第二朝好難先起到身，一來有啲hangover, 二來黎m 唔多舒服。不過既然答應得maggi ，點都要去嘅。由於一定唔會落水，泳衣都無帶，就咁背心短褲上陣。果日真係好曬好熱，要搽足防曬先得。
去到碼頭佢地已經到齊，原來 fred book 咗架好新好靚嘅船，有別於一般平時遊船河 book 到果種船，而係似富豪用黎傾生意果種船。Fred 話佢問個friend 借嘅。咁大個女第一次上依啲豪華遊艇，當然四圍參觀。隻艇有3層，最頂層有部份無蓋，可以曬太陽，另外有枱有凳。中間果層有水 bar 位，有間房有電視同埋幾靚嘅大枱。而最底層仲犀利，有間好似酒店房嘅地方，裡面有埋浴室，玩到攰可以瞓番覺！
開頭佢地三個男人喺度傾正經野，我就同 maggi 傾偈解悶。原來 maggi 話佢嘅人工以祕書黎講算係好高，佢都預咗唔係淨係喺 office 做文件野咁簡單，就好似今次出 trip ，k 有吩咐 maggi 要識得招呼陳總，又要佢帶套性感泳衣黎遊船河。我同佢講 k 份人好狼死，要小心啲，問佢有無底線。佢話佢之前係佢果面嘅 KTV 做過 part time，咸濕客見唔少，自己識得應付。我心諗， fred 之前都係俾份普通祕書人工我咋喎，咪又係咁玩我。不過宜家我只係當普通朋友咁見佢，無壓力嘅。
過咗陣 k 過黎叫我地換泳衣去陪佢地吹水， maggi 即刻去咗换。我就同佢地講我唔舒服，所以無帶泳衣，同埋想落下層間房休息。佢地好失望，不過都知無得勉強我，就話下次一定要再同佢地玩過。我落去下層見到 maggi 换咗套少布到不得了嘅泳衣，不過我都無心機理咁多，入咗房瞓覺，一瞓就瞓到落船佢地先叫我起身。上咗岸我同fred 講今日真係好唔舒服，可能因為琴日飲咗酒今日又吹親，所以要走先。 fred 就話有機會再約。
我知有啲師兄好擔心我，但係我直覺話我知 fred 未必係咁差嘅人。同埋其實我未必係你地心目中咁乖，以前 exchange 都試過少少曳曳，有時間就寫出黎啦，不過都要睇下多唔多人想聽先寫，費事悶親你地。
黎緊我會去旅行，去邊度唔講住，免得有師兄師姐認出。希望有豔遇啦！
