美肌物語第三彈之 : 誤入邪骨場 & 激戰老板娘 1, 3, 6, 15
美肌物語第三彈之 : 誤入邪骨場 & 激戰老板娘
寫在前面
話說有個地方，一河隔南北。過那條河需要過兩道海關，而那地方叫做 - 羅湖。
與香港羅湖既綠悠悠相比，過咗河後既羅湖卻顯得太過繁華。
因為參加一個展覽會，加上前後要照顧客戶，我跟同事留在深圳半個月左右既時間。
而因為祖國大老闆上任既關係，以往跟客人飯後k歌既指定動作不再存在，所以每日企八個鐘，晚上既活動基本上都係去按腳 dup 骨。
故事，亦因此展開。
呢個Post有考慮過放在夜遊版，但係小弟多年來有個簡單原則: 不與異性做金錢交易。所以思考再三都係留在原地分享俾呢度既ching 絲打們。
當中渉及到一d 比較敏感既資訊如地點等，小弟會略為更改或虛構，但人與事基本保持原貌。
廢話少講，去故～
第一日
沖完凉蒸完氣，上房等技師。由於之前未去過呢間場，想試下一個普通推油。
沒多久，技師進房。見佢一身成個美少女戰士咁既穿著，心諗：唔係嘛，唔通我踩錯場？
並非小弟扮清高唔好色，事實係我多年來有個簡單既原則：不做買賣交易，至於雀仔按摩更加無半點興趣。
嗰陣有d心大心細要唔要繼續落去，最後決定都係算啦，反正都係dup骨，到佢打算除我條褲既時候咪叫佢停囉。
技師：帥哥您那裡比較累？
我：小腿，。。，不，肩膀，不。。反正全身都累啦。
技師：明白了，都幫你按一下。
我: 多按幾下。
技師: 好的。
當佢問我力度夠唔夠，我心諗重兩倍力就差唔多。但聽佢把聲好似成個月無瞓過覺咁，我都唔好意思叫佢咁操勞，同佢講，這樣可以了。
但佢按下按下越來越唔對路，初初都仲叫有兩分力水，之後直頭好似high下high下咁。到我開始有d唔耐煩，同佢講: 給多點力氣吧，你搞到我很痒。
點知佢答我: 不要不耐煩嘛，待會你會更痒。。。
我當場o咗嘴，睇泥呢位大師已經忘記自己工作內容有一半係幫客人正常地按。
由小腿，大腿，正當feel到佢雙手由我條褲浪插入去想摸我patpat既時候，stop咗佢，同佢講：不用了，繼續正常按。
技師：為甚麼？我要為你做服務呀。
我：不用了，我今天沒心情。
技師：那要我繼續給你按嗎？
我：也不用了，我差不多走了。
技師：那可不行耶，客人您早離開，經理會問我們很多問題的呀。
我個下真係有ｄ火，唔係骨火，係怒火。
我：還有多少時間？要不我們用手機下盤飛行棋好了。
正以為可以令佢打退堂鼓，點知。。。。
技師：好呀，我很喜歡玩這個哦。
中伏了，完全地中伏了。。。。
一肚氣，當著返自己衫，埋單想走人既時候，見到收錢嗰位相信係老闆娘。而佢，好似响邊度見過。。。直到我同佢四目相投。。。
半年前。。。。。
待續。
[ 本帖最後由 美肌物語 於 2016-2-25 12:17 PM 編輯 ]
