。大家唔好以為我會英雄救美，NO WAY，因為我都計到頭都大埋，所以我都一齊係度做係度計。但我就有安慰阿JUNE叫佢定D，同埋有D地方可以SKIP左佢做快D。如是者，整個班房都好靜，大家都在忙督計數機時，我就見到MS LI拎住本書眼紅紅，原來佢係度喊緊，咁我好正常地拎紙巾俾佢。
我:MS LI妳唔舒服啊?
她:多事。[講呢句既同時，佢接過我的紙巾，我亦快眼睇到，佢書中有幅相。佢亦留意我見到D野，佢就棟高本書，而我亦無多兩句就快快手拿拿聲計埋D數佢。]講真，計數，越亂，就越慢。果次去到落堂好多人都計唔晒，諗住要俾老師留低計埋佢，點知MS LI忽然180度轉變。
她:我知今次係比較難，既然大家都需要多D時間既，我就俾大家拎返屋企啦，但聽日一定要交齊。阿DRAGON，你負責收齊呀下。
我:下，又係我?
她:你想留低定聽日先交??[我感到做唔切既人有一股殺氣係我背後傳來之餘，仲見到阿JUNE既求救眼神，我當然識點做啦]
我:啊，放心無問題，聽日一定同妳收齊佢架MS LI。
隨住落堂聲響，我如常做書僮陪MS LI返教員室。行緊既時候，我就快快口講。
我:老師妳失戀呀?
她:唔關你事，你啊，唔好同人講我喊啊，知道嘛?[再蠢我都知咩事啦]
我:點止，失戀都唔講添啊。老師咁好都走寶喎~~~~[MS LI終於有番少少笑容轉身望住我]
她:請問點好呢?
我:嘩，見到我地做唔切可以唔使留低而聽日交埋，好到不得了啦，邊度搵喎。
她:亂講野。[她在笑，接過我呢位書僮的手上課本就回教員室了]
我回到班課時，亦係放學既時候，阿JUNE走黎多謝我。
J:好彩你識講話聽日收喳，我今日放學仲要趕住走去學琴啊。
我:乜說話，妳記得做好後聽日第一個俾我抄就得嘞。[係，就算我識做，都係鐘意抄架，哈哈]
J:一定。[JUNE好開心咁走。咁我都開心既，而呢個時候阿強就走埋黎<佢真係叫阿強>]
強:叻仔喎，同一時間MS LI同阿JUNE都俾你氹掂晒。[阿強，典型損友，但一世人，總有幾件口沒遮爛既賤精先得既~~]
我:唔係掛，咁都算?
強:你咪以為我睇唔到先得架，你遞完紙巾俾MISS LI，佢心情即刻好番好多添啊，今日有得走(準時放學)，都係多得你喳。
我:係嘛係嘛?你食屎啦。[呢個時候就梗係哈哈笑一齊走。講真，阿強係賤佬，但佢留意到既野，係我忽略左既]
如果你問我，MS LI對我有好感，當時既我，真係唔覺，完全唔覺。直到接落黎發生既幾件事，我開始有一點點......在想了。

我唔知大家讀書時，生日同學會唔會送禮物俾你，又或男朋友仔，女朋友仔送禮物俾各位，但我估.......老師送禮物，應該點都較少見吧?而佢唔係同人夾份，而係佢真係走去買左一份送俾我。而我被人傳MS LI鐘意我，就係發生係我生日上開始。

----TO BE 下回----

我記得師兄講過係咩, 你仲有冇KEEP住呢份禮物呀?:smile_o06: