半年後,我同Amy 再次見面.自從封E-mail 後,喺呢半年內我哋完全冇聯絡過,更加唔好話見面,今次見面嘅原因係Farewell,因為Amy 決定同個女過澳洲開始新嘅生活(我亦喺呢個時候先知佢係澳洲公民).徐咗我同Amy,呢次聚會當然唔少得Monica(其實佢先係搞手).喺呢半年內,Monica 經常把Amy 近況講俾我聽,不過我都冇揾過Amy,真係激到佢紮紮跳.我係一個遵守規則嘅人,當然包括呢個[遊戲].
同第一次一樣,我哋約咗Dinner+Happy Hours,唔同嘅係Amy 唔似上次咁拘緊,我哋三個人一路食飯,一路談笑風生,飲吓食吓紅酒都開咗兩支.飲完食完後埋單走人,同上次一樣有兩個人仲有下場不過唔係我同Amy,係Amy 同Monica.佢哋約咗公司班同事唱K 同Amy Farewell.佢哋原本叫埋我去不過我推咗,―來我唔鐘意唱K,二來我覺得我唔應該喺咁多人識得我同Amy 嘅地方出現,免得有咩閒話出現(雖然Amy 唔介意).望住Amy 同Monica 兩個背影翹住手咁離我遠去,我有D 羨慕佢哋.由細到大中間冇見十幾年但友誼一直延續,我真係冇一個咁嘅朋友.
不過我已約咗Amy 喺佢返澳洲前再見面,咁我哋再見面會做乜大家都諗到啦.原本想打埋但真係好攰,再加上聽日又要返工唯有下次再打啦.
未完待續
