今日要好好努力

Morning all,又要開始捱五日

早晨！有乜野玩

如果有日你心義的女仔主動約你食飯同知你唔開心陪你，我想你一定會好開心。但如果你知道自己會同這個女仔越走越遠，你還會開心嗎？而你又會怎樣選擇呢？去定唔去？

那刻MISS G企左係我隔離問我的成績。雖然我地係由班主任派成績單，但並唔係係班房取而係教員室取的。我都不知如何講佢知，所以我做左個好型的動作，就係整張接埋俾佢自己睇。我傷心同失落的心情圍繞著我，所以並無看到MISS G的面部表情。間期她沒有說過一句話，不知過了多久，她講左句一齊食LUNCH。這時我覺得這句說話真係勝過萬語千言，就好似插入左，即射，但個女仔沒有怪你，沒有講不好聽說話你聽，只係捉著你的手，望著你，同你講，休息一陣再來一樣，那種WARM係非常窩心。

那天的LUNCH唔止得MISS G同我，仲有人妻MISS，同另幾位阿SIR。全枱只有我一位學生。他們都同平常一樣有講有笑，但我又怎會笑得出呢！好不容易食完LUNCH，MISS G好好人，她不收我錢，但我堅持，當然她敵不過我收下。她問我跟住會去邊到？我的心當時仍然很亂根本就無想過會去那兒，我只係隨口同佢講去大澳。誰不知她竟然話”我陪你”。MISS G你講笑嗎？我只係隨口講，大澳好遠架。當時大嶼山係要撘船先可以入去，連新機場都未，仲要係得慢船，而入到再轉去大澳又要一個鐘以上的車程，所以係好遠。以今日路程約係係香港紅磡坐火車到羅湖再轉和諧號到樟木頭一樣。

老實說，那刻我只係想好好咁靜靜諗下我跟住要點做，並無其他諗法。我一口拒絕左MISS G好意，而且仲沖口而出講左句可能好HURT佢的說話”你唔好咁煩喇，你仲煩過我阿媽”。不知這句說話是否傷了她的心，她同我講”咁好喇，小心啲”。我倆就向左走，向右走。

我真的入了大澳，找到一個海邊，坐在石駁上，喝著啤酒，想著以後會點？我同MISS G仲有無可能一齊？MISS G會唔會同一個中學生拍拖？其他人會點睇我地？佢仲要去另一間學校教書，同學生拍拖攪師生戀，姐弟戀對佢有無影響？可能大家會認為我諗咁多仲咩，又唔係我決定一切。係，仲根本唔到我決定，我這個人係會諗好多關聯問題俾自己去諗，所有時會令自己諗得太多，做成腦暴走出現。坐著，想著，看著日落，我寫了一封不會寄出的信給MISS G。這封信都今日我仲有KEEP住。

今日寫這編文時諗，如果那日我真的同MISS G一齊入大澳，睇住日落，會唔會把持不住同她錫起來呢？而我倆會不會有更引人入性的事發生呢？

放榜完，下回"那些年"

哈，努力呀！

都係飲酒，飲酒同飲酒。

期待下一回

嘩，都好耐世紀下囉，果陣既大澳～～

不過你咁同miss 講野係你唔岩呀

今日若果睇返末寄的信，感覺會好唔同，有回憶總好過白活一生。

謝分享