半年前…….
應老友龍gor之請, 我跟佢去咗一個K歌party, 去幫佢招呼一班老細. 龍gor做咩生意就唔講啦, 但呢班老細有個共通點: 都係失婚貴婦.
龍gor睇到既係賺錢機會, 我睇到既係一班餓咗甚耐既中女….
雖然我除咗句 ‘sa 冷hea’ 外唔識半句韓文, 我都頂硬上亂Q咁來唱哂成首江南style…同時載歌載舞….
直到班貴婦個個都high哂, 跟住一齊跳嗰陣….
我覺得呢個社會無人比我同龍gor更適合做鴨矣 …..
之後坐低跟其中一位貴婦say個hi, 因為佢係成間房最索嗰個. 瓜子臉, 眼大大, 櫻桃小嘴 , 頭髮長而微曲, 身上著既深藍色緊身one piece 加白色薄薄既外套顯出佢火辣身材, 佢既女人味係1822既青春少女無法比拟, 因為臉上微微帶著風霜, 顯出佢係一個有故事既女人. 正當我用普通話介紹自己時, 佢卻用近乎純正既廣東話答我: 你好, 我叫小霞.
我: 你D廣東話好正喎, 廣東人?
小霞: 我係四川人, 來咗深圳十年左右. 你d韓文幾叻呀, 肯定係以前溝韓妹時學既.
聽佢咁講, 我立即林峯mode on: 區區韓文算得啲咩? 細佬我上知天文, 下知地理, 文武雙全, 出得廳堂, 入得廚房……..上得大床.
小霞: 咁勁? 唔好作大喎.
我: 唔信? 你求其搵樣野考下我.
小霞諗咗一陣: 你話你文武雙全嘛, 即係學過武術啦? 同我過兩招.
算我見識少, 唱K飲野玩講手我真係第一次….
我:…..呀…...吓???
小霞: 驚呀?
我: 你要明白, 我係個知書識禮既人. 跟女人, 我只在床上過招……
當我仲傻下傻下咁想撩佢既時候, 佢突然瞬雷不及掩耳用力打咗我塊面一把!
我:………………….!!!!!
小霞笑住咁講: 咩你反應咁慢架? 話咗你吹水啦.
初初仲以為係自己講野過咗火, 但聽佢咁講, 自己臉上登時顯露出半分殺氣.
(你老闆呀, 我來幫朋友應酬分文不收. 仲要俾你打???)
卻睇到龍gor 用佢凌厲既眼神望住我: (兄弟, 同我冷靜, 陣間宵夜沖涼dup骨直落我既….)
強忍怒氣, 同小霞講: 佩服佩服, 第日再上你屋企向你請教.
小霞: 咩第日呀? 輸咗即刻同我飲啦!
太過份了, 再唔回禮我對唔住全香港700 萬同胞!!!
一口氣乾咗成杯酒, 大聲同佢講: 繼續啊, 想玩咩?
小霞: 你輸咗, 你話事啊!
我: 算你識規距! 玩15 20!
小霞: 好!
之後我同佢就在K房係咁玩係咁飲, 完全當其他人唔存在. 直到其他人都醉哂瞓到週圍都係, 我同佢仲係度玩緊, 雖然已經醉咗9成9…..
之後已經唔記得咗係我定佢既主意, 玩輸咗要除衫既遊戲, 結果佢除一件, 我除一件….
……………….
返返去案發現場.
當我埋單嗰陣見到小霞, 見佢望住我既時候皺咗下眉頭, 我心諗你唔L係又想打我嘛. 正想紮個弓步接佢招既時候, 卻聽到佢講..
小霞: 點呀客人, 按得舒服嗎?
我:…..原來個場係你既.
小霞: 係我個死佬開既.
我: 唔錯, 幾好, 下次泥有無discount先?
小霞: d……咩話?
我: 打折呀老闆娘.
小霞: 哦, 哈哈, 唔收你錢又點話? 上次我地咁happy..
出事了, 其實半年前嗰晚我已經斷咗片, 只記得醒咗已經一個人响酒店….莫非我…..搞咗佢…?
我立即細細聲問佢: …..嗰晚…..發生咩事?
小霞臉上一沉: 你係唔係唔想負責任?
我:….呀….吓????????
小霞: 哈哈哈, 你睇下你個樣?
我: 快D答我, 嗰晚發生咩事?
小霞: 你下次來, 我至同你講.
待續
