第14集
離開大廈之後,我愈諗愈覺得唔忿氣,阿楓有我呢個咁可愛的女友,點可以再搵其他女呢?仲要出錢出J請個淫婦食?唔得,我要去救佢!
當我行到正門,就見到阿楓剛剛搭電梯落黎,佢好驚訝咁望住我,咁我當然會扮傻啦,而且要惡人先告狀
「你又話要補習,做咩喺呢度?又唔覆WHATSAPP,算點呀?!」我走去佢面前,捉住佢手臂
「我….喺附近補完習…諗住搵野食之嘛…你又喺度?」
「我都係想搵野食囉…咁你陪我食飯啦…你好耐冇陪我喇…」明明想鬧佢,但開口就變左撒嬌,我真係冇用喇
食飯期間,我忍唔住狂呻自己有返學有幾辛苦,冇提過返工的事,佢依然好似平時咁,靜靜聽我講,但我總係feel到佢有d唔同,唔知係咪心理作用,我覺得佢唔係幾專心
「楓~你生日想點過呀?」
「有穎穎陪我食蛋糕就得喇! 你功課忙,就唔好傷神諗呢d」
「人地第一次陪你過生日…食蛋糕就得?」
佢微笑,「嗯」
果然唔係我多心,平時我用呢d語氣講野,佢會好開心咁捉住我手,跟住講幾句甜言蜜語哄我,絕對唔會「嗯」一聲hea我,唔通佢搵唔到Miley,所以唔開心?
講到呢度我都冇咩心機,就約左佢生日正日時,我帶蛋糕去佢屋企
之後我好快食完飯,就話要返屋企休息
<待續>
