上次講到M小姐約我同佢慶祝生日.
未慶祝生日前我地都有約會過2次, 都係食飯, 未有進一步發展, 最多都係醒過Goodbye Kiss咁囉.
7月2日係M小姐生日 (我當然請左假), 事前無同佢講去邊, 只係話想浪浪漫漫咁過一日. 中午去接佢, 今日佢著左連身黑色短裙+小手袋, 化了個淡妝, 少女Look.
M小姐一上車就問:
M:[我地今日去邊到浪漫呀, 我好緊張呀!!!]
我:[去到你咪知囉, 希望唔會令你失望啦]
M:[你唔好咁神秘啦, 搞到我仲緊張左呀]
我都無理佢, 繼續吹下其他水.
第一站目的地到了 [中港城], 然後拖住佢去櫃位買船飛, 跟住同佢講:
我:[帶你去澳門食野呀]
M:[你講真架? 我咩都無準備喎!!!]
我:[我地唔係去澳洲, 要有咩準備呢? 即日來回, 仲趕得到返屋企睇武眉娘]
M:[咁又係]
好快去到澳門, 下午時段都係果D野, 飮飲食食, 無咩特別, 唔講啦….
有樣野要講, 去到澳門就梗係玩兩手, 去左威尼斯玩下老虎機(輸梗), 之後帶佢玩百家樂, 攞2000出黎玩, 我自已幾佰幾佰玩, 都輸左500, 最後問下M小姐呢鋪買咩好, 玩埋呢鋪走架啦.
M:[買藍色, 藍色多D出過]
我:[哦, 即係買閒啦]
M:[總之係藍色啦]
我:[OK OK, 聽晒你話]
我將餘下1500買左藍色, 結果, 閒開先 公仔+8, 再黎, 莊開, 3+2.
我:[咁都比你撞中, 今晚宵夜有著落啦]
我:[咁你幫我攞D錢啦]
M:[好呀] 佢攞完之後就話
M:[今晚本宮請食宵夜, 人黎, 起架]
我:[行啦, 比人聽到, 笑鬼死, 你武得顛上身呀]
就係咁, 本來諗住返香港, 點知仲有下文…..
待續……
