之後大家都解決晒後，A走埋入黎，你眼望我眼，我倆都諗住今晚食白果架喇，冇比啲泰拳打死都偷笑⋯點知B同C又一齊入埋黎，噢！唔好火上加油啦，出面嗰三隻Tony Cha著緊火架喇。出奇地B問我地點喔，係咪繼續玩，我心諗七點鐘都黎，唔通帶你去食叉燒包咩⋯咁當然出於禮貌地我都問一問佢外面三位朋友如何啦，點知B就叫我地唔洗理佢地，佢地繼續訓，於是我地就膽粗粗開門落返lobby啦。
如是者問題都係要解決，我地四個去邊到“玩”呢？於是我就同B講，去邊玩都得，但係我見光死架，不如我地去一個有得遮掩既地方丫。B竟然同我講“唔怪得你咁白啦，我都估到架喇” Holy sh...佢咁都相信？！既然係咁，維港就唔喇，去維記啦。
