引用:
原帖由 bbl0930 於 2015-7-7 03:04 AM 發表 
男人係好自私，由一開頭想個女仔成為你既，係你想先。
想個女仔識第個男仔，亦都係你想先。
有冇諗過個女仔想要既可能就只係你...
樓主，我未必知道故事係點，但男人想個女仔成為自己既只係出於佢既好奇，佢既獸性，即係佢覺得爭贏左好威果種。但當佢開始對你有感覺，佢會覺得想你好，不論你已經有另一半定單身，佢會想你比較下唔同既人，因為佢自知自己唔可能同你長久。
一段唔見得光既關係最怕就係愛得太明顯，男人從來都唔迫得。我同人夫既經歷同你有d 似，當我迫得佢太緊時佢決定避開我，但呢年佢仍會斷斷續續咁同我聯絡，最後我決定將我對佢既掛念降低，佢亦開始接受我既熱情，或者係相信我唔會傷害佢，或者佢都對我有感覺。
我都有好似樓主咁寫左個關於我同佢既故事，不過我只係私下俾佢睇，佢好感動，希望樓主會有個適合你既劇情發展落去啦，哈，我太長氣啦。
