見到佢訓左，我就想扶好佢訓落床訓好
不過佢好鬼重，我又醉醉地，整郁佢訓落床都好吃力
好難先推到佢訓落床，我係要用我自己成個人既重量先整得郁佢
我邊推邊成個人壓向佢身先令佢訓低
佢訓低左之後，我扒在佢身上回一回氣先再起身
當我想起身既時候，佢一手攬住我
叫住阿儀唔好走，今晚留下來陪我啦
阿儀係佢以前條女個名，大概佢醉了諗返起之前既野
我比佢攬左陣等佢再訓著時，又想起身行開
今次佢攬得我更實更緊，仲係咁講阿儀唔好走，我好唔捨得你
果刻我先知原來佢同我一樣仲掛住以前果個
原來佢醉左先肯流露真實情感，點解平時只有我分享唔開心，佢就一句都無提過
佢只會一直講笑令我開心，但原來佢自己係好唔開心
最後我決定比佢攬住訓，希望佢有人攬住可以好好訓一覺啦
