這幾天小田和正"突然而來的愛情故事"不繼係腦內響起，仲要不自覺地唱。
"東京愛的故事"講一個5 角戀故事，關我同MISS G什麼事呢？
我不是元治，更不會是三上，她也不是莉香，里美同尚子。
點解重溫時會想起MISS G？因為這是我送給她的禮物，是第一份，亦是唯一的一份禮物。
可能你地會覺得一份三盒䤸影帶做禮物？有無攪錯呀，咁無誠意，份禮物咁HEA。
如果我送其他禮物，基於身份上問題，我相信佢係唔會收。我亦相信一份好的禮物係在乎誠意同心思。

聖誕假期，除左返去攞筆記外，仲有一日唔記得咩事返去搵MISS G。
當日入到教員室，除左MISS G外仲有人妻MISS係到（好彩無個隻鑽地鼠）。
那段日子柴門文的漫話好紅，好多都改編成日劇。而這些日劇係香港都好紅，由愛情白皮書，同班同學，當然唔少得東京愛的故事。
那年聖誕，亞視重播東京愛的故事。我同人妻MISS 講邊開，原來佢都有睇，討論劇情。
MISS G只係睇過愛情白皮書，無睇東京愛的故事。聽到我同人妻MISS講到好好聽，佢又想睇，但已播左幾集唔知開頭係點。

這套劇我唔係第一次睇，第一次睇完好正。到知道佢會重播時就決定錄起重溫，（讀書又唔見會重溫）仲要係飛晒廣告那種。

聽到MISS G想睇就同佢講我有錄起。佢好開心咁話可唔可以COPY一套俾佢，我諗都唔諗就答應左。
但問題跟住出現，唔係我無錄，而係我何來兩部錄影機呢？錄影機唔係咩貴價東西，但一個屋企係唔會有兩部同一時間存在。做多一部COPY就係用到兩部機先可以。咁去邊班多部呢？（真係做功課唔見咁勤力）為有四出問親朋戚友睇下借唔借到喇。好好竹彩地有人玩機，多左部唔要，就同佢借用。

好不容易等到13集完結。立即就買錄影帶開工。那時係會試過，睇埋聲畫質素，不斷TUNE ，TUNE到好為止先過。這個動作反反覆覆做左好多次，真係誠意之作。

完成左送到MISS G手已過左聖誕，變左做元旦新年禮物。
佢收到好開心，仲話要返去即刻睇。個刻唔止佢開心，我仲開心！
之後我地有討論過入邊的內容，估唔到係佢都係討厭里美。

點解我知？因為我同MISS G有段時間係每晚都會講電話，而且唔係一，兩句說話，而係一，兩個鐘那種，有如情侶般有講不完的話題。

後記： 人妻MISS 知我有兩部錄影機後就請我幫佢過佢餅結婚錄影帶。我都認承左佢，因為唔係佢，我都唔會送到份禮物俾MISS G

[ 本帖最後由 chris@hk 於 2015-8-7 11:41 AM 編輯 ]

伊健版 － 廿世紀戀人們 https://www.youtube.com/watch?v=-HIAEkVvMkc

小田和正版 － 突然而來的愛情故事 https://www.youtube.com/watch?v=uvWJ1-_IC30

[ 本帖最後由 chris@hk 於 2015-8-7 11:37 AM 編輯 ]

爸爸yoyoyo

專心d啦你

就斷氣喇

我鍾意戀愛世紀＆悠長假期

咁HI？

我鐘意悠長假期多啲。
鐘意幾位配角。
主題曲LA LA LA Love Song又係超正。

淫工呼吸