Thanks for support!

今次更新可能打得太多，sorry呀，講到停唔到手，請見諒。

仲有就係E+呢個前傳部份可能甜既位冇咁多(其實可以話冇)，不過睇開我故事既人都知，本身我既故事都唔多甜位，真係中意甜既可能要慢慢等下，不過我相信呢個前傳部份令人心甜既地方就會好多，多謝大家咁耐既支持，而且都請見諒，希望大家可以繼續支持小弟，都歡迎有新既讀者，如果故事真係發展落去，我唔排除有出書既可能，不過預告一下，我可能先會係「紙言」網上故事平台試一下水温，再決定出書與否，都想再多聽一下大家既意見，我E+初步構思係有幾個結局，比大家選擇同設計，我都想我既故事可以多元化一D，互動性強D，我自己既經歷始終只有一次，有時都會諗如果當時做另一個決定又會點發展呢？不過多重結局既故事會係我自己既真實經歷寫完先開始，大家可以諗下先，分享一下意見，比我先睹大家既創意，希望大家能夠支持我，湧躍提出意見，令我出書成為可能，多謝各位。

初步多重結局構思可以比大家試下諗下以不同女主角作結局，我相信有追開故既讀者都知，暫時女主角人選只有三個，G，S同A。另外就係我希望大家可以幫手提議一下三位女主角既名，因為我唔想出書都用字母代表，所以希望各位可以幫個忙，唔好以為我懶，只係因為我想提高故事既互動性，如果睇睇下個故發現角色名同結局都係可以有機會由自己構思，呢個感覺係幾爽，我作為讀者都會中意，所以大家即管發表意見，因為隨時各位提到既可以係故事中出現，唔再係我話事，因為我認為故事係屬於讀者既，我分享完我既經歷，都應該比讀者發揮一下創意，造就真正屬於大家既故事。

期待大家意見既同時，咁我都繼續更新喇。。。
咁我同G熟左聯絡都多左，有時都會約出嚟玩下行下街咁，(當然唔係得我同佢兩個喇)咁有次我同S仲有G一齊出嚟行街，咁食野既時候S去左廁所，咁G就同我講，喂，襯佢唔係到先講吖，你係咪中意佢呀？你要認真答我呀。我話，都算係既。G就話，咁你唔追佢？我feel到其實佢都中意你架喎。我話，係咩？之不過...我覺得仲未係時候。G話，咁幾時先係時候？拖下拖下，人地走左你唔好後悔呀，佢咁靚女實大把人追架。我話，我暫時都唔知幾時先係適合既時候，但E+真係未得，我都知佢係好靚，如果佢真係要走我都阻唔到。G話，幸福係要好好把握機會架，我都唔想我兩個好朋友唔可以修成正果，比D心機，你係個好男仔，我相信你可以比到幸福佢架。我話，希望喇。(唉，我真係可以比到幸福佢咩？我根本唔係咩好男仔...起碼E+唔係...)

有次我同我前度wtsapp吹水，我問佢如果我想作出一D改變，你點睇？我唔想好似以前咁。你都知我份人，都知我之前係點架喇。佢話，想改變係好既開始，但係問題係好多野唔到你話事，又或者當有誘惑既時候你又會唔會控制得住呢？好似我同你以前咁，我知你對我好好，但你都對其他女仔好好，好多野我明可能出面好大引誘，我都知你出面玩成點，個時其實我都忍左好多次先話分手，如果唔係你玩到我生日都唔記得仲要係出面摟住幾條女係到咀，我可能都唔會同你分手，我都好想扮冇野，但真係好難。E+聽到你話會改，我都會支持你，但係我希望你唔好再令你中意既人傷心，都係個句，珍惜你身邊既人，其實我都幫唔到你D咩，好睇你自己。我話，sorry呀，令你諗返起之前D野，我明你意思既，多謝你。佢話，唔緊要，我都放低左，加油呀。

nice

珍惜你身邊既人ar:smile_46: :smile_46:

我會架喇，多謝。

繼續更新。。。
咁時間慢慢推移，我同G之間既關係都愈來愈好，有次同佢去飲野，(得我同佢)咁佢冇lala問我，如果我話其實我有少少中意你，你會有咩反應？咁個下我呆左一陣，我話，er...咁...我...佢未等我反應完就話，其實我都係講下姐，你都有中意既人喇，點會輪到我吖，當我冇講過喇。咁我就當佢講笑，但之後返到屋企不斷諗不斷諗，其實G都係一個好好既女仔，不過其實我有S一個已經好好，何必諗咁多呢？再加上佢哋咁好姊妹，唔好搞到D關係咁複雜喇，唉，真係想太多，話左要專心一意，就唔好再諗喇。