永遠都食唔到o既女神-台妹coco
每個男人都會有一世都冇可能食到o既女神,我當然亦都有,但呢種女人,反而會令男人記一
世,因為得唔到,所以先會係淒美,完美。
冇錯,男人就係咁犯賤o既動物。
放假無聊,又唔想去飲酒,唯有上下討論區,係交友區就見到有一個標題:我係女,自問樣唔差
,上圍34D,招後備情人,有玩過討講區o既巴打就會知,呢一類標題其實一出唔洗一個鐘就會
瞬間被狗公們洗版同爆pm,然後當時亦成為為狗公之一,pm左佢。
當然其實心裡面都有個底,就係知道冇乜機,因為實大把人add佢,我pm左佢介紹下自己然後
就留左自己msn。
但估唔到o既係過左幾個鐘有一個女仔加左我msn,就係佢-coco。
我開始同佢msn傾計,問佢點解會想搵後備情人,佢答我只係因為悶,佢同我講佢呀爸係台灣
人,而呀媽係香港人,所以佢算係半個台妹,而佢男友係台灣,黎到香港陪佢媽咪覺得悶咪搵
個人陪下,傾熟左send左張相俾我,我好期待呢一位半台妹自稱有34D仲要樣唔差
到底係點?
果然係好正,張相o既佢著件一位白色小背心,露左好長o既事業線,加上長長o既秀髮,真
係好有女神feel,搞到我個心卜卜跳。
識耐左,coco經常會send一d夾胸o既噴血相俾我,話係俾我用黎打飛機。
唔經唔覺我地識左一個幾月,每日都會keep住傾計,但其實我約過佢好多次,佢都唔肯出黎,
我覺得煲女神可能真係要耐d時間,所以我都好肯花心機係佢身上。
我仲記得有一晚好夜,佢打俾我問我借錢,我當時即刻諗,唔通我墮入左騙局?
但我都唔理三七廿一,落去銀行過數借左1000蚊俾佢,識左一排,都算係朋友,如果係呃都冇
辦法,當買個教訓。
過左幾日,佢打俾我,約我出黎,話順便還番果1000蚊俾我,其實我預左佢唔會還,點知佢會約
我出黎見,我都好意外。
我第一眼見到coco係嘩左一聲,佢著左條碎花連身裙,仲要係低胸果隻,將佢對
34d完全表露無遺,雖然我見過唔小靚女,但靚到好似佢咁有氣質,又真係第一次接觸。
我同coco行去餐廳食飯,沿途已經見到有好多麻甩佬不停咁望佢,我果陣好有優越感,因為其他男
人都對我投向妒忌o既眼光。
一坐低coco就還番d錢比我,仲同我講唔該,我冇問過佢問我借錢o既原因,佢話佢就係欣賞我呢一點,夠傻。
而我當然係不停咁樣視姦coco,成個腦都係度幻想緊如果食到佢,會有幾爽。
食食下飯,突然間一個電話,佢同我講要走先,仲要係好急果種,
我o既心情即時由天堂去左地獄,因為我仲諗住食完飯會有下場...
就係咁,我戇居居咁番左屋企.等佢打番俾我,而電話一直都冇響到,
直到我訓著左,突然間電話響,我望一望個鐘,係凌晨五點幾...
coco終於打俾我了,但當我仲未開心完之際,佢同我講,佢係已經係機場準備番台灣...
我:「點解」?
coco:「可唔可以唔好問原因」。
我:「你知唔知我會好唔捨得你」...
coco:「咁係因為你未食到我姐,咸濕仔」。
我沉默左一陣,內心有種撕裂o既感覺。冇錯,因為我已經對佢有左感情。
coco:「如果一年後我地仲記得大家,我會搵你」
當然一年後,佢冇打過俾我,因為時間永遠都係殘酷,佢會將人o既記憶沖淡再沖淡,直至煙消
魂散。
有好多人,注定會係你生命中突然出現,然後又衝衝咁消失,中間會擦出一D火花,當你陶醉沉溺時,佢已經靜俏俏地流
走,冇人會知別離時限,如期苦心猜度將來,我選擇享受呢一刻。
[ 本帖最後由 CLOUD雲 於 2015-9-23 01:03 AM 編輯 ]
